Eitthvad út í buskann...

..::Vesen::.. Það kom aldrei til að flaggarinn minn þyrfti að færa Arnarborgu og segja má að það hafi verið miður. Arnarborg ákvað að færa sig sjálf og það með látum. Þegar hún loksins fór í gang þá héldu henni engin bönd og sleit hún af sér alla enda og þeyttist yfir höfnina á fullu gasi, endaði sú för með miklu BANG á hafnargarðinum hinu megin í höfninni. Svo driftaði hún rólega út í höfnina. Ég rak mína menn í að setja í gang og fór björgunaraðgerð tvö á fullan sving, það tók stuttan tíma að koma í gang og sleppa hjá okkur og vorum við fljótlega komnir að Arnarborgu þar sem við hengdum hana á síðuna til að koma henni upp að bryggju. Mölluðum við svo með hana upp að bryggjunni þar sem hún hafði keyrt á,þar var komið múgur og margmenni en þeir harðneituðu að taka við endunum og vildu greinilega ekki fá skipið á þennan kaja. Mér fannst þetta með endemum vitlaust enda var verið að bjarga skipinu frá því að reka upp i fjöru, en það var ekki möguleiki að fá þá til að taka viðendunum s

..::Ferðalag::.. Jæja þá er maður loksins komin til Bay Roberts eftir frekar leiðinlegt ferðalag. Ég er búin að vera að drepast úr einhverri flensu svo að heilsan hefur ekki verið upp á marga fiska, en ég hef keyrt á verkjatöflum svo að þetta er ekki alslæmt. Ferðin suður gekk vel og var –10°C bæði á Akureyri og Reykjavík daginn sem ég fór en upp úr því fór að hitna. Ég hitti mömmu og pabba örlitla stund uppi á flugvelli áður en ég tékkaði mig inn, þau voru að nesta mig með lesefni og smella á mig einum áður en ég lagði upp í ferðalagið. Það var smá seinkun á Boston vélinni en ekkert til trafala, og vorum við lent upp úr fimm á staðartíma. Við Valli fórum beint upp á hótel en Toni fór með dóttur sinni hennar manni og þeirra börnum eitthvað upp í bæ, þau búa í USA og komu keyrandi til að hitta karlinn fyrst hann var á ferðinni. Við tékkuðum okkur inn og leist mér ágætlega á herbergið sem ég fékk, ég tók strax eftir smá lekabletti í loftinu en spáði ekki meira í það. Við Valli fór

..::Boston::.. Er komin til Boston a leid til Newfie, rett komst i tolvu a Hotelinu til ad pikka thetta smaraedi :). Bid Gud og gaefuna ad fylgja ykkur ollum hvar og hvert sem forinni er heitid. <.•´¯`•. Hörður .•´¯`•.><((((º>

..::Last day::.. Í gærkvöldi þegar við komum heim úr kvöldgöngunni voru Einar og Hilmar komnir niðgreftir til Hilmars, og þar sem við vorum komin í þetta ægilega göngustuð þá röltum við eftir guttanum. Ég tók að vísu sparksleðann og renndi mér á honum, við prufuðum bæði að sitja á honum á niðureftirleiðinni en færið var ekki nógu gott fyrir fullvaxna farþega. Við stoppuðum smástund hjá Svölu og Óla svo renndum við okkur heim, Einar naut góðs af sleðanum og sat á alla leiðina heim. Þegar ég var gutti heima á Eskifirði þá átti ég svona sleða, að vísu var hann allur úr járnrörum sem pabbi hafði soðið saman, sennilega hefur hann vitað sem var að það myndi duga lítið í höndunum á mér eitthvað spýtnabrak ;) en hvað um það þá renndi ég mér mikið á sleðanum þótt mér hafi nú fundist frekar stelpulegt að vera á sparkssleða. Aðal gaurarnir voru á stýrissleða en hann átti ég engan fyrr en löngu seinna svo á rammgerðum dömusleðanum spýttist ég út um allan bæ:). Í haust þegar ég fór austur í kv

..::Annar í konfektáti::.. Drattaðist á lappir klukkan tíu fimmtán í morgun nokkuð ánægður með það því að ég fór ekki í bælið fyrr en fimm í morgun ;). Fréttirnar af þessum hálfvita austur á Seyðisfirði voru svakalegar en sem betur fer tókst að afstýra því sem hann hafði í huga og loka fávitan inni. Það er alveg ótrúlegt að þessir menn skuli ganga lausir og að mínu viti ætti að reka þessa ræfla á fjöll og GEFA á þá veiðileifi. Þetta gæti orðið hið ágætasta sport fyrir þá sem ekki komust í Rjúpu fyrir utan hvað þetta mundi spara þjóðarbúinu. Ég er alveg viss um að það væru menn úti í heimi tilbúnir að borga stórfé fyrir að fá að lóga einum kynferðisglæpamanni, þetta yrði fín viðbót í ferðamannaflóruna ;). Ég er nokkuð viss um að Dabbi gæti hækkað launin sín umtalsvert fyrir sparnaðinn sem af þessu hlytist, það þarf bara að keyra þetta í gegn um þingið með trukki og dífu. En þetta er víst ekki mjög Jólalegt spjall en þessi fáviti fyrir Austan var ekki heldur mjög Jólalegur síðast

..::Gleðileg Jól::.. Í gær var aðfangadagur en það hefur sjálfsagt ekki farið fram hjá neinum ;), dagurinn hjá okkur var ósköp venjulegur Aðfangadagur, við fórum upp í kirkjugarð um fjögurleitið og kveiktum á nokkrum friðarkertum, það gekk svona upp og ofan að fá þau til að loga en alverst voru þó tólgarkertin. Það er sennilega ástæðan fyrir því að það var byrjað að nota vax í kerti en ekki tólg ;). Eftir kirkjugarðsferðina var haldið áfram að stússa í mat taka jólabaðið og dressa sig upp fyrir matinn. Við vorum með Kalkún og Svín og tókst það bara nokkuð vel ;)....... Eftir voru svo pakkarnir opnaðir og var mikið um fallegar gjafir. Um ellefuleitið var svo kíkt niður í Mímisveg til Kalla þar var allt á fullu og nóg að gera við að setja saman leikföng fyrir Bjarka Fannar ,). Í dag sváfu svo allir fram að hádegi, ég harkaði mér í að setja upp viftuna sem við fengum frá mömmu og pabba og var það akkúrat tilbúið þegar flautað var til jólaveislu í Mímisveginum, þar var öll fjölskyl

..::Skötuveisla::.. Það má segja að dagurinn hjá mér hafi byrjað á skötuveislu, eða það var ekki langt frá því. Við vorum öll mætt niður til Gunna og Dísu í Þorláksmessuskötuna í hádeginu, ekki klikkuðu þau skötuhjú á skötunni þetta árið frekar en áður, en hún var með sterkara móti núna og ekki hollt að vera mikið á innsoginu yfir skötufatinu. Eftir matarboðið fórum við heim og þá tók Jólaundirbúningurinn við, Guðný var náttúrulega að þrífa og þvo þvott og eitthvað fleira sem fylgir þessu jóla jóla ;). Um sexleitið skutlaði ég svo Óla inn á Akureyri og sótti Árna Finns í leiðinni, við kíktum aðeins í Glerártorg og svo aðeins í göngugötuna en það var frekar kalt og fátt fólk á ferli, allavega miðað við dagsetninguna............... Svo var brunað út á Dalvík, það var hált en ekkert til að væla yfir og geystist súbbinn þetta eins og ekkert væri. Maður tók varla eftir því að það væri hált fyrr en þeir komu með einhverjar aðvaranir í útvarpinu en þá var ég komin heim. Það mætti mé

