Eitthvad út í buskann...

Gleðilega hátíð öll Jólabörn ;). Já það er ýmislegt sem fólk tekur sér fyrir hendur um jólin, þessi jól hjá okkur voru nokkuð frábrugðin öðrum jólum. Klikkið á myndina og hún mun leiða ykkur í hinn stóra sannleika :). Bið svo Guð og gæfuna að fylgja ykkur áfram um vandrataða villustíga lífsins og leiða ykkur burt frá allri villu og vandræðum.

Korter fyrir jól gef ég mér smá tíma til að hripa niður nokkrar línur, línur sem kannski verða þær síðustu á þessu bloggi mínu ;). Þetta er búin að vera viðburðarríkur mánuður ekki er hægt að segja annað, ég er hættur á bátskrílinu og komin aftur í það sem virðist eiga best við mig, þ.e.a.s vinna með útlendingum. Skrif mín á þennan netmiðil hafa oft verið rangtúlkuð og notuð gegn mér, ég hef heyrt útundan mér allskyns yfirlýsingar um mitt ágæti frá misvitrum mönnum sem ég þekki ekki neitt en veit samt deili á, kannski má segja að maður gleymist ekki á meðan maður er milli tannanna á fólki en ég hef samt ákveðið að minnka þessi skrif eða fækka þeim svo mikið að þau hverfi alveg hehe. Upphaflega var þetta ætlað fyrir mig og mína en einhverra hluta vegna voru ansi margir sem áhuga höfðu á þessu pári mínu, sumir voru tilbúnir að della um mig allskyns óhróðri þar sem ég var ekki viðstaddur og gat þar með ekki svarað fyrir mig, þessir sömu aðilar höfðu samt ekki meiri kjark en svo að

Búin að liggja heima í vellystingum alllengi og er algjörlega búin að tapa tímaskyninu, það er alls ekki með það á hreinu hvað gerðist á hvaða degi síðan ég bloggaði síðast :), enda kannski ástæðulaust að tíunda það niður í skítinn hehe. Það hefur svo sem ekki mikið gerst, kisi litli braggast vel er duglegur að borða og sefur mikið, hún hefur ekki neinn sérstakan svefnstað og kúrir bara hingað og þangað um húsið svo að oft hefur þurft að leita svolítið áður en hún kemur í leitirnar, í gær héldum við að hún hefði strokið úr vistinni og var ég komin út að leita, en þá fannst hún sofandi undir sjónvarpsskápnum :). Jobbi vinur minn er með bátkrílið fyrir mig núna og er veðrið búið að vera einstaklega leiðinlegt á þeim undanfarið og erfitt að stunda þetta á þessum litlu bátum, en nú hyllir undir að hann komi til lands og þá sé ég mína sæng útbreidda, reikna með að fljúga suður á morgun og út annaðkvöld ef veðrið verður til friðs.

Það fjölgaði um einn hjá okkur í gær, þegar þessi litli sæti kettlingur bættist við, hún heitir Snúlla og þið getið séð fleiri myndir af litla krílinu með því að klikka á myndina.

5 desember. Guðný var að baka jólakökur þegar ég drattaðist fram úr í morgun svo að maður mætti beint í veisluna hehe, annars tók ég daginn með stóískri ró og lét ekkert setja mig úr þessu hæglætisjafnvægi sem mig einkenndi í dag.............. 4 desember. Byrjaði daginn í heilun í Bjarmanum en svo var það föndurdagurinn í skólanum, þar föndruðum við Guðný lítinn engil og tókst mér að klúðra á honum andlitinu, ekki einu sinni ekki tvisvar heldur þrisvar, og verður að segjast að enn ber þessi ræfilsengill þess merki að mér var falið að festa á hann andlit. 3 desember. Var að stússa í bátnum í dag ásamt Snæbirni og vélstjóranum, höfuðlínustykkið mætti úr viðgerðinni og einnig var unnið í blökkinni. Haddó sótti mig eftir hádegið og skutlaði mér í búð þar sem ég fjárfesti í flísasög, svo fengum við systkinin okkur að borða áður en ég fór aftur um borð. Ómar Júlla kom svo um borð og skutlaði mér út á Reykjvíkurflugvöll, ég fer í fríið!!! Fyrir norðan tók ég svo súbbann hans ka

21 Nóvember. Komum í höfn klukkan 06:00, landað klukkan 9 og var búið að ísa og ganga frá klukkan 13:00, þá beið bíll á bryggjunni sem skutlaði okkur á Akureyri. Nú verður tekið 48klst frí og fá karlarnir að blása fram á þriðjudagseftirmiðdag. 20 nóvember. Verið að snudda á svipuðu, ásamt Sjöfn, Svaninum , Klakknum og Víði, rjátl veiði. Seint í kvöld var trollið hysjað inn og haldið til Raufarhafnar. 19 nóvember. Verið á svipuðu í nótt, drullubræla en smá rjátl, Sjöfn er komin hérna til okkar. Í dag þegar við vorum að taka trollið flæktist leiðarinn á grandaraspilinu og klipptist í sundur, það tók dulitla stund að redda því en allt kom þetta með kalda vatninu. 18 nóvember Verið á Rifsbankanum, norðan norðvestan skítabræla og lítið fiskirí. 17 nóvember. Komin kaldafíla í nótt svo við renndum okkur inn á Rauf og hentum þessum fáu körum upp sem komin voru. Aftur út á hádegi og haldið norður á Rifsbanka. Kastað norðaustan við Kjölsen í kvöld og dregið norður.

Henti inn nokkrum myndum úr túrnum hérna.. Klikka hér til að skoða myndir 6 nóvember. Klipping ala Svala klukkan ellefu en hárlubbinn var farin að valda mér óþægindum, svo fór drjúgur tími í að reina að redda sér háseta í næsta túr, hringdi ég út og suður og hafði þetta í gegn fyrir rest hehe. Svo er flug suður seinnipartinn og út í kvöld.......... 5 nóvember. Trollið komið inn um miðnætti vegna lokunarinnar, djö..... í síðasta halinu voru 4.5t af gröðustu Ýsu sem ég hef séð. Og svona til að krydda þetta aðeins þá gleymdist að loka mótökunni og fór mest allur aflinn út um allt millidekk :(, nú var þetta eins og á síðunni og gerðum við að upp úr dekkinu. Og svo stoppaði þvottakarið svo að það mátti tína allt upp úr því by hand, en þetta kom allt á endanum, ekki vandamál bara verkefni sem þurfti að leysa. Settum á fulla ferð inn til Reykjavíkur og vorum búnir að binda rétt fyrir átta. Lönduðum köruðum og ísuðum fyrir hádegi, svo var gefið frí fram á laugardagskvöld. Ég renndi

