..::Faraldsfótur::.Það er ekki hægt að segja annað en að ég hafi verið á ferðinni undanfarið ;).
Síðastliðinn fimmtudag brunuðum við Hjördís suður til Reykjavíkur og vorum komin í bæinn um sjöleitið um kvöldið.
Kvöldinu eyddi ég í fundarhald og gisti svo nóttina hjá litlu systur ;). Fyrripartinum af föstudeginum eyddi ég svo í útréttingar og spádóma, en brunaði svo norður seinnipartinn og var komin til Dalvíkur klukkan 7:30 á föstudagskvöld.
Bjarki Fannar var í helgarheimsókn hjá okkur og hann og Einar Már voru búnir að hertaka plássið mitt í hjónarúminu ;).
Klukkan 08:00 á laugardagsmorgun var ég svo komin á lappir og farin að búa mig undir ferðalag austur á Eskifjörð.
Klukkan 08:30 brunaði ég svo af stað austur í blíðuveðri, á fjöllunum var örlítil hálka snjóföl yfir öllu og keyrði ég fram á Hreindýrahóp sem var að kroppa við veginn, þar stoppaði ég og smellti nokkrum myndum af dýrunum en hélt svo áfram.
Ég var komin niður á Eskifjörð klukkan 11:30 og þá passaði til að hele familien var búin að stuffa gáminn svo að ég þurfti nánast ekkert að gera ;).
Deginum var svo eytt í ýmist stúss og upprifjanir, það er ekki svo oft sem öll fjölskyldan kemur saman ;). Thelma, Júlli, Daníel, Hanna Dóra og Gunni voru öll mætt í útburðinn. Það virðist alltaf vera af nógu að taka þegar við hittumst og yfirleitt er verið að rifja upp einhver skammar/prakkarastrik sem ég hef framkvæmt.
Það er endalaust hægt að rifja upp eitthvað sem ég er náttúrulega löngu búin að gleyma ;) en þetta er yfirleitt nokkuð broslegt og gaman að rifja þessa vitleysu upp.
Mér datt nú Emil í kattholti í hug þegar þau fóru að tala um að ég hefði einu sinni fest höfuðið bakvið baðkarið og pabbi hefði verið óratíma að skrúfa í sundur til að ná mér úr prísundinni, að vísu festi Emil bara súpuskál á höfðinu en ekki baðkar ;);););).
Um kvöldið var svo allri ættinni boðið í mat hjá Báru og Kidda. Þangað var búið að hóa saman restinni af Hólmara ættinni sem býr á Eskifirði, það var ofsalega gaman að hitta allt þetta fólk og borða með þeim þennan frábæra mat.
Auðvitað var hægt að draga fram nokkur gömul fyndin skammarstrik, meira að segja pabbi slapp ekki þetta kvöldið ,).
Eftir matarboðið hitti ég Stjána og Kalla Bóasar en þá hef ég ekki séð í þúsund ár, við Stjáni vorum bekkjarfélagar í gamla daga og var mikið gaman að sjá hann aftur, það hefur nú einhvern vegin verið þannig að samband við fyrrverandi bekkjarsystkin hefur verið núll og á það nánast við allan hópinn, og er það nokkuð fúlt því að ég er viss um að það mætti draga urmul af gleymdum skammarstrikum fram í dagsljósið ef hópurinn kæmi saman ;).
Sunnudagsmorgun var ég svo ræstur klukkan 07:30 við hanagal í einhverjum klukkufjanda sem ég ætlaði aldrei að finna og þagga niður í, þessa hanagalsklukku hafði móður mín falið úti í glugga til að hrekkja mig blásaklausan og syfjaðan, það þarf svo sem engin að undrast þótt ég hafi átt það til að gera einhver prakkarastrik sem barn og unglingur, móðir mín er ekki vaxsinn upp úr þessu ennþá "sem betur fer" ;).....
Ég drattaðist svo á lappir um átta leitið og fékk mér morgunkaffi og gerði mig kláran í ferðalagið norður. Klukkan níu pikkaði ég svo Gunnhildi upp hjá Kidda og Báru en hún fékk far með mér norður í Garð í Mývatnssveit, þar sem Súsanna var að halda upp á ??ára afmælið sitt. Þangað var gaman að koma og þegar allur hópurinn var mættur var farið að rifja upp gömul skammarstrik sem að aðilar í ættinni höfði framkvæmt á sínum yngri árum, auðvitað var dregið upp eitthvað sem ég hafði brallað og var Pétur frændi óvenjuminnugur á atriði sem ég var löngu búin að gleyma.
Eftir tveggja tíma stopp í Garði drattaðist ég svo af stað heim.
Mikið var gott að komast heim eftir allt þetta flandur ;););).

Vonandi vakir svo himnaföðurinn yfir sálum ykkar og leysir úr þeim vandamálum sem ykkur mæta, það er víst nóg af þeim alla daga.
Gefist ekki upp og munið að það er alltaf ljós einhverstaðar ef vel er að gáð ,).
Guð veri með ykkur..................

<°(())>< Hörður ><(())°>








Ummæli

Nafnlaus sagði…
tramadol online buy ultram online uk - best place buy tramadol
Nafnlaus sagði…
phentermine cost buy phentermine online cheapest - phentermine headache
Nafnlaus sagði…
buy phentermine phentermine hydrochloride buy online - online doctor prescription phentermine

Vinsælar færslur af þessu bloggi