Eitthvad út í buskann...

Drullubræla það er orð dagsins, en það er búið að vera kolvitlaust veður hjá okkur í allan dag 20-27m/s frá því í morgun, það er helst núna um kvöldmatarleitið sem eitthvað er farið að dúra á þetta. Ekki vildi ég vera kokkur á svona veltikollu, það hlýtur að vera hrikalega slítandi að reina að halda öllu í skorðum í eldhúsinu og elda mat í svona velting. Við höfum lítið gert annað en að halda okkur í dag, með kjafti og klóm ;). Það var ansi blautt á frænda á dekkinu í dag, en hann stendur sig eins og hetja þarna úti með þeim félögum og kvartar lítið. Það er búið að vera bölvað ísböggl á skipunum sem hafa verið að koma úr landi og fara út frá Nufy, svo ég reikna með að við pjökkum af stað aðfarnótt mánudags og gefum okkur góðan tíma í þetta ferðalag, ekki veitir víst af tímanum, svo verður líklega einhver vestanfíla í nefið á dollunni ef kortið gengur eftir. En það hlýtur að styttast í vorið og góða veðrið. Þetta verður allt og sumt í dag. Guð veri með ykkur.

Ofurvélstjórinn okkar muldi kyndararæfilinn af stað í gærkvöldi, ekki veit ég hvaða galdraþulur hann hefur farið með yfir kyndingunni því að það voru allir búnir að dæma hana úr leik. Við komum á hattinn í morgun, og köstuðum rétt hjá skipunum kl 05:00 í morgun, en ekki átti það að liggja fyrir okkur að hitta í rækju í dag, því að þegar ég kom upp í morgun vorum við komnir langt norður fyrir skipin, og tók okkur allan daginn að draga til þeirra aftur. Á meðan við vorum að gaufast til þeirra þá voru þeir að mokfiska ;(. En svona er þetta bara og ekkert við þessu að gera. Það er ekki hátt á manni risið eftir þennan daginn, en það verður að taka þessa daga líka eins og kerlingin sagði. Á morgun spáir svo einverjum kalda á okkur svo að það verður sjálfsagt einhver skælingur á þessu á morgun. Læt þetta nægja í dag. Gangið á Guðsvegum................................

Ís, þoka og blíðviðri þannig mætti þessi dagurinn okkur á Erlunni, við erum enn á Nafo svæði 3L en ætlum að færa okkur yfir á Flæmska í kvöld. Það er búið að vera reytingur í dag og gær svo að brúnin er aðeins léttari á mannskapnum. Það var tekin ákvörðun um að fresta landtöku okkar á Nýfundnalandi um tvo daga, svo við verðum ekki inni fyrr en á miðvikudag, þetta ver eitthvað út af varahlutasendingum frá Íslandi en þeir berast víst ekki fyrr en á fimmtudag. Þetta breytti litlu fyrir okkur, gefur okkur bara aðeins meiri tíma til að reina að ná önglinum úr borunni á mér. Miðstöðvarketilinn sagði upp störfum í gærkvöldi og tortímdi brennaranum svo illa að ég efast um að kraftaverkavélstjórinn okkar nái lífi í kyndinguna aftur ;(, en það þíðir nú lítið að væla yfir því og ekkert annað að gera en að taka fram kuldagallan og vera í honum ;), ég sé að þetta er miklu betra, maður var alltaf að drepast ofan í klofið á sér ef maður kíkti út þegar trollið var tekið, en eftir að maður fór að ve...