31 október. Komum í land klukkan 04:00 í nótt og bundum framan við Faxa, byrjuðum að landa klukkan tíu í morgun og var því lokið klukkan tvö. Gunni kom og sótti soðningu en Haddó var eitthvað busy og sá ég hana ekkert :(. Flaug norður í klukkan 14:30. Guðný sótti mig á völlinn og brunuðum við heim. Þetta verður samt stutt stopp því á morgun fer ég aftur af stað. 30 október. Sama sagan í sladdanum í nótt, lítið og lélegt, kipptum austar í morgun. Tókum stutt tog en svo var kippt sunnar. Nudd í Ýsu í dag og klukkan 22:30 var búið að fá í allar dollurnar svo að sett var á fulla ferð inn til R.Víkur. 29 október. Rólegt í sladdanum í nótt svo að við kipptum til baka í morgun og vorum að ráfa um norðan í Jökuldýpinu í dag, kipptum svo í sladdann í kvöld. 28 október. Verið á sama í nótt, smá rjátl en samt vantar neistann í þetta. Einn guttinn klemmdi sig illa í morgun og þorði ég ekki annað en að hringja í gæslulækninn til að fá upplýsingar um hvernig ég ætti að bera mið að

..::Styttist í brottför::.. Jæja þá dregur loks til tíðinda hjá mér, það er ekki enn búið að breyta fluginu mínu á morgun svo að ég geri ráð fyrir því að ég troðist inn í flyggvarann í fyrramálið og fljúgi suður á bóginn eins og farfuglarnir sem nú eru að yfirgefa mörlandann. Dagurinn hefur verið eins og flestir aðrir dagar, ég lallaði til Gumma í morgun og flutti öll gömlu plottergögnin af floppy diskettunum yfir á cd, þetta var orðið á 60diskum þ.e.a.s fyrir Turbo, það þurfti að vingsa út það sem var eins og henda öðru, þetta tók minni tíma en ég átti von á en Kalla litla fannst þetta taka mun meiri tíma en mér ;), hann beið eftir tölvunni og spurði oft hvort ég væri ekki að verða búin :). Þar sem ekkert floppy drif var í okkar tölvu þá þurfti ég að leita á náðir þeirra feðga með afnot af tölvu til þess að þessi flutningur yrði framkvæmanlegur. Jú ég lét skipta um olíu á bílnum smyrja allt og yfirfara, en það hafði dregist aðeins fram yfir ráðlagða vegalengd milli olíuskipta.

..::Grunnlaun my ass::.. Og enn fæ ég smá aukatíma heima, en nú er búið að fresta fluginu mínu enn og aftur, það er miðvikudagsmorgun sem er á flugplani mínu þennan daginn ;). Ekki get ég nú sagt að ég hafi tárast yfir því að fá einn dag í viðbót heima, en ég er samt komin það langt í ferlinu að ég er byrjaður að moka dótinu mínu í sjópokann. Nú þarf maður að hafa sína eigin sæng og rúmföt, en það var allt skaffað á þeim útlendu skipum sem ég hef róið á undanfarin ár, sem var náttúrulega helv.... gott. Maður þurfti ekki að vera að brasast með sæng kodda og rúmföt á milli alla tíð, en á móti kom að þetta voru oft ekki beysið sem maður hafði í bælinu. Nú hefur maður aftur á móti allt í hendi sér en þarf að leggja út fyrir því sjálfur, já það er stundum talað um að Íslenskir sjómenn séu ofaldir á launum og fl, en í samanburðurinn við aðrar þjóðir er oft á tíðum ekki Íslenskum sjómönnum í vil, t.d. er yfirleitt skaffaður allur rúmfatnaður sængur og koddar ásamt gúmmígöllum stígvélum

..::Hvalreki fyrir skemmtilegurnar::.. Rakst inn á þessa síðu og fannst að ég yrði að deila henni með ykkur :), hvalreki fyrir alla alvöru húmorista. Klikkið á myndina og skemmtið ykkur!.

..::Okkur er ekki lengur treyst fyrir eldamennsku hehe::.. Byrjaði laugardaginn á heilun í Bjarmanum, á eftir settist ég niður og sötraði kaffi með fólkinu tók þátt í spjallinu, það er ótrúlega gott að koma þarna í þetta gamla vinalega hús og fá að vera innan um allt þetta góða fólk sem þangað kemur, laugardagarnir eru ekki samir ef ég kemst ekki í Bjarmann svo einfalt er það nú bara ;). Svo var vinkona Guðnýar með einhverja snyrtivörukynningu, ég spennti á mig allan gallann rúllaði hjólinu í gang og fékk mér rúnt. Nonni var nýbúin að fá mótorinn í sitt hjól og renndi ég til hans og dró hann úr bælinu út að hjóla. Við fórum fram allan Svarfaðadal og svo inn Skíðadal fram að Kóngstöðum, þar var orðin svolítill snjór á veginum og hált svo við snérum við. Á bakaleiðinni spýttist aftari hlutinn af hljóðkútnum á hjólinu hans Nonna af, þessu fylgdi svo drjúgur skammtur af steinull sem hjólið hrækti úr sér, ég var á eftir og tíndu upp leifarnar af kútnum og svo bundum við þetta á hjólið,

..::Málverkur::.. Jæja þá er maður loksins búin að drullumalla þessari málingavinnu frá, það var ekki laust við að ég væri komin með málverk í hnakkann eftir allt þetta gláp upp í loftið. Já þetta er nánast allt sem ég hef afrekað í dag, ekki mikið á blaði en þó nokkuð í verki ;). That´s it for to day........ PS:Smá heilræði.

..::Listamaður einn dag::.. Hvað er eiginlega lista maður? Ég er búin að vera að brasa með loftlista í allan dag, var ég þá listamaður í dag? hehe........ Það er ákaflega misjafnt hvaða skilning fólk leggur í hin eða þessi starfsheiti, t.d vissi ég um einn sem var búin að vinna lengi við timbursölu, hann var aldrei kallaður annað en ViðBjóðurinn. Og annar sem var afskaplega frjálslegur í vextinum, hann bjó í blokk og allir í blokkinni kölluðu hann Billa NáGranna . Já það er misjafnt hvaða merkingu orðin hafa og ekki alltaf sama meining bak við þau. En aftur að frauðlistunum, ég beið þolinmóður eftir bílnum innan af Akureyri í dag til að sækja listana og málinguna sem mig vantaði, listarnir komu en málningin ekki :(, hún kemur á morgun. En þar sem að listarnir voru komnir þá vantaði mig lím til að klístra þeim upp, það var jú til límkítti en það var engin stútur á túpunum, ég spurði hvort ekki ætti að vera stútur á þessum túpum? Jú en hann hefur ekki komið með þeim! Svo var sl

