..::Aldrei fór ég suður::..

Þetta fer nú að verða eins og í textanum hjá Bubba forðum “aldrei fór ég suður” en ég er enn staddur á Dalvík og ekki ennþá ljóst hvort eða hvenær ég fer suður.
Nýjasta nýtt er á morgun en það á eftir að koma ljós.

Það er búið að vera rosalega fallegt veður á Dalvík í dag, sólin hefur bakað niður en það er frekar kalt, eða 1-2°C.
Ég sparkaði hjólinu í gang í dag og fékk mér rúnt, og brunaði upp í fjall á harðfenninu.
Harðfennið var ekki alveg nógu hart og afturdekkið orðið full slitið til að gripið væri nægjanlegt, það er því ljóst að það þarf nýtt afturdekk ef meiri snjóreið er fyrirhuguð.

Hjördís er búin að vera lasin heima í dag en Einar hefur aftur á móti lítið stoppað inni, enda gaman að vera úti í góða veðrinu ;).

Meðan ég var að pikka þetta datt inn emil með flugáætluninni, samkvæmt henni fer ég í loftið klukkan 12:10 á morgun þriðjudag 30 mars.
Flogið verður með Fokker50 flugvél ;).
Hafið þið einhvertímann velt því fyrir ykkur hvernig þeir sem eingöngu tala og skilja ensku heyra þetta flugvélarnafn “Fokker=fuck-air!” ekki beint traustvekjandi ;). Og nafnið á flugmannsklefa á ensku er “cocpit” sem í beinni þýðingu yfir á íslensku yrði skaufahola ;). Förum ekki nánar út í hin ýmsu flugvélaheiti.

Mér segir svo hugur að nú leggist niður bloggið einhvern tíma, ég hef trú á að ég verði ekki með beinan aðgang að netinu á meðan á suðurferðalaginu stendur.
En ég reyni að uppfræða ykkur um gang mála ef ég kemst í tölvu.

Læt þetta nægja í bili.

Bið Guð og gæfuna að vaka yfir ykkur.

<º))))><.•´¯`•. Hörður .•´¯`•.><((((º>

Ummæli

Skrifa ummæli

Vinsælar færslur af þessu bloggi

..::Sixty five::.. Það markverðasta við þennan drottins dag er að í dag er pabbi sextíu og fimm ára og óska ég honum hér með til lukku með daginn. En svo við snúum okkur nú að alvörunni þá held ég að ég geti staðfest að dagurinn í dag er ekki fiskidagurinn mikli, og verð ég að bregða fyrir mig færeyskunni til að lýsa ástandinu “eyngull í reif”. En veðrið er gott og við höfum nóg að bíta og brenna. Vélstjórunum berast sífellt fleiri og fleiri þrautir til úrlausnar og sýnist mér að það sé aðal hamingjuefni skútunnar ef hún getur haldið þeim kófsveittum og örvæntingarfullum ;), smekklegt innræti það, en við erum víst misjafnlega innréttuð. Sólin hefur bakað niður í allan dag og áhöfnin hefur þurft að hlaupa um í logninu til að ná nógu súrefni úr andrúmsloftinu, já þetta er þriðji góðviðrisdagurinn sem heiðrar okkur með nærveru sinni í röð. Nú er ég uppiskroppa með enskunámsefni svo að ég smelli inn nokkrum vögguvísum í staðinn ,).............. Fljóð er vissu komu karls kvað við...
Lesa meira
..::Spurning::.. Það hefur alvarlega verið að banka upp hjá mér undanfarið hvort ég ætti kannski að fara að blogga aftur, en með því að fresta því aftur og aftur og hugsa um eitthvað annað, þá hefur mér tekist þokkalega að bægja þessum hugsunum frá ;).
Lesa meira
Mynd
..::Pósturinn:::.. Þá er það pistilinn :). Undanfarna daga hefur verið þokkalegt rjátl svona heilt yfir held ég, oftar en ekki hefur flotinn verið eins og mý á mykjuskán. Það má alltaf sjá eitthvað gott út úr öllu ef vilji er til, þessi samþjöppun varð t.d til þess að póstflutningar hafa gengið með besta móti og erum við nánast orðnir uppiskroppa með póst, eigum bara einhverja bréfsnepla eftir í þrjú skip. Gunnsteinn á Ölphu kom og sótti þeirra póst og tók eitthvað fyrir aðra í leiðinni, það var hvalreki á fjörur okkar að fá Gunnstein, hann lék við hvurn sinn fingur og fór á kostum í frásögn og leiktilburðum. Svo mættu Geysismen og tóku sinn póst, þá var farið að gola aðeins svo við létum póstinn síga niður til þeirra og slepptum upphífingu, hefði verið gaman að fá þá í heimsókn en það verður ekki við öllu séð. Í fyrrakvöld fékk ég að heyra sögu sem hreinlega bjargaði deginum ef ekki bara vikunni, með skemmtilegri sögum sem ég hef heyrt lengi, hún tengdist heimahögunum að austan, nánar...
Lesa meira