..::Tiltekt::.. Jedúddamía Guðný er búin að vera á fullu við tiltekt í allan dag og nú er búið að glans pússa kofann frá kjallara og upp úr, ég kom mér náttúrulega undan tiltektinni og heimsótti nágrannann ;). Hann átti líka að vera að taka til en í sameiningu tókum við til í tölvunni hans, eða réttara sagt fundum við forrit til að sjá um tiltektina fyrir okkur :). Það var komin svo mikill snjór í planið hjá okkur að ekki var annað ráð en að hringja á skurðgröfu til að sjá um það verk, þeir voru mættir eldsnemma í morgun og hreinsuðu planið svo nú er hægt að setja bílinn inn. Eftir kuldakast undanfarinna daga þá er komin hláka og var hitinn komin upp í 4°C í kvöld. Seinnipartinn fór ég niður í kjallara og náði í Jólatréð það tók smástund að setja það saman og nú biður það eftir skreytingunni, en samkvæmt hefðinni þá verður það gert annaðkvöld og eru það krakkarnir sem sjá um það. Ég smellti inn mynd af trénu eins og það er núna og svo er aldrei að vita nema það k

..::Vake up::.. Það var frídagur á blogginu í gær ;) en nú á að reina að bæta ykkur það upp. Gærdagurinn var svona melló, og var eins og mætti orða það rólegheitadagur. Óli kærastinn hennar Hjördísar kom seinnipartinn og svo kom Kalli aðeins í gærkvöldi. Kalli hitt vel á því ég var á ferðalagi um Grænland í tölvunni og fórum við þorp úr þorpi frá Ittoqqortoormiit til Qaanaaq en þetta var hin fróðlegasta ferð og víða var mikið af myndum til að skoða, ég mæli með statgreen.gl sem byrjunar tengil á Grænland og þá má ferðast þorp úr þorpi með því að smella á punktana á Grænlandskortinu......svo ég segi.......Góða ferð..:) Ég var lengi á fótum í gær og vaknaði seint í dag, mér virðis ákaflega auðvelt að snúa sólarhringnum við og er mikið næturdýr. Við Guðný fórum svo í bæinn í dag að versla inn fyrir jólin, við fórum bara tvö svo þetta tók fljótt af. En mikið rosalega var margt í Glerártorgi ,), við stoppuðum stutt þar kíktum aðeins í Rúmfatalagerinn og keyptum okkur kolla og e

..::Litlujólin::.. Dagurinn byrjaði á að keyra Einar Má á litlujólin í skólanum, svo sótti ég pakkana frá Hönnu Dóru á pósthúsið, pakkarnir frá henni fá einhverja flýtimeðferð hjá Samskipum ;). Kalli fékk svo bílinn lánaðan inn á Akureyri en við vorum bara að stússast heima. Það er ekki hægt að kvarta yfir því að Jólasnjórinn sé ekki kominn því hér er bara ansi mikill snjór í augnablikinu. Ég ætlaði að taka mynd af snjónum og húsinu í dag en ekki vildi betur til en svo að myndavélin var akkúrat batteríslaus þegar ég var komin með hana út á götu, en það er bara ég ;). Smellti batteríinu í hleðslu og það verður að bíða betri tíma. Það er búið að vera ótrúleg leti í mér að setja inn myndir á síðuna mína, ég ætla alltaf að fara að vera duglegur og uppfæra að einhverju viti en svo verður aldrei neitt úr neinu ;(. Ég spjallaði ansi lengi við Mömmu í dag, og ekki er annað að heyra en að þau blómstri i garðinum. Mér finnst að vísu vera fulllangur vinnudagurinn hjá pabba en það er ka

..::Bjargvættur::.. Litla systir var ekki lengi að laga bloggið mitt ;), og nú er allt komið í lag. <.•´¯`•. Hörður .•´¯`•.><((((º> says

..::Copy....Paste::.. Hvar er eiginlega frumleikinn í okkur ? Ég var að vafra á netinu þegar ég rakst á vísun á “tenglasíðuna mína”, þegar síðan poppaði upp þá kannaðist ég við ansi margt en fannst eitthvað hafa farið úrskeiðis og hugsaði Fuck!! hvað er að gerast er síðan mín komin í gráfíkjur. Þegar betur var að gáð þá var þetta bara alls ekki tengt á mig. Com on!!!! Ekki dytti mér í hug að afrita þetta svona beint og bæta svo svona kauðalega inn aukatenglum eftir á................................dæmi hver fyrir sig ;). ..:: Mín tenglasíða ::.. ..:: Sú Klónaða ::.. Ég er svo sem ekki hissa á því að heimurinn hafi verið hræddur við klónun ef þetta er útkoman ;). Þetta er hálfgert Chernobil afkvæmi ;). En kannski á maður bara að hafa gaman af þessu og vera ánægður með þetta, en samt fannst mér þetta sorglega afskræmt og var ekki hlátur í huga...........yfirleitt á ég nú samt auðvelt með að sjá spaugilegu hliðarnar á tilverunni :) Úbbs komin miðnótt og ég ekki farin að sof

..::Hvað fékkstu í skóinn?::.. Vaknaði fyrir allar aldir til að kíkja í skóinn, en það var ekkert í honum ekki einu sinni kartafla. Það verður að segjast að ég var svolítið svekktur út í Bandaleysi jólasvein fyrir þessa yfirsjón, en það var betra að fá ekki neitt frekar en að fá Kartöflu ;)............ Fórum í bæinn(Akureyri) í morgun til að kaupa jólagjafir, en sá þáttur er búin að sitja á hakanum hjá okkur og nú varð að taka á þeim málum svo að við endum ekki í gini jólakattarins. Ég þurfti líka að hitta Hemma vin minn hjá HGV veiðarfærum ;) Hemmi er alltaf með eitthvað nýtt á takteinunum og tilbúin að spá í hlutina með manni. Það teygðist aðeins úr bæjarferðinni og vorum við ekki komin út á Dallas fyrr en um fjögur. Þá var undirbúningur laufabrauðsgerðarinnar í algleymingi hjá Kalla svo við tæmdum bílinn og brunuðum í gleðina. Þar var svo skorið og steikt á fullu og tóku allir laukar fjölskyldunnar þátt í gleðinni ;). Ég svindlaði aðeins þegar ég lenti í hörku Ýsuveiði í

..::Magaverkur og skita::.. Það ætlar aldeilis að hanga í þessari magakveisu minni, og ég sem hélt að ég væri komin á beinu brautina í gær. Í gærkvöldi var belgurinn á mér eins og nuddpottur og ólgaði allur pakkinn með tilbehör ;). Sem sagt ég er búin að vera tíður gestur hjá Gústafsberg í dag ,) en allt í góðu eins og Þórhallur miðill orðar það svo skemmtilega. En ég hafði mig þó uppeftir til Gumma í morgun til að hjálpa honum að koma hillu niður í kjallara, fór báðar leiðir á þess að skíta á mig sem má flokka undir afrek miðað við maga og þarmastarfsemina. En galdurinn er að kjaga árfam með samanklemmdar rasskinnar og passa sig á því að hósta hvorki né hnerra ,). Guðný brá sér í búðina og keypti LGG+ að beiðni sjúklingsins, þetta galdraseið á víst að virka vel við magaóþægindum og í einfeldni minni þá trúi ég því og vældi húsmóðurina af stað :). Og jóla jóla . Pakkarnir úr Garðinum og Kópavoginum komu ídag, krakkarnir ljómuðu eins og sólir yfir öllum þessum pökkunum. Samk