..::Skítlega kalt::.. Það var skítlega kalt úti í morgun og krapasullið var víða frosið, maður rétt leit út um gluggann en settist svo fyrir framan tölvuna í hlýjunni. Það var allt orðið vitlaust út af þessu Sólbakssamningum og maður var spenntur að sjá hvað yrði úr því. Einhver pattstaða var á því máli samkvæmt fréttasíðu Moggans svo að ég fór í að útbúa fréttaskvettu á þá vini mína á hafinu, ég hef sérvalið ofan í þá það sem mér finnst markverðast í fréttum og mokað á þá via email. Og nú var komið að því að uppfylla vonir og þrár húsfreyjunnar um nýmálað stofuloft, en fyrst varð að rífa burt loftlistana sem fyrsti ábúandi kofans hafði sett upp af sínum einstaka myndarskap, þessir listar hafa alla tíð verið mér þyrnar í augum og nú vopnaðist ég skrúfjárni og litlu kúbeini, svo var ráðist á listana og þeir spændir niður allan hringinn í stofunni og holinu. Það var komið hádegi og ég ákvað að hafa kaffi tilbúið fyrir fyrirvinnuna þegar hún kæmi heim úr vinnunni, eftir hádegið sagaði

..::Nú er það svart!::.. Allt orðið hvítt!. Í morgun þegar ég opnaði glyrnurnar var allt orðið hvítt, vetur konungur er að læðast aftan að okkur með þessu sem mig langaði ekkert til að sjá fyrr en um Jól, en svona er þetta og landið er ekki kallað Klakinn fyrir ekki neitt :). Það rigndi heil ósköp hérna í gær, og það er orðið langt síðan ég hef séð svona vatnsveður, t.d var fína lávöruverslunin á Dalvík umflotin vatni innandyra þegar við áttum leið þar um í gær. Og ég væri ekki hissa þótt einhverjir fleiri hefðu þurft að ausa kofana sína. Í gærkvöldi breyttist svo þessi úrhellisrigning í slydduhríð sem buldi á okkur Dalvíkingum í nótt og skildi eftir sig alhvíta jörð í morgun..... That´s it for now....................

..::Helgarpakkinn::.. Sóttum grislingana inn á Akureyri á Föstudaginn, og nýttum ferðina og fórum aðeins í Hagkaup og fl. Laugardagurinn rann upp með mígandi rigningu, en þar sem það voru stóðréttir frammi á tungum þá geystumst við þangað, þar var ausandi rigning og varla hundi út sigandi, stoppuðum stutt á réttunum og ég tók enga mynd. Á þessum stóðréttadegi er hefð á einhverjum bæjum að vera með kjötsúpu fyrir gesti og gangandi, við kíktum aðeins við á Jarðbrú hjá Ellu og Dodda, Ella var með alveg glimrandi kjötsúpu sem rann ofan í mannskapinn eins og lygasaga. Eitthvað voru menn að frostverja sig og ég lenti í þeirri vitleysu ásamt örðum, það verður bara að segja að ég misreiknaði aðeins árstíðina og gerði ráð fyrir full mikilli frostvörn fyrir sjálfan mig, þetta uppátæki olli miklum höfuðdoða og athyglisbresti, en shit happens hehe. Á sunnudeginum var svo öll familien samankomin í djúpsteiktan fisk, á eftir var svo boðið upp á ostaköku, ekki slæmt,) en ég var samt örlítið sl

..::Komið undan feldi::.. Svaf lítið í nótt og vaknaði snemma, það var smáverkefni sem ég þurfti að leysa sem rótaði aðeins upp í huga mínum og raskaði beuty blundinum, var það ekki kallað að liggja undir feldi á landnámsöld?,). En þetta er nú það sem gefur lífinu lit, smá vangaveltur út og suður ;). Ég byrjaði daginn á að leysa úr þessu máli, og þá gat ég farið að einbeita mér að næsta tíma í skóla lífsins. Í gegn um tíðina hefur maður áttað sig á að það er víst betra að taka eftir í tímum vera þægur og stilltur og reyna að leysa úr þeim verkefnum sem til manns koma, en ég er langt frá því að vera gallalaus og mér hefur nokkrum sinnum orðið fótaskortur á þessum gullreglum lífsins og lent í skammakrókinn fyrir vikið. En nú er nýtt upphaf með nýjum viðfangsefnum í farvatninu, verkefni sem ég er spenntur fyrir að taka þátt í ;)... That´s it for to day....................

..::Libby´s ketchup::.. Frekar rólegur dagur, sparkaði vélhestinum í gang og fékk mér smá rúnt, það er allt svo drullublautt að ég nennti ekki að fara langt, bara rétt að ná úr mér bensínhrollinum ;). Líf mitt er eins og Libby´s tómatsósa í glerflösku í dag, fyrst kemur ekkert en svo kemur allt, og einhvernvegin þarf maður að vinna sig út úr því, skýri það kannski seinna. That´s it for to day.......

..::Bæjarfjallið sigrað::.. Þar sem maður var komin í þetta ægilega gönguform eftir ferðina upp að Nykurtjörn, þá ákvað ég að láta mig vaða á Bæjarfjallið í dag. Það hefur alltaf freistað mín að skottast þarna upp og njóta útsýnisins, þessi dagur virtist einmitt upplagður í þetta ferðalag. Hálfur kexpakki maltdós og hálfur líter af vatni fór í bakpokann ásamt myndavéilinni, svo var arkað af stað, þetta var assgoti bratt en sóttist þokkalega, og útsýnið var hreint út sagt frábært þegar upp var komið. Það tók mig rétt um tvo tíma að móast upp á hæsta tind, en ég var ekkert að æsa mig mikið og tók þessu með stóískri ró og naut útsýnisins og góða veðursins. Þegar ég var búin að maula upp úr kexpakkanum og svolgra í mig maltið, lét ég mig gossa beint fram af fjallinu og beina leið niður, það verður að segja að ég held að það hafi tekið meira á að fara niður en upp ;), en þetta nuddaði rosalega í hné og kálfa að nuddast niður snarbratta hlíðina. En allt tekur enda og var ég þrjá tíma og

..::Nú þurfti að taka aðeins á ::.. Í dag var dagurinn kominn, dagurinn sem ég ætla að labba upp að Nykurtjörn. Ég fékk Einar Má Kalla og Jóa til að skottast þetta með mér, við tíndum saman eitthvað nesti í bakpokana gerðum tvær gamlar veiðistangir klárar og keyrðum svo fram að Steindyrum, þaðan var lagt í brekkurnar. Ég er ekki viss um að maður hefði verið svona æstur í þessa ferð ef maður hefði vitað hvað þetta var langt og bratt, en fyrst við vorum komnir af stað þá var ekki um það að ræða að stoppa. Það tók okkur tvo og hálfan tíma að hjakka upp að vatninu, þá fekk maður laun erfiðisins, veðrið var dásamlegt og umgjörð þessarar litlu tjarnar var hreint frábær. Ég græjaði stöngina kastaði og faaaasst, ekki byrjaði það berlega, spúnninn fastur og þar varð hann eftir, en það má ekki bogna eða brotna svo að við hnýttum annan spún á og héldum áfram, þetta gekk svona la la en ósköp voru þeir litlir fiskarnir sem þarna voru. Við eyddum dágóðum tíma við vatnið, borðuðum nestið og ren

..::Eins og uppstoppuð Önd::.. Litla/stóra prinsessan okkar hélt upp á afmælið sitt í dag, í tilefni þess var húsfrúin búin að galdra fram tertur, heita rétti og alls kyns góðgæti. Þetta varð suddalega gott hjá henni og var maður eins og uppstoppuð Önd þegar maður var búin að kíla kræsingunum í sig. Auðvitað var öll fjölskyldan og flestir vinirnir mættir til að taka þátt í þessum áfanga prinsessunnar með okkur. Þessi litla dama mætti í afmælisveisluna og fékk lánaða hárkollu hjá Einari Má, er hún ekki krúttleg ????????????????? Þar sem að borð svignuðu undan kræsingunum fundu allir eitthvað við sitt hæfi og ég held að engin hafi farið svangur heim :). Það fór megnið af deginum í veisluna og stúss í kring um hana, klukkan var orðin fimm þegar ég var loks fær um að keyra bílinn en þá vildu Hjördís og Óli komast inn á vist, svo ég skutlaði þeim inneftir................. Ég henti inn örfáum myndum, bætti þeim við í september albúmið . That´s it for to day.........

