..::1967 var árið sem......::..
Jú það var akkúrat það sem ég ætlaði að fara að gera, enda hálfskammast ég mín fyrir skriftletina.

Laugardagur. Fermingarveisla í Ólafsfirði, matur mikill og góður, matur sem við tróðum okkur út af.

Sunnudagur. Fermingarveisla á Dalvík og sama uppi á teningnum, matur sem rann ljúflega niður.

Kannski ekki beint diet helgi en það verður tekið á því vandamáli seinna.

Á mánudagsmorgun dreif ég mig í því að klára fléttuna á pallinum og var bara nokkuð snöggur að því, restin af deginum fór svo bara í eitthvað chill, ég fór aðeins á hjólið og þrusaði yfir í Ketilás og til baka, það er alltaf gaman að renna yfir Lágheiðina og fljótin á hjólinu.

Í gær var svo aftur komin vinna og skóli svo ég notaði morguninn í að raka lóðina og tína upp rusl og drasl sem kom undan vetri, svo tók ég gamla trébotninn úr hjólageymslunni og kom honum í gámana ásamt öðru drasli sem átti þar heima.

Það er á verkefnaskrá á steypa bílaplanið í sumar og því þarf að undirbúa það ferli aðeins.
Í gærkvöldi var svo aðeins unnið í trillunni en hún er í smá pitstoppi núna.

Í dag eru akkúrat 41ár síðan ég mætti organdi í heiminn austur á Eskifirði, ég er ekki alveg að fatta það hvað þetta líður hratt en mér finnst tíminn spýtast áfram, í anda eldist ég ekki neitt en aldurstalan hækkar jafnt og þétt mér til mikillar undrunar ;).

Mynd dagsins er tekin1967, þarna er Jawa 402cc mótorkrosshjól á fullri ferð í braut, greinilega hefur margt breyst.

Þetta verður að duga í dag.
Bið Guð og gæfuna að vaka yfir ykkur hvar sem þið eruð niðurkomin, og munið eftir brosinu og góða skapinu, það er bannvara að gleyma því heima.