..::Sól sól skín á mig......::..
Það þarf ekki að kvarta undan veðrinu þessa daga sem ég er búin að stoppa heima núna, maður er steiktur eftir hvern dag.
Ég hjólaði fram allan Svarfaðardal í gær og eins langt upp í heljardalsheiðina og snjóalög leifðu, enn vantar nokkuð upp á að það verði fært upp á heiðina en það verður líklega komið þegar maður kemur úr næstu útlegð.

Í morgun renndi ég með hjólið í fóstur og fór svo og keypti óværueitur á runnana, blandaði það svo eftir kúnstarinnar reglum og hapði það sterkt, úðaði svo allan trjágróðurinn á landareigninni, ásamt því að restarnar fóru á runnaþyrpingu nágrannans.
Ég ætla svo að vona að blessaðir ormarnir hafi svifið inn í eilífðina á kvala eða slæmsku, svona eins og dópistar sem hafa fengið náðarsprautuna.
Það er nóg af sumarstússi sem maður varð að ljúka áður en næsta lota tekur við.

Við brunuðum svo í bæinn eftir hádegi og keyptum netkapal og fl til að koma tengdasyninum í samband við umheiminn.

Í fyrramálið fyrir allar aldir þarf ég svo að fara í flug suður og þaðan til USA þar sem við stoppum eina nótt á leiðinni til Kanada þar sem næsti prammi tekur við með nýjum og krefjandi verkefnum að leysa.
Og ég er ekki byrjaður að moka dótinu niður í tösku enda liggur ekkert á, eða hvað?;).

Það verður sem sagt ekkert meira í bili héðan úr blíðunni, en ég ætla að reyna að sinna þessu úr prammanum.

Köttur úti í mýri, setti upp á sig stýri, úti er ævintýri.

Ég ætla að vona að lukkudísin fylgi ykkur í hverju fótmáli, hverju andartaki, og veröldin brosi sínu breiðasta framan í ykkur öll.