Komum á nýja svæðið rétt fyrir hádegi í morgun, veðrið var og er alveg yndislegt blankalogn og það má spegla sig í haffletinum. Það er á svona dögum sem það mætti skilja hvers vegna menn leggja það á sig að gerast sjómenn, en því miður eru ekki allir dagar á sjónum svona, en einhverra hluta vegna þá er maður alltaf fljótur að gleyma brælunum og brasinu, og þegar horft er um öxl þá sér maður aðallega gott veður og gott fiskirí, hitt er ekki svo merkilegt að það borgi sig að vera eiða geymsluplássi á harða disknum undir það ;). Það er íshrafl rétt vestan við okkur og það gerir það að verkum að hafflöturinn er mun sléttari en búast hefði mátt við fleiri hundruð mílur úti í hafi. Það var viðtal við einhvern speking frá Kanadísku strandgæslunni áðan í útvarpinu, og sagði hann að núna væri mesti ís sem verið hefði við Nýfundnaland undanfarin 15-20 ár. En það er ekki verra austan á Nýfundnalandi en undanfarin ár, þetta liggur aðallega í miklum ís vestan og norðan við. Við megum samt eiga v...

Logn blíða og hæð yfir þúfunni, og eftir veðurkortinu þá ætti það að haldast fram yfir miðnætti á morgun en lengra nær spáin ekki ;). Gærdagurinn var skásti dagurinn síðan við komum á hattinn en það bilaði ekkert stórt í gær og við gátum varið að veiðum allan síðasta sólarhring. Ekki skemmdi það að veiðin var ágæt á okkar mælikvarða. Aftur á móti hefur veiðin í dag verið lök en veðrið því betra. Í kvöld ætlum við svo að sigla yfir á annað svæði og reina að taka kvótann sem við eigum þar, ef við gerum það ekki þá lokast hann inni í þrjá mánuði, en það svæði lokast 31mars og er lokað í þrjá mánuði. Andvari hefur verið að skrattast hérna með okkur í austurkantinum, og get ég ekki séð annað en að það sé þó nokkuð af rækju á ferðinni hérna á hattinum það okkur vantar bara almennilegt skip til að geta tekið á þessu af einhverju viti ;). Við erum bara eins og léttabátur innan um öll þessi stóru skip, en það eru 4 svona lítil skip á hattinum núna Andvari, Erla, Eyborg og Sonar en hitt eru ...

Eitthvað heilsaði þessi dagurinn okkur vel, en aldrei þessu vant þá var blíðuveður í morgun og sól þegar leið á daginn. Við erum að basla í austurkanti með Andvara og er veiðin svona la la. Höfðingjarnir á Andvara lánuðu okkur gamla höfuðlínustykkið sitt svo að núna erum við ekki blindir á trollinu lengur ;). Maður þorir varla að minnast á það nema voða lágt, “en það hefur ekkert bilað hjá okkur í dag ;)”. En ég vona að þetta snúist ekki í höndunum á okkur og endi í einhverju basli. Maður veit eiginlega ekki hvernig maður á að sér að vera maður er svo vanur orðin baslinu og vandræðunum, en vonandi erum við farnir að uppskera eftir allt erfiðið ;). Annars hafa það allir gott, rafvirkinn sat frammi í borðsal áðan og spjallaði svo að hann er að hressast. En mikið rosalega er hann samt druslulegur karlanginn hann var nú ekki á barnskónum fyrir en núna lítur hann út fyrir að vera tuttugu árum eldri. Við fengum uppgefin löndunarstaðin í dag og er það Bay Roberts, við vorum að vona að ...

Loksins komst Hannes yfir í Arnarborgu en hann yfirgaf okkur í gærkvöldi og er hans sárt saknað, hann var á fullu í rafmagnsviðgerðum fram á síðustu stundu. Þegar Hannes var farin þá hífðum við trollið en þegar lengjan var rétt komin inn þurfti að drepa á vélinni og urðum við að tuttla belginn inn á auto dælunni. Vélstjórarnir voru svo að brasa í vélinni í alla nótt, og komst trollið ekki aftur í sjóinn fyrr en níu í morgun. Það var þokkalegt veður í morgun og kom Borgin með einn áhafnarmeðlim handa okkur úr landi og sótti pakka sem við komum með fyrir þá frá Íslandi. Fljótlega eftir að sá nýi kom fór að hvessa , um kaffileitið hífðum við svo trollið og þá flaut bölvaður pokinn upp og var aflinn nánast ekkert nema smákarfi arrg. En við því var litið að gera og eftir smá kipp var kastað aftur, enn hvessti og um fimmleitið var veðurhæðin komin upp í 25 m/s og vaxandi sjór. Já þetta ætlar ekki að verða endasleppt með veðrið, við höfum ekki náð einum heilum degi með góðu veðri síðan við ...

