Eitthvad út í buskann...

..::Jákvæðni já takk!::.. Enn bíðum við eftir stóru fiskgöngunni en hún lætur standa á sér, það verður sjálfsagt þokkalega bingóðið þegar holskeflan skellur á með fullum þunga, þangað til bíðum við félagarnir misjafnlega þolinmóðir. Í gær skottuðumst við inn til Nouakchott með veikann mann, í leiðinni sóttum við allskyns pappíra fyrir hin skipin ásamt því að við björguðum Ew.Cook um handlyftara sem þeir þurftu að fá lánaða frá okkur. Veðrið hefur verið með eindæmum gott hérna undanfarið svo það er ekkert yfir því að kvarta, en mannskepnan er misjafnlega gerð og sum okkar finna sér alltaf eitthvað til að kvarta yfir. Merkilegt hvað sumt fólk eyðir miklum tíma í að sjá leiðinlegu hlutina í kring um sig, af hverju ekki að horfa eftir því jákvæða og skemmtilega í fari anarra og umhverfinu. Sumir virðast nærast á því að tala illa um allt og alla. Mikið held ég að þetta sé erfitt að sjá ekkert nema myrkur og mannaskít í hverju horni, ég á engin svör við þessu önnur en að biðja Guð almáttugan...

..::Plágur og Böl::.. Það er ekki hægt að segja annað en Nouakchott road hafi kvatt okkur með reisn, síðasta daginn sem við vorum þarna inni að landa lyngdi og þá fylltist allt af flugum. það var sem sé stríðsástand hérna í brúnni, útrýmingu á þessari flugnaplágu sem ásótti okkur tók tvo daga. Fíni flugnabaninn tók ákaflega fáa einstaklinga af lífi og ekki var meiri hjálp í kettinum, hann lét ekki neitt flugnasuð raska ró sinni og missti ekki mínútu svefn yfir þessari óværu. Við félagarnir skiptumst á að manna flugnaspaðann sem fékk nýtt og virðulegra nafn “tortímandinn”. Það var svo seint í gærkvöldi sem við töldum stríðið unnið og hvergi var flugu að sjá. En Adam var ekki lengi í Paradís, eftir flugnapláguna miklu tók við annað böl, nú sagði Asdikið upp og hefur ekki sinnt starfi sínu síðan í gær, ofan á það bættist svo ördeiða sem engan enda ætlar að taka huuh. En við trúum því samt sem áður að þetta gangi allt yfir eins og hver önnur magakveisa og verði á endanum ágætt. Guðmundur o...

..::Hitt og þetta en aðallega hitt!::.. Í gær sigldum við inn á ytrihöfnina í Nouakshott og reimuðum dallinn utan á enn einn fraktarann og gerðum okkur klára til löndunar. Gummi hafði farið áður á léttbátnum/tuðrunni til að sækja Matta skipstjóra á Orion og Celine sölustjóra yfir í Ölfu, hann fleytti svo kerlingar með þau yfir eftir að múringin var yfirstaðin. Celine er að kynna sér aðstæður og hvernig þetta fer allt fram í raun en Matti vinur minn var nú bara að koma til að heimsækja vin sinn;), eftir kvöldmat skutluðum við Gummi svo Matta yfir í Orion. Það þurfti náttúrulega ekki að spyrja að því þegar Guðmundur stórtuðrukapteinn er við stórnvölinn, öll orka sem til er í mótorskvikindinu var nýtt til hins ýtrasta og flengdist truðrudruslan í loftköstum eftir ósléttum haffletinum svo að mér þótti nóg um hehe, það hefði ekki veitt af nýrnabelti í þessari stuttu ferð yfir í Orion. En Matti kvartaði ekki svo ég reindi að bera mig mannalega líka. Á bakaleiðinni tókum við á okkur smá krók ...