..::Kertaveisla::.. Í morgun þegar ég opnaði glyrnurnar var þetta gaddgrindarfrost sem geisaði á Norðurlandi í gær gengið yfir og komin asahláka. Eftir morgunteið fór ég með ruslið sem gleymdist óvart i öskutunnunni hjá okkur þegar aðrir bæjarbúar voru þjónustaðir ;(. Að ruslaleiðangrinum loknum skrapp ég aðeins inn á Akureyri í smá stúss með Kalla en við stoppuðum stutt. Þegar við komum til Dalvíkur aftur þá kom ég við uppí kirkjugarði og kippti heim útikerti sem ekki vildi loga í á laugardaginn, ég fór með kertið heim bræddi úr því mesta snjóinn og þurrkaði. Svo vætti ég aðeins kveikinn í tjöruhreinsi og svo var brunað með kertið upp í garð aftur. Það logaði núna en eitthvað hefur efnasamsetningin raskast við olíuhreinsiskveikinn því að það logaði full mikið, og ekki bætti úr skák þegar rigndi ofan í sjóðandi heitt vaxið. Hún Helga mín hefur örugglega skemmt sér konunglega yfir þessu kertabrasi mínu, en þetta var eins og með Emil í Kattholti “Þetta átti ekki að fara svona” þetta

..::Snjór snjór snjór::.. Það er kalt á dalvíkinni í dag og frostið fór niður í -13°C. Ég þurfti að moka planið í dag til að koma bílnum inn í hlýjuna en það var það kalt að ég tók bara mesta kúfinn af þessu og tók svo restina á ferðinni ;). Ég er búin að vera að drepast í magakveisunni og var á tímabili síðastliðna nótt eins og ég hefði gleypt rjómasprautuhylki sem svo hefði tærst í sundur í belgnum á mér. Já það var með ólíkindum gasmyndunin ,) þessu fylgdi náttúrulega bölvaðir verkir og var ég orðin ansi pirraður á þessu. En þetta hlýtur að ganga yfir eins og önnur óværa. Í kvöld voru svo Ingunn Kalli Ninna Gummi Soffía Kalli Brynja og Bjarki i mat hjá okkur, ég ætlaði að fasta í dag samkvæmt sjálfshjálpsnarráði við iðrakvefi ú heimilislækninum. En gat ómögulega stillt mig og tók sénsinn á að gúffa í mig, ég vona að mér verði fyrirgefin yfirsjónin ;). Bæn um fyrirgefningu Góði Drottinn Guð, ég ætla að gera eins og þú vilt og fyrirgefa öllum eins og þú fyrirgefur mér.

..::Útför Helgu ::.. Dagurinn heilsaði okkur með kafaldsbyl og fannkomu, ekki beint veðrið sem við hefðum óskað okkur á útfarardeginum hennar Helgu, en við því var lítið að gera. Við fórum upp í kirkju um hálfeittleitið og byrjaði athöfnin klukkan hálftvö. Athöfnin einkenndist af miklum söng og tónlist og var meðal annars þetta lag sungið. -Rósin- Undir háu hamrabelti Höfði drjúpir lítil rós, þráir lífsins vængja víddir, vorsins yl og sólarljós. Ég held ég skynji hug þinn allan, hjartarsláttin, rósin mín, er kristaltærir daggardropar drjúpa milt á blöðin þín. Æsku minnar leiðir lágu lengi vel um þennan stað. Krjúpa niður, kyssa blómið, hversu dýrlegt fannst mér það. Finna hjá þér ást og unað, yndislega rósin mín. Eitt er það sem aldrei gleymist, aldrei, það er minning þín. Mér hefur alltaf þótt jarðarfarir sorglegar athafnir, en þetta var mjög falleg athöfn. Og ekki vantaði blómin sem bárust, ég hugsa að Helga hefði kunnað að meta öll þessi blóm þót

..::Betra seint en aldrei::.. Ég hafði mig bara ekki í að klára bloggið sökum anna en betra er seint en aldrei!. Ég fór inn á Akureyri um tvöleitið með björgunarsveitarbílnum til að ná í kistuna og fara með hana út í kirkju, í framhaldi af því var lítil bænastund í kirkjunni. Í dag kom Jóna Lind systir Guðnýjar og maðurinn hennar keyrandi frá Ísafirði, þau kíktu aðeins í heimsókn í kvöld. Það er ekki sérstakt veðurútlit fyrir morgundaginn en við vonum það besta, það má ekki gefa upp vonina. Oft er hún vonin eina haldreipi okkar í lífinu. Megi friður Guðs, sem er æðri öllum skilningi, varðveita hjarta ykkar og hugsanir. Þetta verða lokaorðin í dag............. <.•´¯`•. Hörður .•´¯`•.><((((º>

..::Frummaður::.. Ég gleymdi alveg að minnast á að í gær blossaði upp í mér frummaðurinn og kafaði ég djúpt í iður frystikistunnar og gróf upp hákarlsbita sem mér áskotnaðist fyrir austan í haust þegar mamma og pabbi voru borin út ;). Já agalega langt síðan ég hef smakkað hákarl ummm namm, en ég var bara einn um þennan áhuga á fornmetinu á ægisgötu sex, þ.e.a.s fyrir utan Árna sem var í heimsókn ,). Hvað um það þar sem hákarlinn var frosin þá var ekkert annað í stöðunni en að skera hann niður í teninga setja í krukku og bíða morguns, hann er alveg bragðlaus frosin ;). Nú svo fórum við og leigðum okkur myndina “Nói albinói” sem mér fannst alveg frábær. Ef þið eruð ekki búin að sjá hana þá mæli ég með að þið verðið ykkur úti um hana.... Þegar ég svo vaknaði í morgun þá var mitt lán í óláninu að salernið var ekki upptekið. Ég var með svona líka agalega steinsmugu með tilheyrandi innantökum og vanlíðan. Heppnin í mér að vera ekki kvefaður, því ég er ekki viss um að ég hefði m

..::Auma::.. Nú er það aumt, haldið þið ekki að ég þurfi að blogga á gamla hólknum ;). Það er allt komið á kaf í snjó hjá okkur hérna á Dalvík, snjóruðningstækin eru búin að vera á fullu í allan dag, brúmm brúmm. Þetta er að vísu soltið jóló en maður er með í maganum yfir því að bílaplanið verði ófært, hugsið ykkur ef maður þyrfti að skafa snjó og klaka af bílnum á hverjum morgni. Moka tröppurnar tvisvar á dag ca eina smálest í hvort skipti ;). Oj oj það má bara ekki gerast, ég meika það ekki að hokra krókloppinn fyrir utan gaddfreðna blikkbeljuna með gluggasköfuna. Og eiga svo eftir að sitja helfrosin inni í henni áður en hún volgnar svo maður sjái út ;). En það þarf ekki að hafa áhyggjur af þessu því að Siggi stormur var að spá hláku þegar líður á vikuna. Og ekki lýgur stormurinn ;). Læt þetta nægja núna. Megi englar guðs vaka yfir ykkur hvar sem þið eruð............. <°)))>< Hörður ><(((°>

