..::Styttist í brottför::..
Jæja þá dregur loks til tíðinda hjá mér, það er ekki enn búið að breyta fluginu mínu á morgun svo að ég geri ráð fyrir því að ég troðist inn í flyggvarann í fyrramálið og fljúgi suður á bóginn eins og farfuglarnir sem nú eru að yfirgefa mörlandann.
Dagurinn hefur verið eins og flestir aðrir dagar, ég lallaði til Gumma í morgun og flutti öll gömlu plottergögnin af floppy diskettunum yfir á cd, þetta var orðið á 60diskum þ.e.a.s fyrir Turbo, það þurfti að vingsa út það sem var eins og henda öðru, þetta tók minni tíma en ég átti von á en Kalla litla fannst þetta taka mun meiri tíma en mér ;), hann beið eftir tölvunni og spurði oft hvort ég væri ekki að verða búin :).
Þar sem ekkert floppy drif var í okkar tölvu þá þurfti ég að leita á náðir þeirra feðga með afnot af tölvu til þess að þessi flutningur yrði framkvæmanlegur.
Jú ég lét skipta um olíu á bílnum smyrja allt og yfirfara, en það hafði dregist aðeins fram yfir ráðlagða vegalengd milli olíuskipta.
Hjördís kom svo heim í kvöld til að hitta vinkonurnar en fer inneftir aftur á morgun.
Í kvöld kláraði ég svo að ganga frá draslinu mínu.
Herr Guðmundur Áskels ætlar svo að keyra mig í flug í fyrramálið.
Jamm og jæ þetta er það sem á minn dag dreif.
Nú fer sjálfsagt að verða lengra á milli blogga en ég reyni kannski að sinna því ef ég kemst í tölvu.
Bið Guð og gæfuna að fylgja ykkur, og munið að vera áfram þæg og góð........:)