..::Hvað er að!!!::..
Er ekki komið að því að fara út um víðan völl í villu og svima?.

Byrjum á Hillary Clinton, ég styð framboð hennar heilshugar það væri sennilega eitt það besta sem gæti komið fyrir heimsbyggðina ef hún kæmist í stól Bandaríkjaforseta, ég held að það ætti ekki að vera mjög flókið fyrst vanvitinn Bush komst í þennan eftirsótta stól á sínum tíma.
Miðað við þann skandal sem hann er búin að sýna í þessu embætti mæli ég eindregið með því að heimsbyggðin verðlauni hann með ferðalagi út í geiminn aðra leiðina, sé heldur enga ástæðu til að vera neitt að bíða með brottförina senda hann af stað á morgun.. Mér dettur alltaf í hug Api þegar ég sé myndir af Bush, einhvertímann sá ég grínmynd af þróun mannsins þar sem ferlið frá Apa til manns var gert úr mynd af Apa og Bush. Apinn smá ummyndaðist þangað til hann var orðin eins og Bush, þetta festist á mynniskubbnum í mér hehe og ég sé þetta alltaf fyrir mér þegar þessi morðóði drottnunargræðgis mannapi birtist í fréttum ;).

Og þá að kynferðis og trúarofstækisbrjálæðingum, hvað er eiginlega að?.
Ríkið mokar peningum í allar áttir til trúarofstækisfélaga sem nota þá svo til að uppfylla eigin fýsnir og þrár til sódómu og vannáttúru undir því yfirskini að þar sé verið að hjálpa illa stöddu fólki sem hefur misstigið sig á hálum villustígum undirheimanna.
Það vantar ekki sleipiefnið á kjálkana á þessum vesalings mönnum þegar verið er að væla út fjármagn til frekari landvinninga á veiðilendum perverxismans.
Nýjasta dæmið er pervertinn í Byrginu, það var nú aldeilis hvalreki á hans ónáttúrufjöru að detta niður á þessa Byrgishugmynd, en verslings fólkið sem lenti í vist þar, ég segi bara oboy oboy.
Ég heyrði af myndbandinu sem lenti á netinu og ég verð bara að segja að mig langar ekki mikið til að sjá það, lýsingin á því er ótrúleg og dugir mér fullkomlega, ég hafði samt ekki ímyndunarafl til þess að gera mér í hugarlund hvernig þetta var, þó hélt ég að mig skorti ekki ímyndunarafl.
Kannski að ríkisbáknið hefði frekar átt að styrkja ByrgisPervertinn til kvikmyndagerðar, hann hefði þá kannski getað safnað að sér álíka innréttuðum einstaklingum og þeir gætu þá skemmt sér við tilraunir á hvor öðrum.
En að draga blásaklaust fólk inn í þennan ríkisstyrkta viðbjóð er mér ofviða að skilja, sveiattan og fussum svei.

Jæja þá er ég búin að blása aðeins út ;).
Dagurinn í dag hefur sem og fyrri dagurinn farið í stím, þrif og annan undirbúning sem varðar fyrirhugaða landtöku á Kanarí í nótt.
Þetta er náttúrulega afspyrnu andlaust og leiðinlegt að hjakka áfram eftir himinbláum haffletinum dag eftir dag tíma eftir tíma, en þetta er að hafast hjá okkur og er landtaka fyrirhuguð upp úr miðnætti í kvöld.

Mynd dagsins er svo af vinnslustjóranum þar sem hann liggur og fyllir harðadiskinn af fréttum, ekki er annað að sjá en að hann sé mjög spenntur yfir því sem er að gerast í fréttum.

Já þetta er innlegg mitt í umræðu dagsins, kannski ekki mjög gáfuleg en það verður bara að lifa með því hehe.
Bið og vona að Englar alheimsins vaki yfir ykkur og bægi frá ykkur allri ónáttúru og viðbjóði en hleypi til ykkar kærleika gleði og ljósi, í öllu því magni sem þig getið mögulega tekið á móti.