.::Frídagur::.. Sökum ytri aðstæðna þá fór bloggið mitt út um þúfur í gær, en þetta á nú kannski frekar að vera til gaman heldur en kvöð. Svo að frí og veikindadagar eru ótakmarkaðir ;). Gott að vera í vinnu hjá mér ;)............... Ég keypti mér netkort og nýja örgjafaviftu í gamla hólkinn seinnipartinn í gær, þegar heim kom var svo garmurinn hlutaður í sundur til að auðvelda aðgengi að innviðunum. Svo var netkortinu þjösnað í raufina (Passaði frekar illa) og viftan skrúfuð á kælinn. En djö maður nýja viftan var nærð með þremur endum en sú gamla hafði látið sér duga tvo enda, eftir smá pælingu var töngin og vasahnífurinn dregin fram endarnir afeinangraðir og snákarnir snúnir sama ,). Aukaendinn var látin lafa laus, svo var bara að hleypa straum á loka augunum og vona það besta. Viti menn viftukvikindið snérist svo að þessi aukaendi virðist hafa verið óþarfi ;) he he. Nú var bara að einangra endana og skrúfa lokið á. Svo setti ég gömlu tölvuna upp í tölvusetrinu okkar og te

..:Stjörnuljósasería::.. Það er varla hægt að segja að ég hafi dregið á mér rassgatið út úr húsi í dag ;(. Þó drattaðist ég út í kvöld og hengdi upp stjörnuljósaseríu í öspina sem er norðan við húsið. Svo klístraði ég einni seríu í stofugluggann, einni af þrem ,) en þar sem sogskálarnar voru uppurnar þá verða hinar seríurnar að bíða morguns. Kippti ISDN kortinu og örgjafaviftunni úr gömlu tölvunni, en á morgun ætla ég að kaupa nýja viftu og netkort í gamla hólkinn og koma henni af stað. Nýi routerinn getur tekið fjórar vélar og þar sem alltaf er biðröð í nýju tölvuna þá verður að bregðast við aukinni eftirspurn og henda upp annarri vél ,). Í gærkvöldi las ég svo í gegn um dagbókina sem Einar afi hélt árið 1947 og hafði gaman af. Ég man ekkert eftir afa enda var ég bara grislingur þegar hann dó, en þessi lestur gaf mér aðeins innsýn í það líf sem hann lifði. Læt þetta duga í dag. Bið Guðs engla að vaka yfir ykkur og vermda fyrir öllu vondu og ljótu, okkur veitir víst e

..::Labbitúr::.. Kúrði fram að hádegi í dag ;). Eftir að vera búin að lepja ofan í sig nokkra bolla af tetley fékk ég mér labbitúr upp á dal. Ég pjakkaði upp að brúnklukkutjörn sem var ísi lögð, ég hafði samt ekki kjark í að prufa styrk íssins enda nokkuð langt að labba rassblautur heim ef illa tækist til ;). Eftir labbitúrinn fór ég að gramsa í bókakössunum sem pabbi og mamma sendu mér í sumar, þar kenndi ýmissa grasa. Gömul dagbók eftir Einar afa síðan 1947, þar sá ég að hann hafði haft 70krónur á dag í laun meðan hann var að gera M/S Lív klára á Akureyri en þangað fór hann sem 1.vélstjóri. Marz 1947. Fimmtudagurinn 13. Byrja að vinna við M/S Lív. Í skipið kemur ný aðalvjél 155-180 h.k Atlas Impesíal. 4.cílendra fjórgengis Dísel ljósavjél 7h.k Lister dísel 4k.v dínamó og loftþjappa. Nýjir 2. neysluvatnsgeimar ca 1 ½ tonn Vinna 8tímar. Þetta þykja ekki stórar tölur í dag þegar aðalvélar skipa eru komnar upp í 11.000h.k ljósavélar hlaupa á þúsundum kw sem svo er hægt

..::Stjarna::.. Það var sorglegar fréttir sem biðu mín þegar ég lenti í Keflavík í morgun. Helga var farin. Sumar fréttir langar manni ekki til að heyra, maður vill bara grafa höfuðið ofan í sandinn eins og strúturinn og fela sig fyrir öllu. En maður verður víst að þurrka framan úr sér tárin bíta á jaxlinn og reina að standa sig og standa með sínum. Helga hefði ekki viljað að ég væri eitthvað að væla en oft hefur verið stutt í tárin í dag. Mér dettur í hug trú Indíánanna. Þeir trúðu því að þeir sem færu yrðu að stjörnum á himnunum, þetta var falleg og falslaus trú þeirra. Í kvöld þegar við horfum upp í himininn þá er einni stjörnu fleira á himninum. Stjarnan hennar Helgu. Mig langar til að biðja Guð almáttugan að passa Helgu fyrir okkur, styrkja þá sem eftir sitja og færa þeim kærleika og hlýju. Mig langar til að benda ykkur á kærleiksvefinn hans Júlla endilega lítið við á honum. Læt þetta duga í dag. Bið Guð almáttugan að vera með ykkur. <°(())>< Hörður >

..::Landstím::.. Jæja þá er þessu stubbur á enda og við á fullu gasi áleiðis til Newfie. Við lögðum af stað klukkan níu í morgun í ágætisveðri en eftir því sem leið á daginn þá herti vindinn, en okkur til lukku þá hefur þessi gustur verið á eftir okkur svo dósin göslaðist upp á 12sml eitt augnablik í dag ;) annars lá hún í 11.5-11.7sml. Núna er þetta eitthvað að breytast og á ég von á því að hann fari að snúa sér í vestlæga átt. Þeir fara mikinn í lokal útvarpinu og eru að spá fyrsta stormi vetrarins á morgun með –1°C og tíu sentímetra snjó með þessu öllu saman. Já okkur finnst sjálfsagt ekki mikið til þessara snjókomu koma enda vön mun meira snjómagni, þ.e.a.s við norðanmenn ;). Það verður stutt stoppið hjá mér í Newfie í þetta skiptið, en ég fékk flugáætlunina í hendurnar í dag og á ég að fara í loftið klukkan 13:30 lokal tíma. Svo sýnist mér að ég þurfi að hanga í Halifax þrjá tíma svo verður stutt stopp i Boston og kem svo með FI632 til Keflavíkur og áætluð lending þar 06:

..::Heimferð::.. Í fréttum er þetta helst! Það er búið er af finna mann til að leysa mig af svo ég komist heim eftir túrinn, Hrafn skipstjóri á Eyborg reddaði mér og ætlað að buffa í dósina næsta túr ;). Við erum að baksa á vesturbakkanum í dag og er það rétt að þetta lafi yfir hungurmörkum, en við vorum líka orðnir svangir. Við verðum að rembast á þessu eitthvað fram á morgun en þá tekur landstímið við. Arnarborg dósin sem við drógum i land í maí í vor var loksins að hafast af stað, mætti á þúfuna í gær. Það gekk illa gekk að ná henni af stað enda voru legusárin á henni gróin við kajan í Bay Roberts. Hvað um það hún hökti af stað fyrir rest með tukthúsliminn frá dubai við stjórnvölinn ;). Geystist dósina út á hattinn eins og belja sem sleppur út eftir vetrarsetu í dimmu og daunillu fjósi. En björninn var ekki unninn þótt á miðin væri komið. Togvindurnar neituðu að vinna enda komnar í hálfgerðan dvala eftir allt stoppið. Frostvarið vélagengið á Boggunni var búið að fara hön