Og ekki kom blíðan enn þó svo að spáin hafi nánast lofað blíðu ;(. Aflinn eftir nóttina var rýr og sama var að segja um næsta hol, en þá vildi ekki betur til en að trollið hengilrifnaði inni á dekki allt vegna athugunarleysis, arrg arrg. Og á meðan við vorum að gera við trollið þá þurfti vélstjórinn endilega að vilja stoppa vélina svo nú er trollið klárt en við á reki að bíða eftir að það verði klárt í vélarúminu, á meðan fjarar dagurinn út og þar með veiðilíkurnar. Já einn dagurinn enn með krókinn á kafi í rassgatinu. Við Hannes fundum gamlan GPS niðri í skúffu og nú er búið að koma loftnetinu fyrir hann upp og koma honum af stað ;). En stóra talstöðin bilaði ;( Hannes er búin að liggja yfir henni og varð að játa sig sigraðan þar. Okkur sýnist á spánni að það verði lítið veður til flutninga á morgun svo að ef við eigum að koma Hannesi yfir þá verður það að gerast í kvöld. Polling systemið hökti af stað hjá okkur í dag, en það gerir NAFO kleift að skoða staðsetningu okkar hvenær ...

Ekki kom góða veðrið sem við vorum að vonast eftir i dag ;(. Og það er búin að vera skítabræla í dag en kortið fyrir morgundaginn lofar betra veðri ;). Í morgun þegar við tókum trollið þá var svo þung aldan að önnur bakstroffan í stjórnborðshleranum slitnaði í látunum, þegar draslið var komið inn þá tókum við hlerann inn til að skipta um keðju. Það var ekki þrautalaust því að dollan ólmaðist eins og sólborgari á e-töflum. Svo þegar við ætluðum að henda hleranum út aftur þá virkaði ekki spilkerfið ;) en Jón fann út úr því og korter í tvö var druslan komin í botninn aftur. Það er eiginlega ekkert veiði veður fyrir Erlu en það verður að reyna að pjakka í þessu í von um að veðrið verði skárra þegar hífað verður. Í dag var svo ákveðið að við yrðum í landi 31mars, því fylgdi náttúrulega bullandi pappírsvinna því að tilkynna þarf löndun mannaskipti áætlaðan afla og allt það með 10daga fyrirvara til Nufy, svo þarf aftur að hnykkja á því með fjögurra daga fyrirvara og enn og aftur sólarhring...

Einn brasdagurinn enn að kvöldi komin og ekkert lát á vandamálunum í Erlu. Í morgun þegar við hífuðum var komin kaldaskítur með tilheyrandi velting og látum, við ætluðum aldrei að ná trollinu inn því að hlerarnir voru alltaf inni í rennunni og ef ekki þá lokuðu þeir algjörlega rennunni ;( ekki var hægt að kasta við þessar aðstæður og pjökkuðum við upp í veður og vind á meðan reynt var að græja þetta aðeins betur, við fórum í að logskera burt einhverjar stýringar á gálganum sem við töldum að væru til vandræða, það versnaði við það ;(. Á endanum hengdum við hlerana í græjur á meðan kastað var til að fá þá út úr rennunni, svo var rafsuðumaðurinn settur í að rafsjóða rör þvert yfir rennuna til að reyna sporna gegn þessu, en vandamálið er samt ekki leist með þessu og þetta verður til vandræða þangað til að við finnum lausn til að koma hlerunum utar á rassgatið á skipinu. Við köstuðum svo seinnipartinn og nú erum við að reyna að toga en vindur og straumur vill ráða ferðum okkar svo að nú ...

