..::Kisi fer það sem hann ætlar sér::..
Jæja þá erum við búnir að ná myndum af sjókettinum okkar á leið upp á brúna.
Það er eitthvað ólag á myndasíðunni svo ég kemst ekki inn á hana :(, en ég set myndirnar af Vírusi bara hérna inn á bloggið.

Fyrir þá sem hafa gaman af því sem er að gerast hérna niðurfrá þá vil ég benda ykkur á síðu sem þeir á Janusi halda úti af miklum myndugleika, http://janusbru.wordpress.com/ Janus er systurskip Síriusar og Geysis ásamt nokkurra annarra af sömu gerð, ég veit ekki hvað þau voru mörg í upphafi þessi skip en því miður hafa þrjú þeirra orðið eldi að bráð.

Annars er ekki mikið að frétta af okkur hér er allt við það sama.

Ummæli

Nafnlaus sagði…
Viðvaranir sem ættu að vera á bjórumbúðum
VIÐVÖRUN: Neysla áfengis er aðalástæða þess að þú ferð að dansa eins og hálfviti.
VIÐVÖRUN: Neysla áfengis getur leitt til þess að þú ferð að segja sömu leiðinlegu söguna aftur og aftur þangað til að félagar þínir vilja drepa þig.
VIÐVÖRUN: Neysla áfengis getur leitt til þess að þú segir hluti eins og þessa setningu.
VIÐVÖRUN: Neysla áfengis getur fengið þig til að trúa því að fyrrverandi elskhugar séu ennþá æstir í þig þegar þú hringir í þá klukkan fjögur að morgni.
VIÐVÖRUN: Áfengisneysla getur leitt til þess að þú getur ekki hætt að hugsa um hvað kom fyrir buxurnar þínar.
VIÐVÖRUN: Áfengisneysla er aðalástæða fyrir óútskýranlegum blettum á enninu.
VIÐVÖRUN: Áfengisneysla getur fengið þig til að halda að þú sért fallegri og gáfaðri heldur en eitthvað vöðvabúnt sem er við hliðina á þér.
VIÐVÖRUN: Áfengisneysla getur fengið þig til að halda að þú sért ósýnilegur.
VIÐVÖRUN: Áfengisneysla getur gefið þér þá ragnhugmynd að fólk sé að hlæja MEÐ þér.
VIÐVÖRUN: Áfengisneysla getur leitt til andremmu sem getur drepið hrægamm í 100 kílómetra fjarlægð.
VIÐVÖRUN: Áfengisneysla getur leitt til þess að þú segir yfirmanninum þínum hvað þér finnst Í ALVÖRUNNI á meðan þú ert að ljósrita rassinn á þér í jólaboðinu.
VIÐVÖRUN: Neysla áfengis getur leitt til þess að þú sjáir eitthvað hræðilegt (af óþekktri tegund/með óþekkt nafn) þegar þú snýrð þér við í rúminu.
10:12 f.h.
Nafnlaus sagði…
Góður, hef þetta í huga næst þegar ég gleipi eldvatn :).
11:19 f.h.
Nafnlaus sagði…
Hæ, ég ætla nú ekki að vara við neinni bjórdrykkju, enda væri ég þá á rangri hillu!
Ég vildi bara fræða þig um VIGO skipin svokölluðu, en þau voru 15 í upphafi og smíðuð í Vigo og Gijon á Spáni. Hafa 4 þeirra brunnið að ég hef heyrt, þau eru Gijon, Sozidanie, Sotrudnichestvo (Hercules) og ég man ekki nafnið á einu.
Bestu kv. frá part of Janusar Team
3:29 e.h.
Skrifa ummæli

Vinsælar færslur af þessu bloggi

..::Sixty five::.. Það markverðasta við þennan drottins dag er að í dag er pabbi sextíu og fimm ára og óska ég honum hér með til lukku með daginn. En svo við snúum okkur nú að alvörunni þá held ég að ég geti staðfest að dagurinn í dag er ekki fiskidagurinn mikli, og verð ég að bregða fyrir mig færeyskunni til að lýsa ástandinu “eyngull í reif”. En veðrið er gott og við höfum nóg að bíta og brenna. Vélstjórunum berast sífellt fleiri og fleiri þrautir til úrlausnar og sýnist mér að það sé aðal hamingjuefni skútunnar ef hún getur haldið þeim kófsveittum og örvæntingarfullum ;), smekklegt innræti það, en við erum víst misjafnlega innréttuð. Sólin hefur bakað niður í allan dag og áhöfnin hefur þurft að hlaupa um í logninu til að ná nógu súrefni úr andrúmsloftinu, já þetta er þriðji góðviðrisdagurinn sem heiðrar okkur með nærveru sinni í röð. Nú er ég uppiskroppa með enskunámsefni svo að ég smelli inn nokkrum vögguvísum í staðinn ,).............. Fljóð er vissu komu karls kvað við...
Lesa meira
..::Spurning::.. Það hefur alvarlega verið að banka upp hjá mér undanfarið hvort ég ætti kannski að fara að blogga aftur, en með því að fresta því aftur og aftur og hugsa um eitthvað annað, þá hefur mér tekist þokkalega að bægja þessum hugsunum frá ;).
Lesa meira
Mynd
..::Pósturinn:::.. Þá er það pistilinn :). Undanfarna daga hefur verið þokkalegt rjátl svona heilt yfir held ég, oftar en ekki hefur flotinn verið eins og mý á mykjuskán. Það má alltaf sjá eitthvað gott út úr öllu ef vilji er til, þessi samþjöppun varð t.d til þess að póstflutningar hafa gengið með besta móti og erum við nánast orðnir uppiskroppa með póst, eigum bara einhverja bréfsnepla eftir í þrjú skip. Gunnsteinn á Ölphu kom og sótti þeirra póst og tók eitthvað fyrir aðra í leiðinni, það var hvalreki á fjörur okkar að fá Gunnstein, hann lék við hvurn sinn fingur og fór á kostum í frásögn og leiktilburðum. Svo mættu Geysismen og tóku sinn póst, þá var farið að gola aðeins svo við létum póstinn síga niður til þeirra og slepptum upphífingu, hefði verið gaman að fá þá í heimsókn en það verður ekki við öllu séð. Í fyrrakvöld fékk ég að heyra sögu sem hreinlega bjargaði deginum ef ekki bara vikunni, með skemmtilegri sögum sem ég hef heyrt lengi, hún tengdist heimahögunum að austan, nánar...
Lesa meira