..::Annar í útvarpi::..
Í dag var annar í útvarpi en þá lauk vélastjórinn við að tengja nýju fínu hátalarana inn á útvarpið, svo sat öll Íslendingahjörðin í sófanum á svipinn eins og garðrollur blindaðar í bílljósum og hlustuðum á fjögurfréttirnar á rás2, það eina sem skyggði á gleðina var þetta hörmulega slys á strandstaðnum sunnan við Sandgerði, en svona er lífið og það eina sem hægt er að ganga öruggur út frá í því er það að einn daginn þá kveður maður þetta tilverusvið og flytur yfir á það næsta.
Annars hefur þessi dagurinn liðið án mikilla kvala hehe, og ekki hefur veltingurinn eða brælan verið að angra mann þennan daginn, en það er búið að vera eins og besta sumarveður hérna í allan dag, spegilslétt og fegursta veður, og ekki þarf að kvarta yfir því að maður sé einskipa hérna því það hefur verið mjög mikið af skipum og bátum á slóðinni í dag, þetta er eins og mý á mykjuskán eða þannig.
Jólanissinn var ekkert betri í bakinu síðustu nótt, en hann burðaðist samt með einn tyggjópakka handa mér, mig er farið að hlakka mikið til aðfangadags því ég held að kallinn sé að spara sig og ætli sér eitthvað stórt þá :).
Myndavélin var á lofti í dag og náði ég að smella einni af Halla vélstjóra þar sem hann var að leggja síðustu hönd á Surroundkerfið í brúnni.
Þetta verður innlegg mitt í dag, bið svo Guð og gæfuna að fylgja ykkur um vandrataða villustíga lífsins, og vona að þið hratið ekki út af í jólastressinu ;).
Í dag var annar í útvarpi en þá lauk vélastjórinn við að tengja nýju fínu hátalarana inn á útvarpið, svo sat öll Íslendingahjörðin í sófanum á svipinn eins og garðrollur blindaðar í bílljósum og hlustuðum á fjögurfréttirnar á rás2, það eina sem skyggði á gleðina var þetta hörmulega slys á strandstaðnum sunnan við Sandgerði, en svona er lífið og það eina sem hægt er að ganga öruggur út frá í því er það að einn daginn þá kveður maður þetta tilverusvið og flytur yfir á það næsta.Annars hefur þessi dagurinn liðið án mikilla kvala hehe, og ekki hefur veltingurinn eða brælan verið að angra mann þennan daginn, en það er búið að vera eins og besta sumarveður hérna í allan dag, spegilslétt og fegursta veður, og ekki þarf að kvarta yfir því að maður sé einskipa hérna því það hefur verið mjög mikið af skipum og bátum á slóðinni í dag, þetta er eins og mý á mykjuskán eða þannig.
Jólanissinn var ekkert betri í bakinu síðustu nótt, en hann burðaðist samt með einn tyggjópakka handa mér, mig er farið að hlakka mikið til aðfangadags því ég held að kallinn sé að spara sig og ætli sér eitthvað stórt þá :).
Myndavélin var á lofti í dag og náði ég að smella einni af Halla vélstjóra þar sem hann var að leggja síðustu hönd á Surroundkerfið í brúnni.
Þetta verður innlegg mitt í dag, bið svo Guð og gæfuna að fylgja ykkur um vandrataða villustíga lífsins, og vona að þið hratið ekki út af í jólastressinu ;).
Ummæli