Í gærkvöldi þegar hífað var þá fékk maður vægt áfall en það er búið að vinna nokkuð vel úr flestum vandamálunum sem þá komu upp ;). En á tímabili féllust manni alveg hendur ;) og maður sá engan vegin út úr bilana og vandræða súpunni ;). Í nótt klukkan fjögur var svo trollinu gusað út aftur og togað til hádegis, aflinn var þokkalegur og veðrið hreint ljómandi. Þar sem að gírinn í gasolíuskilvindunni varð tannlaus í nótt og hún þar með úr leik. Varð ég að keyra yfir að Lómnum og sækja varahluti í skilvinduna og fl sem kom út með honum. Í framhaldi af því gerðum við nokkrar breytingar á trolli og hlerum og köstuðum svo druslunni kl 1700. Nýja fína Scanmar trollaugað entist í heilar fjórar klukkustundir og liggur nú bilað inni í skáp engum til gagns en mér til mikillar armæðu. Svo er fyrirliggjandi að sansa hlutina til og fá allt til að snúast og virka, en líklega tekur það einhvern tíma að fá þetta í almennilegt horf. Róm var ekki byggð á einum degi og þar við situr. Farþeginn er...

I morgun sigum við upp á norðurhornið á Flæmska Hattinum og klukkan eitt var trollið komið í botninn ;). Við fyrstu sýn þá virðist þetta virka 7-9-13 bank bank en ég ætla samt að koma frá mér blogginu áður en fyrsta holið verður innbyrgt ;). Það er búið að vera kaldaskítur í dag og heyrði ég að stóru dasarnir voru að tala um 15-20m/s en ég sel það ekki dýrara en ég keypti það, okkur finst þetta ekki svo slæmt eftir það sem á undan er gengið. Þegar á reyndi þá vinnur suðupotturinn ekki og er nokkuð ljóst að eldhólfið sem reynt var að klastra í heima er ónýtt ;(. Hannes er búin að standa í ströngu í dag og er búin að vera á kafi í köplum og tengingum undir brúnni í mest allan dag, þar þurfti að taka til hendinni ;). Veslings vélstjórinn minn er búin að vera svartur upp fyrir haus í allan dag, það eru allskyns vandamál að hrella hann og af nógu að taka. Sjálfsagt koma upp enn fleiri vandamál þegar híft verður svo að ég sá mér leik á borði og losa mig við bloggið áður en stóri hvellu...

Síðastliðna nótt fengum við þann mesta velting sem við höfum fengið á leiðinni ;) og var ein og maður væri í rússíbana. En um hádegi var svo komið þokkalegt veður en haugasjór og veltingur, þetta er svo smátt og smátt að fjara út. Við reiknum með að geta kastað druslunni um hádegisbil á morgun. Það eru allir búnir að vera á fullu í að gera við og lagfæra og er engum hlíft, veslings farþeginn er misnotaður hrapalega og er hann alltaf eitthvað að laga fyrir okkur ;). ‘I dag tengdi hann Gýrókompásinn inn á 24v og svo var eitthvað fleira sem hann lagfærði í rafmagninu. Rafvirkinn liggur bara fyrir og ber sig aumlega, ég kíkti á karlinn í dag og var komin út myndarlegasti marblettur á bakinu á karlgreyinu. Að öðru leiti hefur dagurinn verið öðrum líkur hjá okkur. Megi himnaföðurinn passa ykkur.