..::Elsku Hjördís til hamingju með daginn::.. Í dag eru akkúrat sextán ár síðan frumburðurinn kom í heiminn. Tveim dögum áður en daman fæddist klemmdi ég mig illa á bílhurð, og daginn áður en hún fæddist varð að taka varð nöglina af baugfingri hægri handar, þarna hefði ég átt að hafa vit á að byðja um frí. En ég hafði ekki vit á því að byðja um frí og fór svo út á sjó um kvöldið. Ég var að byrja á Sænesinu og kunni ekki við að biðja um frí þótt að ég hafi verið löglega afsakaður út af fingrinum :(. Nóttina eftir að ég fór veiktist svo Guðný, og korter fyrir tíu um morguninn fæddist Hjördís, þá vorum við staddir austan við Horn á leiðinni vestur á grunnslóð. Hörður!! samtal við sigló gall í kallkerfinu um morguninn og ég fór upp í brú til að taka við samtalinu, það var Kalli tengdó sem færði mér fréttirnar, mér var fædd oggopínuponsulítil dóttir. Þarna var maður enn einu sinni langt í burtu frá öllu sem manni var kærast og í engri aðstöðu til að komast heim :( litla daman var orði

..::Túrulú::.. Eiginlega ekkert að segja, í gær fór ég í Bjarmann til Valgarðs miðils sem var nánast nýtt fyrir mig, þar fékk ég smá pistil frá öfum mínum ;) Svo renndi ég út í Múla á hjólinu og skoðaði vegaskemmdirnar, það var allt á fullu við að gera við vegin út að göngum og gekk það bara nokkuð vel, ég ákvað að skella mér í gamla Múlaveginn og sjá hvort hann hefði orðið fyrir áföllum. Það verður líklega einhver tími þangað til hann opnast aftur ef það verður einhvertímann, vegurinn var mjög illa í sundur í einu gilinu og ekki sjáanlegt að það yrði létt verk að laga það. Ég komst ekki lengra en að þessari vegaskemmd svo að lítið er hægt að segja um hvernig restin af veginum fyrir Múlann er.... Í dag hefur verið fínasta veður eins og í gær, ég hjólaði einn hring í bænum í góða veðrinu á reiðhjólinu, svo fórum við inn á Akureyri að sækja Óla og versla, Hjördís ætlar ekki að koma fyrr en á morgun. Í kvöld ætlar Einar Már að elda og verður spennandi að sjá hvernig honum tekst ti

..::Alvöru Kúreki eða.......::.. Rakst á þennan í gær og fannst hann svo góður að það var ekki hægt annað en að deila honum með ykkur ;);). Gamall kúreki í fullum skrúða kom inn á kránna sína og fór beint á barinn og pantaði sér viský. Þar sem hann situr og dreypir á drykknum sínum kemur ung og glæsileg kona og pantar sér drykk og spyr gamla kúrekan hvort hann sé alvöru kúreki? Hann segir, já það er ég og það hef ég verið alla mína ævi. Ég hef verið alla mína tíð á búgarðinum mínum, rekið kúahjarðir, verið á hestbaki, reist girðingar, já ég er alvöru kúreki segir hann. Eftir smá stund segir kúrekin við dömuna: Hvað ert þú? Ég hef aldrei verið á búgarði, svo ég er ekki kúreki sagði unga konan, en ég er lesbía. Ég eiði öllum mínum tíma að hugsa um kvennmenn, alveg frá því ég vakna á morgnanna, þegar ég fer í sturtu, þegar ég borða, þegar ég horfi á sjónvarpið og þegar ég er kominn í rúmið á kvöldin, hvað sem ég geri þá hugsa ég stöðugt um konur. Stuttu seinna fer unga konan og kúr

..::Bakkað að samningaborðinu::.. Skildi maður einhvertímann verða svo soltin í vinnu að maður væri tilbúin að láta ríða sér í rassgatið í skiptum fyrir vinnu? Ég efast um það!. En því miður virðist mannskepnan vera tilbúin að láta hafa sig út í hvað sem er ef hún verður nógu hungruð, og maður skildi aldrei segja aldrei. Það var t.d ekki neitt tiltökumál fyrir vissan útgerðarmann að röra heila togaraáhöfn hér norðanlands fyrir skömmu :(..... Það er sorglegt að horfa upp á hvað við mennirnir leggjumst lágt til þess að eyja einhvern möguleika á að hafa ofan í okkur og á, en nú er fyrsta vígið fallið og hvað kemur framtíðin til með að bera í skauti sér? Þarf sjómannsstéttin að setja í bakkgír til frambúðar, eða verður þetta einangrað tilfelli??????. Svo heppilega vildi til að ég rakst á mynd af áhöfninni þegar hún var nýbúin að skrifa undir samninginn, ekki er annað að sjá en að bæði áhöfn og útgerðarmaðurinn sé ánægðir með sitt hlutskipti :):). Þetta verður innlegg mitt til dags

..::Nú fann ég að það kom!::.. Það er allsvakaleg rigning búin að vera hjá okkur síðan í gær, það hefur hreinlega gusast úr loftinu eins og í sturtu, ekki er þetta alveg lóðrétt ofankoma frekar en fyrridaginn og sér næðingurinn um að halda þessu sulli nánast láréttu :(. Þetta hefur haft í för með sér alls kyns hamfarir, t.d lokaðist vegurinn milli Ólafsfjarðar og Dalvíkur í morgun vegna aurskriða, sjá frétt í mbl.is . Fyrir vestan töluðu þeir um að fjöllin væru að skríða fram undan vatnselgnum :(, ljótt ef vestfjarðaraðstoðin er öll að renna á haf út, hvað gera Vestfirðingar þá? En kannski er þetta bara Verst-fyrst :):). Ég hef lítið farið út í dag, bara setið inni og gónt út um gluggann á ógeðslega blauta haustdrulluna sem flæðir yfir okkur, þegar maður horfir út um eldhúsgluggann í átt að Framnesi blasir við kolldrullubrúnn sjórinn, allar lækjarsprænur hafa breyst í myndarlegar ár og velta kakóbrúnar niður fjallshlíðarnar og út í sjó , þetta hefur þær afleiðingar að sjórinn