..:Hei hei hó hó:::.. Í dag er konudagurinn, og vonandi hafa karlmennirnir í ykkar lífi verið rómantískari en ég þennan dag merkisdag. Ég reyni samt að klóra yfir skömmina með því að segja að ég hafi ekki verið heima, en veit innst inni að það dugir skammt ;). Héðan úr hitasvækjunni er ekki mikið fréttnæmt, ég held ég barasta að títuberja Mæja hefði að mestu verið heimavið ef hún hefði búið hér. Eins og allir sem horft hafa á Emil í Kattholti vita þá var sú sem sá um að koma fréttum milli bæja í Smálöndum í tíð Emils. Íslendingar eiga líka sína Mæju en hún var kölluð Gróa á Leiti og sá um fréttaflutning í bæjum og sveitum landsins ;). Þessar umræddu dömur Gróa og Mæja áttu það sameiginlegt að ef það var eitthvað sem þær ekki vissu þá hafði það einfaldlega ekki gerst. Þetta er allt saman í hálfgerðu dosi, flest kompanýskipin eru í löndun, og við þrír sem enn erum að rembast við veiðarnar erum dreifðir, það er dauft yfir þessu í dag og fáu við það að bæta. Ég var frekar fúll í gærkvöldi ...

..::Heitt!!::.. Héðan er ekki mikið að frétta, gærdagurinn slapp fyrir horn og endaði ágætlega þótt á tímum liti út fyrir að þetta yrði einhver harmleikur. Það var dagur tvö í gær hjá drengjunum mínum í að koma nýjum netsonarkapli á kapalvinduna, það verk hefur tekið mun meiri tíma en okkur grunaði og því miður þá er því ekki lokið enn, en vonandi hefst það fyrir páska hehe. Seinnipart gærdagsins ákvað lágtíðniasdikið að hætta útsendingu í lit, og fyrir valinu varð mjög mjög daufur grár litur, þótt við félagarnir beittum okkur öllum þeim viljastyrk sem við bjuggum yfir þá var ekki nokkur leið að lesa nokkuð út úr því sem á skjáinn kom. Þetta var nú ekki það sem við þurftum, því var farið á fullt í að finna út hvað væri eiginlega að, ekki voru það afnotagjöldin því það var allt í lagi og reikningurinn löngu greiddur. Þá var ekkert annað eftir nema tæknihliðin, við félagarnir byrjuðum á að útiloka það sem okkar kunnátta bauð upp á, það var ekki stórt og fólst aðallega í endursetningu á a...

..::Montana!::.. Gærdagurinn, ja hann var einn af þessum dögum sem sem betur fer er farinn og kemur aldrei aftur, það gekk allt á afturfótunum, tómt bras og vesen. Ég veit eiginlega ekki hvernig ég á að lýsa gærdeginum, en mér dettur í hug tilsvör sem einn af hinum kynlegu útgerðarmönnum sem bögluðust við að gera út á Flæmska hattinn forðum fékk í andlitið. Drullukollan hans var nýkomin til hafnar í Argensia á Nýfundnalandi eftir vonlausan túr þar sem allt hafði farið úrskeiðis sem farið gat úrskeiðs. Útgerðarmaðurinn stóð sætmildur af öldrykkju á bryggjunni og sagði við stýrimanninn sem loksins hafði fast landur undir fótum eftir hreint ótrúlegan túr. Jæja Siggi minn hvernig var túrinn? Stýrimaðurinn sem var fyrrum togaraskipstjóri kjarnyrtur með afbrygðum og mikill fallbyssukjaftur svaraði um hæl. Sæmundur! þetta er það tímabil í lífi mínu sem ég helst vil gleima!. Svo mörg voru þau orð, stutt og laggott ;). En það var ekkert Montana hjá okkur í gær, Rússarnir nota þetta mikið til að...