Ekki væsti um mann á gólfinu í nótt, þetta var bara eins og í útilegu ;). Það var þokkalegt veðrið í gærkvöldi svo að við stoppuðum og Jón lagaði einhvern olíuleka á höfuðmótornum og breytti einhverju í lögnunum að eimaranum, núna framleiðir eimarinn um fimm tonn á dag svo að það er besta mál. Það er ekki amalegt að vera með rafeindavirkja um borð, í gærkvöldi bilaði einn tölvuskjárinn í brúnni og Hannes var snöggur að kippa honum niður og gjörsamlega spaðaði græjuna í smáparta ;) á endanum fann hann bilunina og reddaði því með stæl. Eitthvað ber Rafvirkinn sig illa eftir byltuna og þurftu félagarnir að bera hann á kamarinn í morgun ;(. Í morgun byrjaði svo að hvessa og um hádegi var komin skítabræla eina ferðina enn, ég var í sambandi við Skúla Elíasar á Otto og vildi hann meina að við hlytum að fara verða búnir með brælukvótann, ég er honum sammála og verð að segja að þetta ferðalag er alveg með ólíkindum hjá okkur, við eru tvisvar sinnum búnir að fá þokkalegt veður dagsstund sí...

Kannski er maður bara að verða vanur þessum brælum, nema veðrið hafi verið aðeins skárra eftir hádegi í dag. Kyndingin er enn og aftur að stríða okkur og hefur ekki verið hiti á skútunni síðan í nótt ;). Það var bölvuð óþverrabræla í nótt og míglak vatnsausturinn í kojuna hjá mér svo að maður var hundblautur og druslulegur þegar maður aulaðist fram úr í morgun, that´s it og nú veður þetta loft rifið niður og reynt að komast fyrir vandann. Við fengum upplýsingar frá Ölfu sérfræðing um keyrslu höfuðmótorsins og kom þá í ljós að við vorum með óþarfa áhyggur af afgas og skollofts hita og nú er hægt að keyra aðeins meira. Í hádeginu datt svo rafvirkinn niður stigann á neðri ganginum og lá lengi emjandi í gólfinu, við vorum helst á því að hann væri rifbrotinn. Ég guðaði í hann einhverjum verkjalyfjum og hringdi svo í læknir. Eftir samtal við lækninn kom í ljós að lítið er hægt að gera annað en að gefa honum verkjalyf og sjá til, þeir drusluðu honum svo inn í klefa. Seinnipartinn þegar ég...

Við Jón vorum að brasa í mótorhúsinu fram til fögur í nótt, við rifum skolloftsblásarana og skoðum þá en þar var ekkert athugavert. Þar sem lekin yfir kojunni minni var horfinn þá flutti ég í fletið aftur og svaf eins og engill fram til ellefu í morgun. Það var náttúrulega komin suðvestan skítabræla í morgun og hefur það staðið í allan dag, en ef kortið gengur eftir þá verður kannski smá stund milli stríða á morgun. Loksins hafðist eimarinn af stað og er hann nú farin að framleiða vatn handa okkur, að vísu eru afköstin í minna lagi en það von um að afköstin aukist. Við heyrðum aðeins í Skúla á Otto í talstöðinni í dag og er þokkalegt veður og veiði á hattinum núna, en það er einhver Lægðarpussa sem er eitthvað að igla sig og gæti gert usla á laugardag. Hitamálin hafa verið í góðu lagi síðan í gær en núna um kvöldmatarleitið var eitthvað pat á því ;(. Það er verst að ekki skuli vera hægt að virkja þennan velting eitthvað, ef svo væri þá myndi ekki skorta kraftinn hjá okkur. Veiðar...

Miðstöðin er búin að vera úti síðan í gærkvöldi en þá kvaddi hún með miklu búmmi og allt hvarf í sóti og drullu í vélarúminu. Þá var ákveðið að fresta frekari viðgerðum fram til morguns. Það var komið þokkalegt veður í morgun svo að veltingurinn var innan marka velsæmis, og gangurinn á dollunni var svona la la. Unnnið var við lamaða eimarann í allan dag og ekki er komin nein niðurstaða úr því. Kyndarinn hökti af stað seinnipartinn og fóru þá ofnarnir að volgna í Erlunni ;). Hvort það heldur einhvern tíma veit enginn, en við eigum von á varahlutum sem fara til Kanada á morgun, vonandi leggja þeir svo af stað á miðin á laugardag. Ekki hefur enn unnist tími til að fara í vatnslekan yfir kojunni minni svo að ég kúrði á bekknum í nótt og var það ekki góð vist. Ætli ég fari ekki í að rífa niður loftplöturnar yfir kojunni í kvöld og þá kemur sjálfsagt eitthvað skemmtilegt í ljós. Seinnipartinn var svo farið að blása úr vestsuðvestri en vonandi er ekki ein brælutussan enn að skella á ;(...