..::Úrkoma & vindur::.. Skítaveður í allan dag, og hefur þessum fyrsta degi verkfalls grunnskólakennara verið eitt að mestu leiti innandyra. Gróf upp bók sem ég las fyrir mörgum árum og hafði þá mikil áhrif á mig, bókin heitir “ Býr Íslendingur hér ” og fjallar um fangavist Leifs Müllers í fangabúðum Nasizta í seinni heimstyrjöldinni, þetta er svakaleg lesning sem lætur engan eftir ósnortinn. Í gærkvöldi kíktum við aðeins á Ninnu, þar settist ég fyrir framan fársjúkan tölvugarminn og hætti ekki fyrr en ég stautaði honum af stað og í samband við veraldarvefinn :). Þetta var ekki ósvipað gamalli sláttuvél með Briggs&Stratton bensínmótor, vél sem búin er að standa úti allan veturinn, snjóa nokkrum sinnum í kaf og fá sinn skammt af Íslenskri veðráttu. Þessi vél er ekki mjög líkleg til að hrökkva í gang í fyrsta togi, en það segir samt ekki að hún sé ónýt, örlítið af Þórólfsúða(WD40) nýtt eldsneyti og þokkalegan skammt af þolinmæði og þá eru allar líkur á að það megi fá greyið

..::Haustið kemur::.. Dagurinn í dag gekk spakliga fyrir sig, buðum Ingunni og Kalla í læri í hádeginu, en svo var bara legið á meltunni og lífið tekið með stóískri ró. Það er að koma haust á Dalvik og englar himinsins hafa grátið í allan dag, gróðurinn smá gulnar og visnar og haustbúningurinn færist yfir hægt og bítandi. Það er ágætt að sitja inni í hlýjunni og horfa á regnið skvettast niður úr háloftunum, þetta er einn af þessum blautu köldu haustdögum sem maður þekkir svo vel. Keyrði Hjördísi og Óla inn á vist seinnipartinn, kíkti aðeins inn og skipti um kló á ísskápnum hjá þeim áður en ég hélt til baka. Í fréttunum á leiðinni heim gekk allt út á yfirvogandi kennaraverkfall grunnskólakennara, mætti segja mer að margir grislingarnir liggi á bæn og biðji almættið um verkfall, ég skil ágætlega þessa grislinga og hefði líklega sjálfur fagnað kennaraverkfalli á árum áður. Það hefði mátt flokka það undir nútíma hvalreka á fjörur lærdómsuppgefinna ungmenna. En ég sé nú ekki neina á

..::Uppskeruhátíð og hálendisferð::.. Í gær fór ég og tók upp kartöfluræflana sem ég setti niður í sandkassann sem grislingarnir hættu að nota fyrir mörgum árum. Uppskeran kom mér á óvart og ef maður verður nettur á fóðrum ætti hún að duga nokkrum sinnum í matinn ;). Merkilegt nokk því ekki var vandað til útsæðisins eða bruðlað með áburðinn í þessa tilraun, kartöflurnar komu frá Brynju og fóru beint úr ísskápnum niður í jörðina, áburðurinn er ekki annar en sá sem kettirnir í nágrenninu dældu í sandkassann fyrir mörgum árum eða þangað til að ég gyrti yfir sandkassann með rækjuneti, það var það eina sem dugði, við vorum búin að reina allskyns húsráð frá vinum og vandamönnum til að losna við þessa kattaskítsáníðslu en það virkaði ekkert nema netið. Svo eru sumir að segja að kettir séu vitlausir, ég púffa á það, allavega hafa þeir vit á því að skíta allstaðar annarstaðar en í garðinum heima hjá sér!. Og dagurinn í dag, byrjuðum á heilun í Bjarmanum og svo var boðið til sláturveislu

..::Hvar var ég?::.. Hefur aldrei poppað upp í huga ykkar, hvar verð eftir akkúrat ár? Þetta dettur stundum inn í hausinn á mér en því miður held ég ekkert bókhald yfir það svo að betra væri kannski að snúa þessu við og segja, hvar var ég? Áður en ég fór að bulla þetta blogg þá hélt ég stundum dagbók þar sem ég skrifaði eitthvað um það sem á daginn dreif, misjafnlega mikið samt: 17 sept 1992. Stýrimaður á Náttfara HF 185. Staður Nýjagrunn, skrifað: Verið á sama, þokkaleg veiði. 17 sept 1998. Skipstjóri á Cape Ice skráður í Litháen, heimahöfn Klaipeda. Staður Flæmingja grunn, skifað: Verið NA úr kassanum á 170fm og var aflinn mjög lélegur og rækjan alveg hrikalega léleg, aflinn var lélegur í gær en hann er enn verri í dag, þó hélt ég að það væri ekki hægt. Kippt suður að kapli í nótt. 17 sept 1999. Enn skipstjóri á sama skipi. Staður Flæmingja grunn, skrifað: Dregið suður í nótt 140fm 1.6t í morgun. Flosi og Ingvar komu í heimsókn úr Tahkuna í dag. Það er komin algjör

..::Alltaf eitthvað í gangi::.. Nýr dagur og ný viðfangsefni ;), ég var ekki alveg sáttur við endalokin í tölvumálum gærdagsins svo að ég ákvað að reyna að stöðva ógæfuhjólið með óvæntu útspili. Okkar gamla talvar sem þjónað hafði okkur svo dyggilega í áraraðir stóð hérna heima og safnaði ryki, en klár til að taka við LAN kapli og tengjast Router, það var náttúrulega ekkert annað í stöðunni en að ferja gripinn niður eftir til tengdó og setja hana upp. Ég hringdi í Kalla og bauð honum í kaffi þar sem ég viðraði þessa snilldar hugmynd, honum leist ágætlega á svo að það var svifið í að kaupa netkapal meðan ég kippti draslinu saman og tróð því í Súbban, tölvunni og tölvuborðinu og öllum pakkanum. Það var fljótlegt að koma þessu upp og tengja, en en ekki virkaði netið :(:(, ARRG!. Árni var það fyrsta sem upp kom í huga minn og ég hringdi í hann, hann sannfærði mig um að meinið lægi í Routernum, eftir smá justeringu kom í ljós að bölvaður Routersfj... hafði verið frosin, og með smápikk

..::Eins og tussa breidd á klett::.. Þetta er nánast lýsingin á líðan minni þegar ég komst til meðvitundar í morgun, þessi fjárans flensudrulla sem að ég var að vonast til að yfirgæfi mig í nótt virtist hafa vaxið og dafnað og var tvíefld í morgun, beinverkir hiti og viðbjóður. Ég krafsaði mig á lappir um tíu og reyndi að fara að gera eitthvað í tölvumálunum hennar Ingunnar, en akkúrat þegar ég var að lufsast af stað mætti Fíi, ég renndi kaffi á könnuna og áttum við ágætis spjall. Eftir kaffisopann skutlaði Fíi mér með tölvuna til Kalla og Ingunnar, þar var allt sett á fullt í Router reddingum og hringdi ég í Árna Finns sem leiddi mig í allan sannleikann um þessi verkfæri sem á ensku eru köllu Router en á Íslensku Beinir, Árni var nokkuð fljótur að átta sig á því að meinið lægi í því að líklega væri Beinirinn ekki rétt uppsettur þ.e.a.s ekki rétt notendanafn og lykilorð eða tengingin væri ekki komin á. Þá var komið að þjónustuveri Símans 8007000, þar var mér vísað hægri vinstri þan