..::Sjaldnast launar kálfur ofeldið::.. Lítil dæmisaga: Ung dama sem ég þekki sótti um fjögurra klst frí hjá fyrirtæki sem hún vinnur hjá, hún þurfti að fá að hætta fyrr á föstudegi. Til að vera við öllu búin þá bað hún um þetta með löngum fyrirvara. Það var ekki til í dæminu að þetta væri hægt að hliðra til með þetta, hún fékk ekki þetta fjögurra klukkustunda frí. Djöfull fer í rassgatið á mér þegar stjórnendur fyrirtækja veruleikafyrrast svona í eigin loftköstulum. Ég sé nú ekki alveg skynsemina í þessu háttalagi því á endanum sitja þessir sömu stjórnendur uppi starfsfólkslausir, þá er orðið of seint að hugsa um hvað hefði betur mátt fara í stjórn. Þessi tiltekna dama hefur oft og iðurlega reddað þessum stjórnanda með því að vinna frameftir mætt á laugardögum o.s.f.v, en þegar dæmið snýst við og það kemur að því að liðka til fyrir henni þá situr allt fast. Sem betur fer eru þó enn til fyrirtæki af gamla skólanum þar sem mannlegi þátturinn hefur vinninginn, en þeim fer fækkandi því mi...

..::Hver drekkur sjó??::.. Hann hefur marga fjöruna sopið!, þetta heyrir maður nokkuð oft í fjölmiðlum upp á síðkastið, eðlilega myndgerir maður það sem maður heyrir. Í mínu tilfelli tengdi ég þetta lífsreynslu eða einstakling með mikla reinslu, einhver sem er hokinn af reinslu eins og sagt er. En þar sem ég kunni ekki til hlítar skil á hugtaki þessu þá sá ég fyrir mér einhvern húkandi á hnjánum í fjöruborðinu drekkandi sjó, það er náttúrulega engin glóra í því. Allir vita að sjór er nánast ódrekkandi hehe ;). En við nánari eftirgrenslan í viskubrunn samferðamanna minna var ég leiddur í sannleikann, auðvitað er átt við lífsreyndan mann, það var rétt hjá mér. Þarna er vitnað í það þegar litlum árabátum var brimlent við misjafnar aðstæður, oft lentu þá skipverjar í sjónum og supu sjó í baráttunni við lífið sjálft. Sumir höfðu lent í þessu oft og víða, sem sagt marga fjöruna sopið :), ekki svo flókið þegar þetta er sett í rétt samhengi. En þetta vill nú oft fara út um læri og maga hvernig...

..::Hjarðdýr::.. Ekki mikið að frétta af okkur annað en að slagurinn um þessa fáu fisktitti sem hér svamla er frekar snúinn, lítið hefur farið fyrir dreifingu og hanga flestir í afturendanum á þeim næsta, kannski af því að við erum svo mikil hjarðdýr eins einn félagi minn orðaði það þegar við fórum að spá í þessu. En ég held að það sé komin tími á að maður dreifi sér eitthvað ;), þefi út fyrir hópinn. Af dælumálum er það að frétta að einhver teikn eru á lofti um að þessi dæla sé kannski til einhverstaðar en meira veit ég svo sem ekki, en þetta fyllti okkur samt von, von sem nánast var horfin, og það er aldrei að vita nema þetta hafist á endanum ;). Mynd dagsins er af dæmigerðum hjarðdýrum. Þetta verður ekki lengra núna. Munið svo að fara varlega í hálkunni........................

..::Allweiler my ass::. Nýjustu pumpufréttirnar voru ekki góðar. Fyrirtækið sem smíðar glussapumpurnar sem eru hérna um borð gefur sér fimm mánaða afgreiðslufrest á nýrri glussapumpu til okkar, maður getur lítið annað sagt annað en hvað er eiginlega í gangi? femm mánuðir. Þetta heimsþekkta fyrirtæki fær falleinkun hjá mér, og ég er ekki alveg að skilja þetta. þetta þarf samt ekki að þíða dauðadóm fyrir okkur því vonandi er einhverstaðar til ein svona dæla sem getur bjargað okkur, þangað til verðum við eins og halta Lotta og staulumst áfram í lífsins ólgusjó haltir og særðir. That´s all folks Mynd dagsins er af pumpu, hún er ekki samskonar og sú sem bilaði hjá okkur en mjög svipuð :). Vona svo heitt og innilega að Guð styðji við ykkur í hretvirði lífsins.