..::Rólegt::.. Það er rólegt yfir blessaðri veiðinni þennan daginn sem aðra í veiðiferðinni, þó eru tveir síðustu dagar búnir að vera afspyrnu lélegir. Ekki var nú á það bætandi en svona er lífið og lítið við þessu að gera annað en að bíta á jaxlinn og halda áfram að reina. Í kvöld yfirgefum við svo hattinn og ætlum að reina fyrir okkur á svæði sem opnaðist fyrsta des, vonandi svífa heilladísirnar yfir okkur þar því við þurfum svo sannarlega á því að halda. Þetta er það helsta af mér í dag. Bið Guðs engla að vera með ykkur í því sem þið eruð að bjástra við. <°((()>< Hörður ><()))°>

..::Fugl í búri::.. Mér bárust ákaflega sorglegar fréttir í gærkvöldi. Fréttir sem voru eins og að vera slegin með blautri tusku í andlitið. Maður verður ákaflega lítill og ósjálfbjarga þegar eitthvað bjátar á heima fyrir og maður getur ekki staðið með sínum nánustu. Eins og lítill fugl í búri, fugl sem getur ekkert gert nema að flögra um í búrinu sínu en finnur ekki leiðina út í frelsið. Já það fylja þessu starfi oft erfiðleikar sem venjulegt fólk gerir sér ekki svo glögga grein fyrir. Ég held að það skilji það engin nema sem sá sem reynt hefur hversu mikil einangrun sjómennskan er. Þetta litla innlegg mitt í bloggið verður að duga í dag. Bið Guð almáttugan að vaka yfir ykkur. <°((()>< Hörður ><()))°>

..::Stutt::.. Það verður í styttra lagi bloggið í dag. Veiðin er svipuð og veðrið er ágætt allavega seinnipartinn. Lómur1 kom og sótti bing að keðjum sem hann átti hjá okkur og tók það tvær ferðir að ferja binginn yfir, þetta gekk rosalega vel hjá þeim strákunum á léttbátnum því aðstæður voru ekki upp á það besta. En það er allt hægt ef viljinn er fyrir hendi. Erum á Norðurhorninu og erum byrjaðir að pjakka vestur á bóginn. Annan des á að resta veiðiferðina á þremur ell. Vonandi verður rauða paddan í þykkum lögum þar ,). Bið Guðs engla að vaka yfir ykkur öllum og færa ykkur kærleika hlýju og passa ykkur fyrir öllu ljótu og vondu. Munið eftir bænunum ykkar áður en þið farið að sofa ;). <°((()>< Hörður ><()))°>

..::Langhundar::.. Nú er ég búin að gefast upp á því að hífa þrisvar sinnum á sólarhring og hef ákveðið að taka bara tvo langhunda á sólarhring ;). Það er hvort sem er ekkert nema iðnaður og ekki má hirða nema stærstu suðuna vegna verðhruns á smærri suðu ;(. Já það er ekki að drepa menn vinnuálagið hérna um borð þessa dagana, nú liggja karlarnir niðri og bora í nefið á sér, hundsvekktir yfir ástandinu á miðunum. Engir peningar ef ekkert fiskast segja þeir ;(, en við ráðum ekki við þetta því að svona er ástandið hjá öllum flotanum. Að vísu er einhver slatti af Norðmönnunum og tveir Færeyingar að fiska þokkalega, en það er inni í lokaða hólfinu sem engin má vera í. Það er einkennilegur fjandi að þeir komist upp með þetta dag eftir dag og viku eftir viku án þess að NAFO eftirlitið hósti né stynji. En því miður sitja ekki allir við sama borð á þessum vettvangi. Það er einhver golukaldi að stríða okkur í dag og veðurkortin benda á að veðurbreyting geti verið í aðsigi, en það er svo

..::Hvalreki::.. Það var aldeilis hvalreki á fjöru mína öll e-malin sem biðu mín í pósthólfinu í morgun ;). Guðný sendi mér nokkra brandara, Hanna Dóra sendir mér afrit af blogginu sínu og ættmóður blogginu ásamt fréttum af baggalút.is Nú veit ég allt sem hefur gerst í fjölskyldunni undanfarið ;);Þ;P........... Aflinn er frekar rýr þennan daginn en það þíðir sjálfsagt ekkert annað en að bíta á jaxlinn og vona það besta. Um miðjan daginn renndum við upp að Eyborginni hentum línu á milli og kipptum um borð til okkar pakka sem við tökum með okkur í land fyrir þá. Þetta gekk eins og í sögu og vorum við snöggir að redda þessu. Ansi fannst mér hann flottur gjörningurinn hjá Eskju. Losa sig við alla dragbítapakkann yfir á Húsavík og taka svo af þeim skásta skipið ;). Já þeir Eskfirðingar fá í hendurnar hörkufínt einstaklega velviðhaldið skip. Þeir gerast sjálfsagt ekki betri ísfisktogararnir á Íslandsmiðum;). Svo verður spennandi að sjá hvaða nafn nýja skipið fær? En þett

..::Engla tár::.. Í morgun grétu englar himins flóðu tárin um allt, skoluðu burt fuglaskír og skildu allt skipið eftir tandurhreint ;). En sem betur fer þá stóð þetta ekki lengi yfir englarnir tóku þeir gleði sína á ný hættu að gráta og lægðu vindinn sem táraflóðinu fylgdi ;). Núna er nánast vindlaust og þokusuddi liggur yfir, skyggnið er hundrað metrar eða svo og maður er einn í heiminum(þokunni) sér bara næstu skip í blindflugstækinu ;). Veiðarnar ha hvar er eiginlega verið að spyrja um það? Ekki leiðinlegar spurningar takk! En fyrst þið endilega viljið vita það þá er þetta svona náskrap drullunag og rólegt yfir þessu en tussast. Svo mörg eru þau orð um veiðina á Flæmska hattinum. Loksins loksins er komið internetsamband við heimili mitt á ný ;) á endanum kom í ljós að þeir hjá símanum höfðu fuckað upp einhverju hjá sér sem olli því að ekki var hægt að fara á netið í viku ;(. Hvernig er það lumar ekki einhver á bröndurum handa mér hérna í útlegðinni? Og til að fullkomna

25 Nov 2003 ..::Drulludd::.. Í gær dag var smá veiðivottur hérna á norðurhorninu, ekki mikið en samt það skásta sem við höfum séð í túrnum ;). Við vorum hérna ásamt Otto Atlas Napoleon og Hogifoss. Þegar ég vaknaði í morgun þá var þröngt á þingi, þetta var bara eins og í fótboltanum þegar einhver skorar, það hrúgast öll kjóran yfir ræfillinn ;). Í dag er svo flotinn búin að blóðrunka bleyðunni og á ég ekki von á stóru hér á morgun eða seinnipartsholið í dag ;(. Annað áhyggjuefni er að helv smárækjan virðist vera að flæða niður kanntinn og eru menn að fá 215stk/kg niður á 280fm dýpi sem er alveg nýmóðins hér á Hattinum, venjulega hefur mátt fá æta rækju neðan við 2000fm en svona er Hatturinn í dag ;(. Veðrið er alveg frábært svo ekki þarf að kvarta yfir því og kokkurinn galdrar fram eitthvað nýtt á hverjum degi. Hann var með eitthvað sniðsel klukkan hálf tólf og klukkan tvo galdraði hann fram pitsur í gríð og erg. Já maður safnar líklega ekki aurum þessa dagana en það verður