..::ADSL spekingar og ringlaði Routerinn::.. Byrjaði daginn á því að góna á Ísland í bítið, ég var drulluslappur og flensuvitleysan var enn full spræk fyrir minn smekk, höfuð,beinverkir með hornös og hóstakjöltri. Eftir að hin hrikalega og afspyrnu væmna og illáhorfandi sápa " Glæstar vonir " byrjaði þá skreið ég fram úr sturtaði mig, svo lallaði ég til Kalla en hann hafði verið að fá sér þráðlaust ADSL sem virkaði ekki :(. Það mætti einhver spekúlant til að setja þetta upp í gær en það endaði með því að hann tók tölvuna með inn á Akureyri. Þar komust menn að því að þráðlausa netkortið væri ónýtt og þurfti því að kaupa nýtt :(. Tölvan var seinnipart í gær sótt og sving og pling allt tengt þegar heim var komið! En það virkaði ekkert frekar en fyrr :(. Ég mætti á svæðið fullur efasemda til að skoða þetta og var engu nær frekar en aðrir. Þetta var farið að minna aðeins á það þegar við fengum ADSL tenginguna forðum, þá tók það viku að fá það til að virka, förum ekki nánar út

..::Kvefdrulla og slappleiki::.. Frekar slappur í dag, það er einhver flensudrulla með kvefi og hálsbólgu að hrjá mig, eitthvað sem hefur verið að ganga hérna fyrir norðan og þurfti endilega að sækja mig heim :(. En það þíðir víst lítið að leggjast í aumingjaskap og volæði þótt maður sé með hornös ;). Ég dreif mig í bílskúrinn og reif tankinn af hjólinu grunnaði hann og sprautaði, svo hringdi ég í Suzuki umboðið og pantaði mér nýtt kúplingshandfang :), það verður að gera þetta klárt fyrir næstu atrennu að bévítans heiðinni :P aldrei að gefast upp!. Annars var ég búin að finna mér nýjar handhlífar á netinu sem ég hef augastað á, en það verður að bíða betri tíma, maður getur víst ekki lagst í kaupæði með allt niður um sig. Ég veit ekki einu sinni hvort ég er með atvinnu eða ekki, allt í lausu lofti þannig að sólin skín ekki beint í andlitið á mér í augnablikinu. Maður er orðin frekar þreyttur á þessari eilífu óvissu sem virðist fylgja þessari atvinnugrein. Og hollusta hvað er það

..::P38 er ekki skriðdreki! Bara sparsl::.. Rólegheita dagur hjá mér og mínum. Einar gisti hjá Sæþór síðustu nótt svo að við vorum bara ein í kotinu og kúrðum fram eftir morgni og slepptum barnaefninu þennan daginn :). Það var sannkallaður Sunnudagur svona letidagur, en það duttu inn nokkrir í kaffisopa, fyrst komu Ingunn og Kalli en svo kom Ella og Gunnar, Gunnar fékk að horfa á Tímon og Púmba og steinsofnaði yfir bullinu í þeim félögum, hann var agalega krúttlegur þar sem hann svaf og saug á sér þumalinn og náttúrulega varð hann fyrir linsunni :). Í hádeginu mætti grislingurinn okkar úr útlegðinni, hann var eitthvað að basla á hjólabrettinu og í körfubolta fram undir fimm en þá var enn ein afmælisveislan :), flott fyrir Einar hann er búin að lenda í tveim afmælisveislum um helgina. Ég notaði daginn og skipti um stýri á hjólinu, sló undir glænýju Renthal stýri sem ég keypti í útlandinu um daginn, svo sullaði ég P38 saman eftir leiðbeiningum á dósinni og smurði því svo í skemmd

..::Þrekæfingar á fjöllum::.. Þetta var eins og í ungahreiðri hjá okkur í nótt ;), það bættist einn grislingur við í gærkvöldi en Bjarki Fannar gisti hjá okkur, svo var okkar yngsti líka uppí svo að það var ekki mikið aukapláss í bælinu ;). Ekki varð maður mikið var við allan þennan fjölda í nótt, ég svaf prýðilega og vaknaði fyrir átta í morgun með grislingunum en þá var kveikt á barnaefninu. Fínt að kúra og horfa á barnaefnið, Svampur Sveins svíkur ekki neinn og er hin besta skemmtun fyrir alla aldurshópa :). Eftir morgunsopann smellti ég mér í Bjarmann og fékk þar þessa líku fínu heilun hjá Guðmundi Inga, og ekki var allt búið því á eftir fór ég á einkamiðilsfund hjá Guðmundi sem var sérstök upplifun fyrir mig, á fundinum fékk ég tvær heimsóknir sem mér þótti virkilega vænt um. Um miðjan dag voru svo vöflur heitur réttur og allskonar góðgæti hjá Brynju, öll fjölskyldan var mætt og slafraði í sig góðgætinu eins og það væri kappát hehe ;). Hjördís og Óli fóru austur í ?? til að hj

..::Garðsnyrting og dekkaskipti::.. Marði mig í að klippa runnanna í gær, það var bara þó nokkuð verk með gömlu manual handklippunum en hafðist ;), svo rigndi og rigndi svo að öll garðvinna lá niðri fram á kvöld en þá haskaði ég mig i að raka ruslinu saman og klára að klippa runnana í planinu. Þegar loksins var búið að safna saman öllum afklippunum var komin myndarlegasta sáta í garðinn. Eftir raksturinn skruppum við aðeins í heimsókn þar sem ég festist í tölvunni við uppfærslu Windows og vírushreinsun, meiri fjandans óþverrinn þessi vírusplága. Að vísu höfum við sloppið ágætlega enda með ágæta vírusvörn , Íslenska framleiðslu sem hingað til hefur náð að halda þessu dóti okkar þokkalega vírusfríu, en samt höfum við lent í smiti þrátt fyrir að öryggið hafi verið á oddinum :). Nú er það á dagskránni að misnota nágranann og hans tól, og ferja sátuna niður í gáma, þetta er allt á skipulaginu og gerist líklega hvað úr hverju. Superþjónusta hjá Landflutningum Samskip, Haddó setti nýja

..::Stór dagur í lífi Stóru systur::.. Þetta er merkisdagur því að í dag eru akkúrat ?0 ár síðan stóra systir mín fæddist :). Elsku systir hjartanlega til hamingju með daginn, ég vona að þú eigir góðan dag. Mikið væri gaman að kíkja til þín í afmæliskaffi en þar sem við erum á sitt hvoru landshorninu þá verður það að bíða betri tíma. Annars er kannski bara betra að hafa þessa fjarlægð svo að ég nái ekki að spilla deginum með prakkarastrikum :):). Var það ekki á afmælisdaginn þinn sem að steinninn lenti ÓVART í höfðinu á Guðbjörgu, eða er ég í einhverjum villigötum á dagatalinu? Ég man það eins og það hafi gerst í gær, þegar bölvaður steinninn sveif (sýnt hægt í huganum) og small í höfðinu á henni svo að hún steinlá, og ekki var skelfingin milli þegar blóðgusan kom. Þá var gott að vera fljótur að hlaupa, en því miður bjargaði hlaupahraðinn mér ekki frá eymslum í afturendanum daginn eftir hehe. En þetta var vistað í minnið forever og hverfur sjálfsagt ekki þaðan fyrr en.........