..::Þorramatur::.. Frekar rólegur dagur á hafinu hjá okkur, en það sem lýsti upp annars daufdumbann dag var ísinn í hádeginu. Það er alltaf ís á sunnudögum, ekki það að ég hafi verið neitt sérstaklega hrifin af ís í gegn um tíðina en þetta er ágætis tilbreyting. Gummi spretti úr spori á tuðrunni og náði í kortin í nýju afruglarana yfir í Kristínu og svo Alexander Simrad sérfræðing yfir í Heineste. Að venju var Gummi fljórur í förum og dró ekkert af sér í hraðakstrinum, sumir vilja meina að það sé óþarfa bruðl að vera með stiglausa inngjöf á mótornum, Gumma myndi alveg duga fullt og stopp. Eins og flestir mörlandar eru uppvísir um hefur gengið yfir alda þorrablóta undanfarið og sitt sýnist hverjum um þau matföng sem þar eru fram borin, persónulega finnst mér þetta flest alveg ágætt, svona einu sinni á ári. Ég er ekki viss um að ég væri til í að éta þetta upp á hvern dag en auðvitað er það mín skoðun. Sonur minn segir t.d að hann skylji ekki af hverju það þurfi alltaf að hampa þessu óæti...

..::Það er ekki öll vitleysan eins::.. Jæja þá eru við komnir suður, þetta fór ekki eins og í laginu með Bubba þar sem hann söng "aldrei fór ég suður", við silgdum suður í allan gærdag og stoppuðum ekki fyrr en við vorum komnir suður fyrir Nouakchott. Sjálfsagt sér einhver húmorinn í þessu og pundar á mig "aldrei fór ég austur", en ég er búin að ætla austur á Eskifjörð í hverju einasta fríi síðastliðin tvö ár en hef ekki enn komið því í verk ;), það er samt á teikniborðinu og stefnir í að verða að veruleika fyrr en seinna, ekki orð meira um það. Það virðist vera að okkur hafi tekist að hrista af okkur skemtikraftinn sem lagðist upp á okkur eins og hreppsómagi þegar við yfirgáfum Nouadhibou, gott að vera lausir við hann, enda var hann með endæmum leiðinlegur og með óskiljanlegan húmor. Skipin voru öll í einum hnapp í dag og gekk mönnum misjafnlega að lokka fiskkvikindin í veiðarfærin. Ég var á tímabili farin að trúa því að fína Sauðalitaspjaldið sem ég keypti á bondi...

..::Nú skemmti skrattinn sér!::.. Seint í gær náðum við loksins að lalla af stað burt frá Nouadhibou við almennan fögnuð áhafnarinnar sem var satt best að segja búin að fá nóg af þessari bið. En Adam var ekki lengi í Paradís því það var sem sá svarti með klaufirnar og halann hefði slegist í för með okkur og ekki annað að sjá en hann ætlaði að skemmta sér. Við náðum ekki að koma trollinu í hafið áður en kapalinn á báðum kapalspilunum var slitinn og annað trollsónarinn komin í döðlur. Það var ekkert annað að gera en að spila trollið inn á dekk og bíða meðan við sleiktum sárin og reyndum að koma einhverju lagi á þetta dót. Á endanum hafðist svo trollið út og þá gekk ágætlega að ljúga einhver kvikindi í pokann, en það var sýnd veiði en ekki gefin því þegar við hífðum kom gat á pokann og megnið af aflanum bunaði aftur í hafið :(. Ofan á allt þetta bras er svo farin hjá okkur spildæla sem gerir það að verkum að við erum eins og hænan hans Emils í Kattholti sem kölluð var halta Lotta, það má ...

