Það munaði engu að Skódan snjóaði í kaf í nótt :-) en hann rauk í gang í fyrsta starti og malaði eins og hamingjusamur köttur á meðan ég hreinsaði af honum snjóinn.
Það var allt í svipuðum gír hjá okkur í dag, unnið á millidekkinu, autotrollinu, radarnum, ásamt því að strákarnir frá F.A.J komu stýris og GPS málunum í lag.
Einar Gústa heimsótti mig í morgun og Krummi kíkti við, hann ætlar að hafa það af að komast á stað á undan mér bölvaður refurinn, líklega fer hann af stað frá Akureyri á Mánudag þriðjudag.
Við byrjuðum svo að prufukeyra spilin í dag en það voru einhver vandamál með bremsuna á öðru spilinu ásamt því að það vantaði á kerfið og svona smá vandræði eins og vanalega þegar eitthvað er búið að standa eitthvað :-( en þetta er bara svona og ekkert annað að gera en að bretta upp ermar og svífa í að koma þessu í lag.
Það var skítaveður í allan dag fyrir sunnan og var ég nánast viss um að flugið mitt færi í einhverja vitleysu, ég var svo að vinna um borð fram á síðasta séns en þá brunaði ég upp í stangarholt og tók saman draslið mitt hentist í hreina leppa og spólaði út á völl. Ég var komin á völlinn kl 15:45 og var orðin aðeins nerv um að ég yrði of seinn en það sakaði ekki því að það varð 40min seinkun á vélinni, hitti Steina á Bakka aðeins á vellinum hann er alltaf eins :-).
Það var svo eins og koma til útlanda þegar ég lenti á Akureyri en þar var logn og blíða ásamt því að þar var mun hlýrra en í Reykjavík "ne ne ne ne ne :-Þ".
Guðný beið á vellinum og fórum við beint út á Dalvík með smástoppi í Símensbúðinni til að fá nýtt batterí í fjarstýringuna á bílnum.
Það var mikið gott að komast heim “home sweet home”.
Við ætlum svo að liggja yfir imbanum í kvöld og hafa það kósý og gúffa í okkur flögur og nammi..
Nenni ekki að pikka meira í dag.
Bið Guða að passa ykkur ;-).
><°> Hörður <°><