24. Nov 2003 ..::Útrýming::.. Ég tók tvö kvöld í mæða myndina “Dansar við Úlfa” í gegn um DVD spilarann :). Þetta er alveg frábær mynd og boðskapurinn fallegur. Maður áttar sig á því að það hefur ekkert breyst hjá Bandaríkjamönnum síðan þeir murkuðu lífið úr vesalings Indíánunum forðum daga. Núna eru það bara Írakar er ekki Indíánar. Á undan Írökunum voru það Víetnamar, og sjálfsagt eru það miklu fleiri sem hafa orðið fyrir barðinu á þeim en ég kann ekki að nefna þá sögu....... En ef sagan er skoðuð þá hafa Bandaríkjamenn aldrei barist í eigin landi, fyrir utan stríðið milli Suður og Norðurríkjanna sem ég flokka frekar undir innbyrðis deilur. Þegar Bandarískir innflytjendur murkuðu lífið úr Indíánunum þá var tala fallina Indíána mun hærri en tala fallina Gyðinga hjá Þjóðverjum þegar þeir reyndu að útrýma Gyðingum í seinni heimstyrjöldinni. Þetta er sorgleg staðreynd, sem aldrei er minnst á....... Annars er lítið að frétta héðan af hattinum, veðrið er gott en veiðin hefur e

22. Nov 2003 ..::Tenging & flöskuskeyti::. Hvenær skildi nú þessi vesalings internettenging komast í gagnið á ægisgötu 6 Dalvík? Bloggið hleðst upp í pósthólfinu og kemst hvorki lönd né strönd ;(. Hérna á Hattinum er allt við sama, lítil veiði en gott veður. Dagarnir eru lengi að líða og tíminn silast áfram, þetta er eins og að vaða í sírópi!............ Ég er búin að senda tvö flöskuskeyti í túrnum, eitt í gær og annað í dag og spennandi verður að heyra hvort þau nái einhvertímann landi. Þær eru svo hentugar í þessa póstflutninga vatnsflöskurnar frá perrier, alveg sniðnar fyrir flöskuskeytaflutning ;). That´s for to day. Bið himnaföðurinn að vaka yfir ykkur öllum hvar sem þið eruð niðurkomin. <°((()>< Hörður ><()))°>

21. Nov 2003 ..::Bankarán::.. Það er alltaf verið að tala um bankarán í fréttunum, einhverja dópista og vesalinga sem eru eitthvað að sprikla en hirtir jafnóðum. En var ekki stærsta bankaránið framið í gær? og það rán komast menn upp með enda voru bankaræningjarnir ekkert að reina að fela gjörðir sínar. Það er algjör hneisa að tveir yfirmenn í Búnaðarbankanum fái að kaupa hlutabréf á undirverði, einhverju gengi sem var á bréfunum í sumar. Það er ekki riðið við einteyming í Íslensku bankakerfi, það er víst ábyggilegt. Væri ekki nær að lækka vexti og kostnað sem hinn almenni neitandi þarf að punga út? Fyrstu níu mánuði ársins skiluðu Íslenskar bankastofnanir tólf miljarða hagnaði! Er ekki eitthvað orðið bogið við þetta kerfi? Ég segi nú eins og Ragnar Reykás ma ma ma ma skilur þetta ekki. Svo tala menn um spillinguna í Rússlandi ég held að við ættum að líta okkur nær í þeim efnum En nóg um spillinguna á Íslandi það er ekki hollt fyrir blóðþrýstingin að hugsa um hvernig þetta

20. Nov 2003 ..:Kaldi:.. Fimmtudagurinn tuttugasti nóvember heilsaði okkur með norðvestan kaldafílu og ég sem var svo glaður með veðurkortið sem ég tók í gærkvöldi. Á því korti var þessi líka ógnar hæðarhlussa útflött yfir allan Flæmska Hattinn og varla nokkur þrýstilína sjáanleg, en því miður gekk ekki kortið eftir. Við félagarnir drógum okkur norður í alla nótt og erum á norðurendanum ásamt Andvara, Otto, Atlas og einhverjum örðum galeiðum, aflinn hefur ekkert skánað og er bara lélegt á línuna. Hér eru menn hljóðir og varla heyrist stuna né hósti í talstöð, ef einhver lætur í sér heyra þá er það grátur og volæði. Djísus kræst com on þetta getur ekki verið svona slæmt?....... eða hvað? En við lifum í voninni og trúum því statt og stöðugt að þetta lagist bráðlega ;). “Þegar hlutirnir eru orðnir svo slæmir að maður heldur að þeir geti ekki orði verri, þá eru þeir líklega að verða betri” ;) þetta las ég einhvertímann og fannst ansi mikið til þessara orða koma. Það er alltaf

19. Nov 2003 ..::Njet Bush Njet::.. Við náum ágætlega orðið útvarpinu svo að nú er hægt að ræða heimsmálin eftir hádegisfréttirnar, við félagarnir vorum allir hjartanlega sammála Livingstone um að Bandaríkjaforseti væri helsta ógn við heimsfriðinn þessa stundina og ég geri ráð fyrir að ansi margir séu á þeirri skoðun. Þær ganga frekar rólega veiðarnar hjá útflöggunarflotanum á Flæmska Hattinum þessa dagana og erum við þar engin undantekning frá því ;( En þetta er sjarminn við veiðar það er aldrei hægt að ganga að neinu vísu ;(, við getum samt ekki annað en lifað í voninni um að þetta fari að skána. Þetta er ekki allt bölvað t.d er veðrið skaplegt, og ekki sveltum við eins og svöngu börnin í Afríku sem maður fékk svo oft að heyra um þegar maður vildi ekki borða matinn sinn sem barn. Það eru nokkrir nýir kallar með okkur núna og sé ég ekki annað en að þeir komi ansi vel til enda er þetta yfirleitt sómafólk og duglegt til vinnu. Auðvitað eru til drulluháleistar hjá þess

..::189::.. Í morgun þegar ég vaknaði var komið þetta fína veður en svolítill slampandi. Ég staulaðist upp og tók við vaktinni af flaggaranum sem virtist frelsinu feginn. Í hádeginu prufaði ég að tjúna stórustöðina inn á 189 RUV og viti menn nýja loftnetið virkaði svona glimrandi svo að maður fékk heimsfréttirnar beint í æð, náttúrulega var búið að drepa nokkra Bandaríska hermenn í Írak ;(, ég held að USA hefði átt að halda að sér höndum og sleppa þessu stríðsbulli. Þetta er aldeilis búið að snúast í höndunum á þeim, náttúrulega voru engin gjöreyðingarvopn í Írak og heimsbyggðinni stóð engin ógn af örfáum kófsveittum sveitadurgum með heykvíslar. Mesta skömm okkar Íslendinga er að hafa yfir höfuð staðið með þessari vitleysu, og þegar búið er að leggja spilin á borðið og koma upp um alla lygavitleysuna í Bandaríkjamönnum og Bretum þá getum við ekki einu sinni viðurkennt að hafa haft rangt fyrir okkur og kippt okkur út úr þessari stuðningsvitleysu, það er sorglegt. En hvað um það é