..::Komin á hafið aftur::.. Jæja þá er fríið uppurið og ég er komin á hafið aftur, kom um borð í fyrradag eftir hundleiðinlegt og þreitandi ferðalag, flogið var Kef-Köben-Madrid-Las Palmas og svo áfram Las Palmas-Dakhla. Sirius beið eftir okkur í Dakhla nýbúin að landa og klár til brottfarar, en úthaldi í lögsögu Marocco var að ljúka og silgdum við beina leið niður til Nouadhibou í Máritaniu, þar tókum við mannskap og tilheyrandi leyfi. Einhvert basl var á spilkerfinu og var verið að skipta um rör og laga leka á spildælu, því var ekki lokið fyrr en seint í gærkvöldi og þá átti eftir að fylla á glussakerfið og loftæma það. Eftir miðnætti mætti svo olíudallur sem við spyrtum okkur við og erum í þessum töluðu orðum að ljúka við að sjúga úr honum eina miljón lítra af svartagullinu, vonandi sleppum við fljótlega af stað því þetta er orðið ágætt af töfum í bili. Annað er ekki í fréttum héðan í bili. Mynd dagsins var tekin í gær og skýrir sig sjálf. Bið svo Guð og gæfuna að vaka yfir sálum yk...

..::Nýr bíll og fl skúbb::.. Já það er alltaf eitthvað að gerast hjá okkur en ég er ekki mjög duglegur að uppfræða ykkur um það sem er í gangi. Fyrir viku síðan síðastliðin fimmtudag flugum við hjónin suður og sóttum nýjan bíl sem við vorum að kaupa, dillandi fínan Nissan Qashqai. Við notuðum tækifærið og skruppum suður í Garð og heimsóttum Pabba og Mömmu og vorum þar í mat á fimmtudagskvöldinu, þar hömsuðum við í okkur þessar líka fínu Hreindýrabollur ala mamma sem smökkuðust alveg svakalega vel, á eftir var svo terta sem toppaði bollurnar ;). Við kíktum í Lindarbergið til Haddó og Gunna um kvöldið. Föstudagsmorgun fórum við aðeins til Dóru ömmu á Vífilstöðum áður en haldið var norður yfir heiðar. Það gekk fínt norður, við stoppuðum aðeins á Þorfinnstöðum hjá Jobba, Kibbu og grislingunum í leiðinni. Klukkan var farin að ganga ellefu á föstudagskvöld þegar við loksins komum heim. Laugardag og Sunnudag tókum við Rúnar frá í hjólasportið og var farið vítt og breitt um fjöll og dali á hja...

..::Út og suður::.. Ég átti yndisleg jól í faðmi fjölskyldunnar, að vísu svolítið seinn heim fyrir jólin en það hafðist allt enda nánast allt orðið klárt ;). Þetta jólahald hefur einkennst af áti og rólegheitum, svona eins og Jól eiga að vera. Milli jóla og nýárs brunuðum við suður til að eyða áramótunum með Hönnu Dóru og hennar fjölskyldu, það var gaman að kynnast Hauk og Örnu aðeins betur og áttum við góðan tíma saman, veðrið hefði mátt vera betra þennan tíma sem við stoppuðum fyrir sunnan en það er ekki á allt kosið. Á nýársdag var boðið í jólaboð hjá stóru systur og hennar fjölskyldu, þar komu saman við systkinin ásamt mökum börnum, mamma og pabbi voru mætt líka. Þetta var reglulega gaman því það er ekki oft sem við náum að hittast öll. Annan jan keyrðum við svo heim, vorum við komin upp í miðjan Borgarfjörð þegar það lægði og hætti að rigna svo við keyrðum í blíðuveðri það sem eftir var af leiðinni kærkomin veðurbreyting eftir rokið og rigninguna fyrir sunnan ;). Ég er búin að ver...

..::Gleðileg jól öll sem eitt::.. Það var komið fram á kvöld nítjánda des þegar ég loksins komst heim fyrir þessi jól, mikið var gott að koma heim ;). Síðust jól hjá mér voru á hafinu en núna er komið að mér að vera heima ;). Það var náttúrulega búið að gera mest allt sem gera þarf fyrir jólin svo þetta hefur bara verið rólegt hjá mér, má segja að ég hafi komið heim af sjó í frið og ró. Annars fór 20 í að redda jólagjöfunum. 21 þá byrjaði ég á að setja nagladekkin á aukafelgurnar fyrir hjólið, svona ef það myndi frysta og gerði hjarn, svo var brunað í bæinn og keypt eitthvað að éta fyrir hátíðirnar, það fór dagurinn í það :). Í gær var svo mjög rólegt, ég þvoði bílinn og skipti svo um olíu á hjólinu, þurfti náttúrulega að fá mér smá rúnt til að velgja olíuna á mótornum áður en ég lét hana buna af. Guðný fékk einkunnirnar út úr fjarnáminu í gær, má ég til með að monta mig aðeins yfir frúnni því hún tók þetta upp á 10 eins og henni einni var lagið, hún er á réttri leið og ef hún heldur á...

