..::Ekki lýst mér á það!::..
Jæja þá er maður búin að gera eitt hol á þúfunni og var það í stíl við annað sem hér er í gangi. Eitthvað var varpan fiskilegri þegar hún var snöruð inn síðast þótt ekki aflinn aukist frá því sem var hjá þeim félögum mínum síðast, þó mátti sjá nokkur kvikindi lömuð hingað og þangað í netinu. Það er ekki að heyra annað en hér ríki hin versta ördeyða, og ef eitthvað fæst þá er það bara krill eða ónýtt :(. En það eru alltaf ljósir punktar í þessari baráttu, nýjustu fréttir bleyðunnar herma að nú séu fimmtán Norskir togarar búnir að tilkynna komu sína hingað og af þeim er bara einn sem ekki dregur þrjú troll, það verður því líklega fljótskannað hvort það séu einhver kvikindi hér á annað borð, og þá verða þeir orðnir sautján Norsku tortímendurnir. Ekki veit ég hvort ég á að vera eins harðorður og einn félagi minn, þegar hann sagði að það væri gott á Norðmennina að vera á leið hingað, en vissulega er þetta áhyggjuefni. Í þessum skrifuðu orðum var ég að afgreiða smá sendingu um borð í Eyborg en hún er á leið í land í kvöld, maður heyrði garnagaulið í þeim langar leiðir enda er þeir víst búnir að eta í nefinu á hvor öðrum í einhverja daga, það minnsta sem maður gat gert var að senda þeim mjólk og sykur svona fyrir landleiðina :), en mikið held ég að þeir verði fegnir að komast frá þessari baráttu núna. Og fleira verður ekki í þættinum í dag. Bið Guðs engla að vaka yfir ykkur...............

Ummæli

Vinsælar færslur af þessu bloggi