..::Nýja Dælan::..
Komum út úr löndun seinnipartinn í gær, þetta var einhver leiðinlegasta löndun sem ég hef tekið þátt í, sem betur fer er hún búin og kemur aldrei aftur.
En fátt er svo með öllu illt að eigi boði gott.
Við tókum Yaizu tvisvar í þessu löndunarstoppi, fyrst tókum við kost og varahluti úr henni en svo voru það umbúðir, í varahlutunum var langþráð spildæla.
Það verður nú bara að segjast að ég átti nú ekki von á að þetta dæluhús væri svona útlítandi þótt það væri að koma frá Danmörku, en það var svo sem ekki við öðru að búast þar sem þessi ræfill fannst hjá brotajárnssölu, en þetta er það sem var í boði og þar við situr, vonandi virkar hún ;).
Auðvitað þurfti þetta að vera allt öðruvísi en hitt dæluhúsið, það hefði verið allt of auðvelt ef þetta hefði passað, en vonandi verður vélagengið búið að smíða nýjar undirstöður og snikka þetta apperat til á morgun, svo verður að sjá til hvort þessi Danskættaða dæludama stendur undir þeim væntingum sem við gerum til hennar.

Annars er ekki neitt að frétta héðan.
Hér eru nokkrar nýjar myndir.

Bið svo þann sem öllu ræður og stjórnar að vaka yfir sjúkum sálum ykkar, hvar sem þið eruð niðurkomin.