..::Samtíningur síðustu daga::..
Það er tími komin á nokkrar línur, það er náttúrulega er fullt búið að gerast í lífi mínu undanfarna daga, en því miður er það meira og minna er tínt úr huga mínum, svo ég ætla að reyna að stikla á þeim steinum sem enn standa upp úr minnisþokunni.

Ég set kannski inn einhverjar myndir í kvöld ef ég verð í þeim gírnum :).

Seinnipart á Fimmtudag komu Hana Dóra, Gunni og grislingarnir bílandi sunnan úr Hafnarfirði í helgarheimsókn til okkar.

Föstudagsmorguninn fengum við Gunni okkur smá labb með krakkana, það var þvílíki skítakuldinn, maður var orðin krókloppinn á fimm mín, þessi göngutúr var hafður í styttri kantinum.

Á laugardagsmorgun var loksins komið gott veður aftur og tilvalinn dagur í einhverja útiveru, Thumpinn var settur á kerruna og svo var brunað niður á sand þar sem við burruðum fram og aftur í tvo þrjá tíma, Rúnar og Arnar voru líka mættir svo það var mikið fjör, þetta var eitthvað fyrir Hauk litla frænda og var hann ekkert á því að hætta þessu sandburri, hann var meira að segja tilbúin í að keyra sjálfur einn og óstuddur þótt hann næði ekki einu sinni niður á fótstigin ;).
Eftir sandtúrinn var boðið upp á tertur og gúmmelaði ala Guðný, þegar við vorum búin að troða okkur út af tertum þá fórum við Gunni og fengum okkur smá rúnt á sleðanum.

Sunnudagur, rigningarsuddi og frekar leiðinlegt veður, Haddó of fjölsk yfirgáfu okkur í hádeginu og brunuðu suður, það var frekar tómlegt í kotinu þegar allir voru farnir, aðeins ein snudda merkt Örnu eftir sem minnti á skemmtilega helgi.
Eftir hádegi gallaði ég mig upp, setti hjólið í gang og hjólaði með Rúnari og Arnari fram í Grænuhlíð, það var frekar blautt en ágætis sunnudagsrúntur, ekki amalegt að lenda í vöflum og kaffi í Grænuhlíð :), það var farið að síga á seinnihluta dags þegar við komum til baka 160-170km að baki.

Mánudagur, byrjaði daginn á því að fara með Yaris í umfelgun og skipti svo um olíu á honum, svo fór ég heim og byrjaði að bera í timbrið sem ég ætla að nota í pallinn.
Veðrið var alveg rosalega flott og eiginlega synd að vera að eyða því þetta timburstúss.
En þegar neyðin er stærst er hjálpin næst, ég frétti að Villi væri að spá í sleðaferð og hringdi í hann, jú hann var klár og átti ég að hitta hann eftir korter við skíðaskálann, nú varð að hafa hraðan á og drífa bensín á græjuna í gallan og spóla svo af stað.
Við fórum inn á Reykjaheiði og allan Reykjadalinn og nokkuð vítt um, veðrið var alveg klikkað en færið nokkuð þungt.

Á heimleiðinni þegar við vorum rétt komnir ofan í Böggvisstaðadalinn sagði sleðinn hjá mér stopp og neitaði að fara í gang meira, helv... eftir mikla mæðu í að reina að koma þessu dóti í gang ákváðum við að skilja sleðann eftir og bruna heim, sækja hann frekar í fyrramálið.
Þegar heim var komið kláraði ég að bera í timbrið, illu er best af lokið hehe ;).
Ég spjallaði aðeins við Rúnar og var hann æstur í að fara uppeftir og reina að draga sleðann niður, auðvitað var ég til í það ævintýri og ákváðum við að fara eftir kvöldmat.

Þegar við fórum af stað var komin svartaþoka og sá vart milli augna sér eins og maðurinn orðaði það svo skemmtilega um árið.

Þegar við komum upp úr Löngulautinni keyrðum við upp úr þokunni og upp sól og blíðu, bara smulla þarna uppi. Á dalnum beið sleðinn og fengum við hann fljótlega í gang svo okkur var ekkert að vanbúnaði að keyra heim, auðvitað þurfti að leika sér aðeins og gekk það ágætlega, þangað til græjan hjá mér stoppaði aftur shit! Nú hengdum við hann aftan í hinn sleðann og drógum hann heim á leið, alveg þangað til sleðin hjá Rúnari dreif ekki meir vegna illfæris.

Þá var reynt að gangsetja og viti menn hann hrökk í gang og keyrði sem aldrei fyrr.

Nú var haldið heim á leið og eftir smá skoðunartúr um Böggvisstaðafjallið var keyrt ofan í þokuna aftur og heim.
Ekki veit ég hvað er að bögga sleðann en ég er helst á því að þetta sé eitthvað rafmagnslegs eðlis, en það er sjálfsagt ekkert annað í stöðunni en að láta smella honum í tölvu og stilla hann svo.

Myndirar tók ég á símann minn, Haukur og Thumpinn á sandinum, og svo horft ofan í Eyjafjörðinn í gærkvöldi.

Læt þetta duga núna.
Gangið á Guðsvegum ;).