..::Lífið heldur áfram :)::..
Ha jú ég lifi enn hehe, en hef ekki verið í neinu stuði til að sitja yfir tölvunni og blogga svo hún hefur mestmegnis rykfallið það sem af er fríi.
Við héldum upp á fertugsafmælið mitt á pallinum um daginn og varð hið ánægjulegasta kvöld, það mætti fullt af fólki og komu allir færandi hendi svo þetta var eins og á jólunum hjá mér, mikið af pökkum að opna og agalegt stuð.

Um síðustu helgi var svo starfsmannagleði hjá vinnustað Guðnýar "Dalverk", en það brunaði allur hópurinn í Vaglaskóg þar sem helgin var tekin með trompi, við vorum með fellihýsi frá Sigga í Ásvídeó svo það væsti ekki um okkur.
Á laugardeginum hjóluðum við Rúnar inn Hjaltadal eins langt og vegslóðinn leifði og var það mjög skemmtilegur túr, þarna á enda slóðans er þetta líka fína gangnamannahús sem var reist 2004 og er það bara eins og fínasti sumarbústaður.
Á laugardagskvöld var svo grillað í skóginum og chillað fram á rauða nótt ;).
Við rúlluðum heim um miðjan sunnudaginn og var veðrið alveg frábært, að vísu sólarlaust en heitt og lygnt.

Mánudagsmorguninn skutlaði ég Rúnari og Arnari fram í Grænuhlíð, og auðvitað var hjólið tekið með, hvað annað.
Við Rúnar renndum upp á Hólafjallið og inn eftir því meðan flaut, en það var þó nokkur aurbleyta enn þarna uppi svo við snérum við þegar það leit út fyrir að færið yrði verra.
Á bakaleiðinni tókum við smá útúrdúr og þræluðumst út eftir fjallinu út á hausinn ofan við Grænuhlíð, þar taldi Rúnar að ekki hefðu komið vélknúin farartæki fyrr nema þá kannski snjósleði.
Þetta var ágætisæfing og alltaf gaman að fara eitthvað nýtt.

Í gær og dag hefur svo verið skítakuldi og vindsperra að norðan svo maður er lítið í útivistinni núna.

Þá verður þetta ekki lengra í bili.
Bið Guð og gæfuna og vaka yfir ykkur hvar sem þið eruð niðurkomin.