15.11 2003 ..::Hibb húrrey::.. Það breytast fljótt hjá manni plönin ;), á fimmtudaginn síðasta flaug ég út til Boston og gisti þar eina nótt. Föstudaginn flaug ég svo Boston-Halifax-St.Johns og var komin um borð um borð um Erluna klukkan 15:30 að staðartíma. Það var allt í fínu standi og voru menn að prufukeyra ljósavélina og loka því dæmi, einnig þurfti að keyra upp frystikerfið og gera einhverjar athuganir svo að ákveðið var að fara í prufutúrinn daginn eftir. Laugardagurinn rann upp og byrjaði ég á að panta lóðsinn skila bílaleigubílnum og útrétta það sem þurfti. Klukkan 15:30 slepptum við svo endunum og lulluðum út úr höfninni, eftirlitsmaður frá DNV var með og umboðsmaðurinn okkar Lee, þegar við vorum komnir út úr innsiglingunni var sett á fulla ferð og svo var siglt í hringi og teknar allskyns slaufur samkvæmt fyrirskipun DNV og gekk það glimrandi vel. Voru allir hlutaðeigandi mjög ánægðir með hvernig skipið stýrði og kom mönnum nokkuð á óvart hvað hún náði þröngum hring ;

..::Ástandið::.. Það er að verða meira ástandið á þessu blessaða bloggi hjá mér, allt út um læri og maga eins og kerlingin orðaði það um árið “úbbs”. Síðast þegar ég bloggaði þá var allt á kafi í snjó en sem betur fer þá er hann nú að verða horfin aftur ;). Ég reyndi að gera allt sem í mínu valdi stóð til að fóðra vesalings snjótittlingana meðan mesta hretið gekk yfir, ekki var annað að sjá en að þeir létu sér veitingarnar vel líka. Ekki spillti það ánæjunni að það bættist mús í fuglahópinn sem lét ekki örfáa tittlinga trufla sig meðan hún saddi hungrið á fuglakorninu ,). En eins og ég sagði þá gekk þetta snjóhret yfir eins og magakveisa og á föstudaginn bónaði ég bílinn úti í góðaveðrinu ,). Í planinu sem ég hafði staðið kófsveittur með snjóskófluna og mokað snjó nokkrum dögum áður :) svo aðframkomin að börn nágrannans héldu að dagar mínir væru taldir ef ég fengi ekki hjálp við verkið ;). Síðastliðið Laugardagsköld var okkur svo boðið í matarveislu hjá Helgu og Jóa og var alveg

..::Snjókorn falla, á allt og alla::.. Það er kafaldssnjór á Dalvík og langt síðan ég hef nennt að blogga en núna ætla ég að splæsa á ykkur nokkrum línum ;). Síðastliðinn föstudag lögðum við land undir fót og keyrðum suður til Reykjavíkur og gistum hjá Hönnu Dóru og Gunna um helgina. Laugardaginn tókum við snemma og keyrðum suður í garð og hjálpuðum mömmu og pabba aðeins við að koma sér fyrir í nýja húsinu. Við heimsóttum svo Önnu og Tona á laugardagskvöldið og þar var tekið á móti okkur eins og tíndu sauðirnir hefðu snúið aftur. Eftir heimsóknina hjá Önnu og Tona litum við aðeins við hjá Árna bróður Guðnýar og löptum í okkur kaffisopa og spjölluðum. Sunnudagsmorguninn byrjuðum við Guðný að skreppa í laugardagslaugina meðan Einar Már kúrði, svo skruppum við aðeins í Ikea, pikkuðum svo stelpurnar upp og brunuðum heim á leið. Það var skítaveður og hált mestalla leiðina heim en það gekk samt vonum framar, allavega miðað við dekkin (tútturnar) sem við vorum á, ekki eftir einn nagli

..::Faraldsfótur::. Það er ekki hægt að segja annað en að ég hafi verið á ferðinni undanfarið ;). Síðastliðinn fimmtudag brunuðum við Hjördís suður til Reykjavíkur og vorum komin í bæinn um sjöleitið um kvöldið. Kvöldinu eyddi ég í fundarhald og gisti svo nóttina hjá litlu systur ;). Fyrripartinum af föstudeginum eyddi ég svo í útréttingar og spádóma, en brunaði svo norður seinnipartinn og var komin til Dalvíkur klukkan 7:30 á föstudagskvöld. Bjarki Fannar var í helgarheimsókn hjá okkur og hann og Einar Már voru búnir að hertaka plássið mitt í hjónarúminu ;). Klukkan 08:00 á laugardagsmorgun var ég svo komin á lappir og farin að búa mig undir ferðalag austur á Eskifjörð. Klukkan 08:30 brunaði ég svo af stað austur í blíðuveðri, á fjöllunum var örlítil hálka snjóföl yfir öllu og keyrði ég fram á Hreindýrahóp sem var að kroppa við veginn, þar stoppaði ég og smellti nokkrum myndum af dýrunum en hélt svo áfram. Ég var komin niður á Eskifjörð klukkan 11:30 og þá passaði til að hele fa

..::Parket::.. Jæja þá gef ég mér loksins tíma til að hripa einhverjar línur niður, en ég hef ekki sinnt blogginu að neinu viti undanfarið ;(. Ég var búin að koma vélfáknum í stand og gangsetja mótorinn en hef ekki enn fundið nennt að hjóla neitt, enda er farið að vera helvíti kalt. Í morgun þegar ég leit á mælinn þá var –1°C oj oj. Maður verður bara að biðja Guð um að ekki fari að snjóa það yrði algjört disaster ;(. Það er svo sem búið að vera nóg annað að gera og er búið að leggja smelluparket á fjögur herbergi ;). En eins og allir vita þá er viðhald og endurbætur á þessum húskofum “endless story” ;). En þetta er helvíti flott núna og er ég mjög sáttur við hvernig þetta kom út, það fór að vísu um mann þegar öll parketbúntin lágu frammi í stofu ósnert, en með góðri hjálp frá Sigtrygg þá sprautaðist þetta á gólfin á mettíma. Og situr Erlan föst. En síðustu fréttir af henni voru þær að hún liggur enn í slippnum í St.Johns og nú eru menn að gera sér vonir um að hún fari niðu

..::Home::.. Síðastliðinn mánudagsmorgun yfirgaf ég Erluna í dokkinni og lagði af stað heim í frí. Vegna væntanlegs fellibyls flýttum við fluginu til Halifax og fengum einnig fluginu til Boston breitt svo að stoppið í Halifax var lítið. Í Boston þurftum við svo að bíða í 7klst ;( það var lítið að gera annað en að vafra um í flugstöðinni. Við Júri fengum okkur að éta og fengum brimsalta súpu og kjúklingafingur á eftir, svo var hangið og beðið eftir brottförinni. Þegar við komum út í vél var súpuhelvítið farið að segja til sín og þorstinn var eins og maður hefði verið tíndur í eyðimörkinni í viku ;), en það var sem betur fer nóg af vatni í vélinni ;). Flugið heim gekk einstaklega vel og vorum við ekki nema 3:50min frá Boston til Keflavíkur. Ég tók svo rútuna í bæinn og fékk Magga til að’ sækja mig upp á Loftleiðir, ég fundaði svo aðeins með Magga og Viðari fram undir hádegi. Klukkan 13:00 var ég svo komin út á Reykjavíkurflugvöll tilbúin í síðasta áfangann, þá þurftu þeir endilega

