..::Frummaður::..
Ég gleymdi alveg að minnast á að í gær blossaði upp í mér frummaðurinn og kafaði ég djúpt í iður frystikistunnar og gróf upp hákarlsbita sem mér áskotnaðist fyrir austan í haust þegar mamma og pabbi voru borin út ;).
Já agalega langt síðan ég hef smakkað hákarl ummm namm, en ég var bara einn um þennan áhuga á fornmetinu á ægisgötu sex, þ.e.a.s fyrir utan Árna sem var í heimsókn ,).
Hvað um það þar sem hákarlinn var frosin þá var ekkert annað í stöðunni en að skera hann niður í teninga setja í krukku og bíða morguns, hann er alveg bragðlaus frosin ;).

Nú svo fórum við og leigðum okkur myndina “Nói albinói” sem mér fannst alveg frábær.
Ef þið eruð ekki búin að sjá hana þá mæli ég með að þið verðið ykkur úti um hana....

Þegar ég svo vaknaði í morgun þá var mitt lán í óláninu að salernið var ekki upptekið.
Ég var með svona líka agalega steinsmugu með tilheyrandi innantökum og vanlíðan.
Heppnin í mér að vera ekki kvefaður, því ég er ekki viss um að ég hefði mátt hósta eða svo ekki sé talað um hnerra. En þetta reddaðist fyrir horn ;).
Ég er svo búin að vera að drepast í maganum í allan dag, með tilheyrandi garna undirspili ;).

Um hádegisbilið var ekki heimasvæðið mitt hjá símneti orðið virkt og eða netföngin sem áttu að vera klár fyrir tveim dögum, svo ég sá mig tilneyddan að hringja í þjónustusímann. Ekki gef ég nú mikið fyrir þessa þjónustu, og ætla mætti að það væri bara einn þjónustufulltrúi á vakt. Hvað sem því líður þá hlustaði ég á “Því miður eru allir þjónustufulltrúar okkar uppteknir eins og er, en símtölum verður svarað í þeirri röð sem þau bárust”. En eftir hálftíma bið náði ég loksins sambandi við þjónustufulltrúa sem svo sannarlega var starfi sínu vaxsin og var strákgreyið eldsnöggur að redda þessu.

En nóg um daginn í dag ;)................

Bið Guð og hans vermdarengla að vaka yfir ykkur og passa ykkur fyrir öllu illu og vondu.


Faðir vor
Faðir vor, þú sem ert á himnum.
Helgist þitt nafn,
Til komi þitt ríki,
Verði þinn vilji, svo á jörðu sem á himni.
Gef oss í dag vort daglegt brauð.
Og fyrirgef oss vorar skuldir,
Svo sem vér og fyrir gefum vorum skuldunautum.
Eigi leið þú oss í freistni,
Heldur frelsa oss frá illu.
Því þitt er ríkið, mátturinn og dýrðin að eilífu.
Amen

<º))))><.•´¯`•. Hörður .•´¯`•.><((((º>