..::Smá fréttaskot::..
Komum á leguna utan við Dakhla í blíðskaparveðri um miðjan dag í gær, byrjuðum á því að múra við Cool Girl, en það er fraktdallurinn sem tekur aflann af okkur núna.
Þetta gengur allt sinn vanagang hérna og eru ekki miklar breytingar milli fraktskipa aðrar en bómuútbúnaður lúkur og þessháttar.
Hérna í Marocco skiptir veðrið mun meira máli en í næsta lýðveldi sunnanvið, það er oft sláttur á þessu hérna og kemur fyrir að það er illmögulegt að eiga við þetta vegna veltings og tilheyrandi brasi með slitna enda og fl, en engin rós er án þyrna eins og hundurinn orðaði það svo vel þegar hann nauðgaði broddgeltinum ;).
Í gærkvöldi grétu himnarnir yfir okkur, er það í eitt af fáum skiptum síðan ég fór að stunda sjómennsku hérna niðurfrá, rigning er ekki algeng og bera aðstæðurí landi þess glöggt merki að hér rignir nánast aldrei, ekkert að sjá nema sand og skrælnaðan gróður.

Nú styttist úthaldið hjá okkur hratt ekki nema sex dagar eftir um borð.

Mynd dagsins er af Vírusi, það er ekkert Jólastress í honum.
Setti líka nokkrar myndir inn á myndasíðuna :).

Vona að þið séuð farin að fá í skóinn og bið Guð og alla hans aðstoðarengla að vaka yfir ykkur í Jólastressinu ;).