..::Loðberjaklipping::.. Oft eru það smáu atriðin í lífinu sem gefa því lit, atriði sem við gefum ekki gaum og leifum okkur ekki að sjá skondnu hliðarnar á. En eins og einn vinur minn orðar það þá hefur hver sérstakur maður sína sérstöku siði og misjafnt hvernig við sjáum lífið, sumir eru svarthvítir á meðan aðrir eru í lit ;). Loksins í nótt lauk þessari löndun sem við erum búnir að vera að pjakka í, að vísu erum við ekki bara búnir að landa því við dældum líka um borð einni miljón lírum af svartagulli. Í dag var það svo Yaiza "ex Sjóli", hún kom með umbúðir og vistir handa okkur og vorum við að basla við það fram á kvöld. Meðan við vorum að basla með Yaizu fékk ég þá frábæru hugdettu að skella mér í Jólaklippingu, þriðji stýrimaður klippti mig um daginn og það var svona assgoti fínt hjá honum, einhverjir myndu kalla svona klippingu loðberjaklippingu “kivi” en ég kalla þetta bara snoðun. En hvað um það ég talaði við þriðja stýrimann og spurði hann hvort hann væri til í að sn...

..::Smá fréttaskot::.. Komum á leguna utan við Dakhla í blíðskaparveðri um miðjan dag í gær, byrjuðum á því að múra við Cool Girl, en það er fraktdallurinn sem tekur aflann af okkur núna. Þetta gengur allt sinn vanagang hérna og eru ekki miklar breytingar milli fraktskipa aðrar en bómuútbúnaður lúkur og þessháttar. Hérna í Marocco skiptir veðrið mun meira máli en í næsta lýðveldi sunnanvið, það er oft sláttur á þessu hérna og kemur fyrir að það er illmögulegt að eiga við þetta vegna veltings og tilheyrandi brasi með slitna enda og fl, en engin rós er án þyrna eins og hundurinn orðaði það svo vel þegar hann nauðgaði broddgeltinum ;). Í gærkvöldi grétu himnarnir yfir okkur, er það í eitt af fáum skiptum síðan ég fór að stunda sjómennsku hérna niðurfrá, rigning er ekki algeng og bera aðstæðurí landi þess glöggt merki að hér rignir nánast aldrei, ekkert að sjá nema sand og skrælnaðan gróður. Nú styttist úthaldið hjá okkur hratt ekki nema sex dagar eftir um borð. Mynd dagsins er af Vírusi, ...

..::Komin tími til að skrifta::.. Fyrst á dagskrá er að minnast aðeins á gæludýrið okkar. Vírus hefur það eins og blóm í eggi, það er fjöldi mans tilbúin í að knúsa hann og klappa honum þegar hann vill. Hann getur étið eins og hann í sig getur látið hvenær sem hungrið kallar, og hefur ekkert annað að gera en kúra og láta sér líða vel. Sennilega hefur greyinu ekki órað fyrir þessu sældarlífi þegar þær mæðgur “Melkorka og Magný” sóttu hann á upptökuheimilið á Palmas fyrir rétt tæpu ári. Nú er það nýjasta að við breiðum alltaf yfir hann teppi þar sem hann kúrir, það finnst honum alveg rosalega gott ;). Það styttist óðfluga í fríið hjá okkur og nú ættu bara að vera tíu dagar eftir, annars líður þetta svo hratt að við verðum komnir heim áður en maður veit af. Það er samt ekki hægt að segja það að það sé komin nein jólastemming í okkur enda ekki mjög jólalegt um að litast hérna, helst að jólalögin í útvarpinu minni okkur á hvaða tími ársins er. En útvarp er á þessum síðustu og verstu tímum o...