..::Þvílíka blíðan::.. Það var þvílíka blíðan á okkur Dalvíkingum í dag 17°C hiti og blankalogn. Það var ekki hægt að láta þessa blíðu fara fram hjá sér svo að ég spennti á mig allan gallann og sparkaði hjólinu í gang, svo rúllaði ég upp í fjall í góða veðrinu og einn hring í sveitinni. En nú eru flestir slóðar og troðningar ornir svo blautir og sleipir að gripið í gamla slétta afturdekkinu hentar illa til útreiða á þeim. En ég er búin að gera út leiðangur til þess að útvega mér nýtt Michelin dekk sem ætti að slá á mesta drulluskensið ;). Kalli og Ingunn komu í mat í kvöld og svo var opið hús í Bjarmanum sem við kíktum á, það var ágætisendir á góðum degi ;)...........yfir og út

..::Göngudagur::.. Það var göngudagur í skólanum á Dalvík í dag, ég var mættur niður við skóla klukkan níu í morgun og var stefnan sett fremst fram í Svarfaðardal og ekki linnt látum fyrr en okkar hópur var komin fram að Koti. Ákveðið hafði verið að ganga frá Koti upp að Skeiðsvatni sem er um 4.5km stikuð gönguleið. Þegar við vorum komin fram að Koti þá áttaði ég mig á því að ég hafði gleymt myndavélinni, það var akkúrat það sem ég ætlaði ekki að gleyma en svona fer aldurinn með mann ;);). Veðrið hefði mátt vera betra en það var léttur rigningarúði og hundblautt á, samt varð maður ekki mikið var við rigninguna og sóttist ferðin ágætlega, krakkarnir voru misjafnlega ánægð með gönguna, var ansi gaman að hlusta á nöldrið í sumum upp brekkurnar, “ég ætla að fótbrjóta mig fyrir næsta göngudag!, ég ætla að liggja í rúminu með gat á hausnum á næsta göngudag!, ég ætla ekki að ganga til baka! o.s.f.v ;);)”. En þó að þau nöldruðu örlítið yfir þessu þá gekk þetta bráðvel og það tók rétt um

..::Smá pása::.. Það var bloggpása í gær, ekki vegna heilsunar nei! Heldur vegna pikkleti ,) en dagurinn var ósköp rólegur, ég sparkaði hjólinu í gang og fór einn tvo hringi um bæinn. Við hjálpuðum við Ragnheiði að þrífa gömlu íbúðina uppi í Skógarhólum ásamt naglhreinsun og niðurrifum á ljósum o.s.f.v. Svo einhvernvegin gufaði dagurinn upp og allt í einu var komin háttatími :). ..::Sunnudagur::.. Þokkalegt veður smáskúrir vindskælingur og frekar kuldalegt á Dalvík. Þessi dagur er merkilegur fyrir þær sakir að það voru fjárréttir á Tungunum, í Tunguréttinni, þangað mæta náttúrulega allir sem vettlingi geta valdið og vorum við engir eftirbátar annarra í því. Þær eru ekki margar Rolluskjáturnar sem eftir eru en samt hefur þeim eitthvað fjölgað undanfarin ár. En þetta er partur í tilverunni, partur sem má alls ekki sleppa ef fólk á heimangengt, við gripum myndavélina með og skutum nokkrum myndum af þessum viðburði. Þetta verður ekki lengra núna...............

..::Nei nei ég er ekki hættur að blogga :)::.. Frekar rólegur dagur fram undir hádegi hjá mér, ég var aðallega í því að snúast í kring um sjálfan mig og láta mér leiðast. En það lagaðist allt þegar frúin kom úr vinnunni og grislingurinn úr skólanum ;), um miðjan dag renndum við inn á Akureyri með Einar þar sem að fjárfesta átti í körfuboltaskóm og sækja Hjördísi, skórnir voru ekki til í réttri stærð :(. Fyrst við vorum komin í bæinn kíktum við í Glerártorg og síðan í Bónus svona til að nýta ferðina, á eftir fórum við í Tónabúðina það sem við keyptum gítarmagnara fyrir Einar, en hann er á fullu í að læra á gítar þessa stundina og ég sé ekki annað en að það gangi bara ágætlega :). Að búðarrápinu loknu sóttum við Hjördísi og brunuðum home sweet home. Það hefur verið ofsalega fallegt haustveður á okkur í dag, og blankalogn :). Nýja þvottamaskínan er búin að spýta úr sér nokkrum skömmtum af nýþvegnu, og nú ber svo við að það er hægt að tala saman í húsinu meðan þvegið er, en á síðasta

..::Kuldalegt::.. Henti inn nokkrum kuldalegum skipamyndum þar á meðal ein af Sólborginni nýkysstri.

..::Ferðalag::.. Á þriðjudaginn flýttum við Nonni fluginu okkar frá St.John´s eftir þarfa ábendingu frá miklum flugspekúlant, sem betur fer forum við að ráðum hans annars hefðum við setið eftir einn dag í Halifax eða Boston. Í Halifax hittum við Adda Bert en hann hafði flogið á mánudag yfir til Halifax, þar fór allt flug í kæfu á mánudeginum eftir að einhver fáviti hljóp í gegn um öryggiseftirlitið og tíndist í fólksfjöldanum, með það sama var flugstöðin tæmd og öllu flugi aflýst. En á þriðjudeginum gekk allt eftir og lentum við á réttum tíma í Boston, í vélinni yfir voru Þýsk hjón sem heyrðu að við vorum frá Íslandi, þau vildu endilega fá að vera í fylgd með okkur í gegn um flugstöðina sem var auðsátt mál. Í Boston var stoppað nokkra klukkustundir áður en við lögðum upp í síðasta legginn heim á klakann, við lentum svo í Keflavík upp úr 06 og vorum nokkuð fljótir að dragast í gegn um verslanirnar og tollinn. Konan hans Nonna var mætt út á völl og fékk ég að fljóta með þeim niður

..::St John's::. Er komin til St John's og sit herna a hotelinu nybuin ad guffa i mig morgunmat af hladbordinu. Madur er svo timavilltur herna ad eg var komin a lappir klukkan fimm i morgun og byrjadur ad fletta a fjarstyringunnu hehe. Tad er skitavedur herna nuna, migandi rigning og vindsperra. En nun er komin rod af folki sem vill nota tolvuna svo ad eg tarf ad haska mer.

