..::Fjölgaði um einn í dag::..
Ok þá er komið að framhaldssögunni.
Vírus ákvað að taka daginn snemma og sóla sig enda er veðrið með eindæmum gott í dag, tilvalið veður til afslöppunar.
Um miðjan dag var ég farin að sakna kisa og prílaði upp á brú til að athuga hvort hann væri nokkuð staddur þar.

Ég sá Vírus hvergi en í staðinn mætti ég einstaklega geðvondri eineygðri Súlu sem sat þarna uppi í eigin skít.
Hún orgaði og æpti þegar ég reyndi að nálgast hana svo ég sá mér ekki fært annað en að halda mig í öruggri fjarlægð.
Ekki veit ég hvort það er þessi tími mánaðarins sem gerir þessa Súlu svona geðvonda eða hvort hún er svona alla daga.
Það var ekki á stefnuskránni hjá okkur að bæta við gæludýri svo að ég setti nefnd í að fjarlægja geðvonskupúkann og henda henni fyrir borð.
Vírus er einstaklega góður og prúður og við tökum ekki áhættuna á því að hann læri einhverja ósiði af þessari útskitnu gargmaskínu sem er upp í brúarþaki í athugunaraugnabliki.

Í dag fékk ég svar við fyrirspurn minni um vefmyndavél hjá Dalvíkurbyggð, til stendur að koma upp myndavél og hlakka ég mikið til að geta kíkt á hana, í bréfinu sem ég fékk stóð eftirfarandi: “Uppsetning vefmyndavélar er í bígerð og verður að öllum líkindum komin upp fyrri part sumars og verður hún staðsett í ráðhúsi með yfirsýn yfir höfnina og kaupfélagssvæðið.” tilvitnun líkur.

Gummi trollari stendur í stórræðum þessa dagana, hann var komin í svo mikinn ham eftir bílskúrsmálunina að hann rykkti öllu draslinu sínu út úr klefanum sínum og er að mála hann.
Klefinn minn er nýttur sem geimsluhúsnæði á meðan þessar stórframkvæmdir ganga yfir, maður þarf að skáskjóta sér inn í svefnklefann því það er allt stútfullt af dóti, ég átta mig nú ekki alveg á því hvar Gummi geimdi allt þetta dót því klefinn hans er ekki mikið stærri en skókassi ;).

Mynd dagsins er af eineygði geðvondri Súlu í síðum saur, einnig eru nokkrar nyjar myndir á myndasíðunni, en hún er aftur farin að virka ;).

Læt þetta duga í dag.
Bið Guð og gæfuna að líta til með ykkur.