Ekki entist góða veðrið lengi og klukkan níu í morgun var komin suðvestan skítabræla með tilheyrandi velting og gangleysi. Ekki var það heldur til að auka ánægjuna að helv olíukyndingin fyrir hitan á skipinu bilaði svo að við höfum ekki haft hita né heitt vatn í dag, en vonandi rætist úr því. Um miðjan dag komst olíuskilvindan af stað svo að þar fór eitt atriðið út 7-9-13 knok knok ;). En þar sem að svo miklar bilanir og verkefni liggja fyrir hafa menn ekki komist í að athuga lekan yfir kojunni minni og var svo komið í morgun að ég mátti fjarlægja dýnuna og alles svo að það færi ekki allt á floti ;( og svo verður maður bara að norpa á bekknum þangað til að tími vinst til viðgerða. Ég veit ekki hvaða helvítis ófriður þetta er alltaf í þessu veðri en þetta var alls ekki það sem við höfðum gert ráð fyrir, og ef þetta lagast ekki þá verður Erla sjálfsagt vorskipi á Hattinum þetta árið, plotterinn er að tifa á 6-9dögum eftir á miðin ef ekkert breitist. Og ekki auðvelda þessi anskotans læ...

Nóttin hjá okkur var þyrnum stráð og valt dollan alveg ógurlega, er vægt til orða tekið að það hafi verið allt á rúi og stúi í Erlu í morgun. Í brúnni losnaði skjárinn fyrir standard-C og var flaggarinn víst fastur við hann í fjórar klukkustundir ;) hann þorði ekki að sleppa skjánum og skorti það sem þurfti til að leysa málið á annan hátt, gott að ekkert var á vegi okkar á meðan, einnig slitnaði stólinn fyrir ritvinnslutölvuna upp úr gólfinu en það voru full stuttar stuttar skrúfur sem festu hann. Það er allt á floti hjá kokknum og plammar hann á stígvélum í konungsríki sínu, en meinið er að það bullar eitthvað upp úr niðurfallinu á veltunni. Svo varð mengunarslys í einni af útstöðvum kokksins (þurrgeimslunni) en þar hafði tæknilókurinn laumast til að geima blekið fyrir stimpilpúðana og ekki vildi betur til en að hálfs líters búsi strauk úr hillunni og ólmaðist á gólfinu frelsinu fegin. Þar ólmaðist hann þangað til hann sprakk, og slettist gumsið úr honum út um allt í þurrgeymslu ko...

Sunnudagur. Ekki byrjaði þetta nú bærilega hjá okkur því að við vorum komnir á rek upp úr eitt í nótt, en maður átti von á að það yrði bras svo að ég hrökk ekki langt ;). Svo er líka skítaveður svo að ekkert liggur á, ég ætlaði að gefa Jóni tíma til að fara í skilvinduna, og leifa strákunum að gera togvírana klára átromlunum áður en við förum út úr faxaflóanum, aðalmarkmiðið var að komast út og sjá hvernig þetta plummaði sig svo verður þetta bara að koma með kaldavatninu ;). Við Jón fórum ekki í koju fyrr en kl sjö í morgun þá settum við á rek og ætlar Nonni að skoða skilvinduna og fá betri upplýs um gírinn. Ég vaknaði svo klukkan tíu og fór að skoða hvað hefði komið út úr skilvindumálinu en Júri ætlaði að rífa hana í morgun, það voru farnir í henni einhverjir kúplingaklossar og er möguleiki á að skítmixa það saman ;). Eftir hádegi settum við í gang og slökuðum út togvírunum og strekktum þá á tromlunum, svo tókum við trollið klárt. Það er bölvaður norðaustan vindsperringur og lík...