..::Pirate day::.. Jæja verður maður ekki að sinna aðeins þessu bloggi :). Í gær renndum við inn í höfnina og var tekið á móti okkur með skothríð og flugeldum, það var nú ekki verið að fagna komu okkar hehe, heldur var verið að halda upp á einhvern sjóræningja dag. Einhvertíman í kring um 1500 var hér uppi mikill sjóræningi sem ég kann ekki að nefna, hann hafði sína bækistöð hér í Hr.Grace og lagði upp í ránsferðir sínar héðan, í minningu hans var haldin einhver hátíð hérna í gær. Við skruppum aðeins um borð í Ocean Prawn sem er að landa hérna, þetta er 18ára gamalt skip 16metra breiður og lestar 750tonn af rækju, skipstjórinn var Dani og sagði að þetta væri svona normal túr en það tók hann 24daga höfn í höfn að stappa í dósina. Daninn var hinn almennilegasti og vildi allt fyrir okkur gera, hann bauð okkur í sætsýn túr um skipið og sýndi okkur vinnslusalinn vélarrúmið og vistarverur skipsins. Þetta er mubla þetta skip, einstaklega vel um gengið og vel við haldið, skipstjóraíbúðin v

..::Game over!!::.. Allt tekur enda, er það ekki? Loksins erum við búnir að mæða magan á skútunni svo fullan af pöddum að hún stendur á blístri, og ekkert annað í stöðunni en að halda til hafnar og láta dæla upp úr henni gumsinu :):). Þvílík blíða sem er búin að vera á okkur í dag, meira að segja Rúsínan sem ég hélt að væri aldrei ánægðari en í svona svækju kvartaði yfir hita. Já 22°C blankalogn brakandi sól og hafflöturinn eins og spegill, ekki amalegur dagur til að loka veiðunum á ;), þetta er einn af þessum dögum sem gera sjómannslífið þess virði að stunda þetta pjakk :). Fljótlega eftir að við lölluðum af stað kom ég auga á Sólborgina Færeysku, við nánari skoðun í sjónaukanum þótti mér hún eitthvað undarleg útlits, það var eins og að hún væri að geifla sig framan í okkur. Ekki var annað hægt en að skoða þetta betur svo að við settum stefnuna að henni, þegar við nálguðumst meira kom betur og betur í ljós hvað var athugavert, hún hefur greinilega fengið hressilega á snúðinn bles

..::Einn dagur eftir::.. Jæja þá er einn veiðidagur eftir hjá okkur og svo náttúrulega landstímið, sem sagt þetta er að hafast hjá okkur. Í gær fengu nokkur skip vinning í Beinhákarlalottóinu en sem betur fer áttum við ekki miða í því og sluppum með skrekkinn, meiri f...... ófögnuðurinn. Og flugplanið okkar Nonna datt inn um bréfalúguna í dag, sem sagt allt klappað og klárt með heimferðina, við eigum að yfirgefa Newfie 31ágúst og ættum samkvæt áætlun FI 632 að lenda í KEF 06:30 1september. Það verður ekki amalegt að snúa óæðri endanum í þetta hundsrassgat hérna og fljúga heim :). Veðrið Núna! Norðvestan golukaldi alskýjað, þokubakkar sjólítið og hiti 15°C. Þá verður þetta ekki lengra í dag.

..::Faraldur::.. Þeir eru misjafnir faraldarnir sem herja á mannkynið, engisprettufaraldrar og alls kyns óveirur, yfirleitt til vandræða. Nú herjar á okkur Hattverja einn af þessum ófögnuðum mannkyns sem oft eru kallaðir "Faraldrar". BeinhákarlaFaraldur er það sem á okkur herjar núna, bölvuð kvikindin lentu í trollinu hjá mér í gær og rifu belg og grind svo að eftirtekja þess togs var frekar rír, þessi óværa virðist helst halda sig vestast á Hattinum og eru margir búnir að lenda í að skemma veiðarfærin í viðureigninni við þessa stórfiska. Það hefur sennilega verið skrítið upplitið á norska skipstjóranum sem fékk þrjár skepnur í einu holi í gær, þetta var eitt af þessu stóru skipum sem dregur þrjú troll í einu og það var einn beinhákarl í hverju trolli. En við þessu er lítið að gera annað en að setja hausinn undir sig og bíða eftir að þessi faraldur gangi yfir, nema nátturúlega einhver finni upp Beinhákarlafælu sem henga mætti á höfuðlínuna á trollinu þá væri vandamál plágu

..::Beinhákarl::.. Rúsínublíða á okkur í dag og naut Rúsínan veðurblíðunnar uppi á brúarþaki í allan dag. Suðvestan gola 20°C hiti og heiðskýrt að mestu. Þessi dagur er að mestu verið öðrum líkur hérna á hafinu, þó brá svo við að ég sá beinhákarl á svamli í dag. Hann damlaði áfram í yfirborðinu og bakugginn á honum risti hafflötinn eins og Ókindin sjálf væri þar á ferð, en beinhákarlar eru meinlausar skepnur sem svamla um með opið ginið og sía svif og önnur svifdýr úr sjónum. Þessi grey eru sauðmeinlaus, mjög hæg og algjörlega tannlaus ofan á allt annað. Þannig að það er eiginlega bara nafnið og útlitið sem gæti sett óhug að einhverjum, það mætti sjálfsagt ríða um hafflötinn á þeim án þess að þeir kipptu sér upp við það eða væru manni hættulegir. Og ekki eru nytjarnar miklar af þessum skepnum, lifrin var að vísu hirt hér áður fyrr og einhvertíman voru þeir veiddir til þess að ná henni. Nú í seinni tíð eru það uggarnir og sporðurinn sem er verðmesti parturinn, þeir eru þurrkaðir og

..::Styttist óðfluga::.. Rólegheita dagur hjá okkur vesalingunum á hattinum, sólskin bjart og hægur suðvestan andvari, hiti 18°C. Ekki er nein ástæða til að kvarta og ljósi punkturinn í tilveru dagsins er veðrið, það er alltaf einhver ljós punktur :). Eitthvað er farið að þrengjast um í olíubyrgðunum skútunnar, en einhverra hluta vegna vantaði tveggja sólarhringa byrgðir upp á það sem átti að vera til um borð, svo nú verðum við að mæta þeirri vöntun með vélastoppi yfir nóttina, það er svo sem ekki af miklu að missa yfir nóttina því þá er nánast ekki nein pödduveiði, en með því að drepa á og láta reka á nóttinni þá draslast þetta vonandi til að duga fram á næsta mánudagsmorgun sem er landtökudagur okkar í Harbour Grace, Newfie. Jamm þetta er að styttast og innan við vika eftir af þessari rispu, og ef þessir dagar sem eftir eru verða eins fljótir að líða og það sem búið er af túrnum, þá er ekki miklu að kvíða, hviss bang! og túrin búinn. Og þá er ekki fleira í þættinum í dag.........