..::Stuck::.. Við erum enn stuck i dokkinni og ekki sér í mikla ljósglætu enn, þó er rétt farið að skíma og okkur dettur í hug að dollan verði klár í næstu viku, krossið alla útlimi fyrir okkur. En það verður að leita eftir ljósu punktunum og ljósavélin verður sem ný eftir slippinn, það er búið að fjarlægja gríðarinnar býsn af riði og mála heilt helvíti svo að dollan er farin að líta nokkuð vel út. Svo er búið af framkvæma allskyns rafmagns og loftnetavinnu ,) þetta er það jákvæða en svo er það stýrissápuóperan sem er frekar negatíf ;(. En vonandi fer þetta nú að hafast í gegn 7-9-13 knok knok ;). Það er náttúrulega allt á fullu hérna í dokkinni og hér heyrist ekki mannsins mál fyrir hávaða og maður þarf að kafa sand og ryk upp í hné þegar maður fer frá borði, en það þarf svo sem ekki að kvarta yfir vinnubrögðunum hjá slippnum hérna og get ég ekki séð annað en að þeir séu nokkur góðir í því sem þeir eru að gera. En það vill loða við okkur Íslendingana að halda því fram að allt sé m

..::15ára::.. Elsku Hjördís til hamingju með daginn ;);););););););););););););) Í dag er litla stelpan mín orðin 15ára. Mikið rosalega líður tíminn hratt, mér finnst svo stutt síðan við stóðum saman niður á bryggju og hentum snuðinu hennar í höfnina ;). Ég vildi mikið gefa fyrir það að geta verið heima í dag en það ræðst víst ekki við það frekar en annað í þessari veröld. Ég er búin að vera að drepast úr flensu undanfarna daga svo að bloggið hefur legið niðri, en núna er ég að ná að rífa þetta úr mér ;). Þar sem ég verð ákaflega sjaldan veikur (7-9-13) þá verð ég fjandanum verri þegar svona ólög ríða yfir mig, og satt best að segja þá var ég eins og tussa breidd á klett alla fyrrinótt og gærdaginn, en á endanum druslaðist ég upp í apótek og fékk einhverjar töflur við sóttinni....... Stýrið og stamminn eru mætt en því miður höfðu þeir stytt stamman of mikið samkvæmt teikningu sem var greinilega ekki rétt ;(, þetta kemur til með að lengja slippveruna 2daga aukalega “Shit happens”.

..::Slippur::.. Um hádegisbilið í gær var byrjað að undirbúa slipptökuna og vorum við komnir í lyftuna um tvöleitið. Það gekk frekar rólega að stilla dallinn af og var kafari heillengi að troða einhverju spýtnarusli á milli sleðans og dollunnar. Á endanum var svo dallurinn hífður upp í lyftunni, svo mætti jarðýta með dráttarbeisli og dró okkur inn á slippsvæðið. Þetta er helvíti flott og var okkur trillað lengst frá skipalyftunni. Þegar búið var að stilla dollunni upp komu þeir með landganginn og við spóluðum niður til að skoða, ekkert stýri á dollunni en að öðru leiti var skrokkurinn í ágætisstandi. Slippararnir byrjuðu svo staks að háþrýsti þvo botninn og undirbúa botnmálun. Í gærkvöldi var svo farið í heimsókn til Jeffs Simms og sogið upp úr nokkrum ölflöskum áður en við skruppum út á lífið ;). Það var svo byrjað að rústbanka og berja klukkan átta í morgun en ég svaf þetta allt af mér og fór ekki fram úr bælinu fyrr en eftir hádegi ;). Mér skilst svo að stýrið leggi af stað

..::Færsla::.. Í gær vorum við dregnir yfir að slippstöðinni og vonandi fer skipið upp í dag. Ef allt gengur að óskum þá ætti stýrið að koma frá Íslandi á laugardaginn ;). Útgerðarmaðurinn mætti seinnipartinn í gær til að taka á þessu púlsinn og sjá um lausu endana í öllu þessu brasi og koma öllu heim og saman. Karlarnir eru úti að rústberja og skrapa og er hávaðinn af þessari vinnu þeirra alveg ótrúlegur, það er bara eins og maður sé lokaður inni í járndollu sem fjöldi manns keppist við að berja að utan, bang bong bang!!!!!!!!. Ég fór í að setja upp aukaskjá fyrir autotrollið í gær og tókst það vonum framar, nú getur maður séð allar upplýsingarnar frá autoinu við hífingarpúltið sem er hinn mesti munur. Þetta var svo sem ekki mikið mál en það þurfti að koma köplunum undir brúna og leggja þá aftureftir og upp í skjáinn. Það er alltaf verið að endurbæta þetta eitthvað og smátt og smátt sígum við upp brekkuna löngu og hálu ;). Veðrið er búið að vera alveg frábært síðan við komum í

..::Stóri sannleikur::.. Í morgun mættu kafararnir gallvaskir og köfuðu í rassgatið á Erlu ;) þeir voru með neðansjávarmyndavél og tóku upp á myndband það sem fyrir augun bar. Það sem kom i ljós var ekki mjög aðlaðandi, stýrisblaðið var horfið með öllu. Svo virðist sem að hælboltinn hafi dottið úr og svo hefur flangsinn á stýrinu brotnað ;( og blaðkan spýst af. Mér segir svo hugur að einhver handvömm hafi verið í síðustu ásetningu því að þetta er bara búið að vera í notkun í 7mánuði, já þetta eru ekki meðmæli með Íslenskum slipptökum ;(. Þar sem allt á að vera mest og best. Hvað um það nú verður allt sett á fullt í að koma skipinu í samt lag og vonandi tekur þetta fljótt af. Nú erum við búnir að setja mannskapinn á fullt í að rústberja og mála og vonandi verður dollan orðin glansandi fín eftir smá tíma ;). Það beit mig eða stakk einhver flugutussa í höndina og er ég allur rauður og bólginn eftir helv... kvikindið og ekki mjög lipur á lyklaborðinu þessa stundina. Þetta er nú þ

..:Safe in harbour::.. Loksins erum við búnir að meika það í land! og það stýrisvana, en þetta gekk nú samt vonum framar og erum við svolítið ánægðir með að hafa meikað alla þessa leið á rokkhoppernum ;). Það er heitt í dag og maður er alveg að bráðna í allri þessari sól og hita. Í fyrramálið á svo að kafa í rassgatið á dollunni og þá kemur stórisannleikurinn í ljós. Þeir völdu okkur náttúrulega besta staðinn í allri höfninni til að liggja á, þ.e.a.s kafaranna vegna. En einhverjum metrum aftan við skipið þá spýtist út afrennslið úr holræsakerfi 300.000manna samfélags, “góðan daginn” það mætti bjóða mér að kafa í því sulli ;) oj ö (kúgast). En ég er bara að gefast upp úr hita og verð að yfirgefa ykkur með þessari línu. En ég las einn helvíti góðan í morgun sem ég verð að deila með ykkur............ ..::A masked fuck::.. A couple was due to go to their family’s masked fancy dress party. The wife got terrible headache and told her husband to go alone. He protested, but she