Ekki entist góða veðrið lengi og klukkan níu í morgun var komin suðvestan skítabræla með tilheyrandi velting og gangleysi.
Ekki var það heldur til að auka ánægjuna að helv olíukyndingin fyrir hitan á skipinu bilaði svo að við höfum ekki haft hita né heitt vatn í dag, en vonandi rætist úr því.
Um miðjan dag komst olíuskilvindan af stað svo að þar fór eitt atriðið út 7-9-13 knok knok ;). En þar sem að svo miklar bilanir og verkefni liggja fyrir hafa menn ekki komist í að athuga lekan yfir kojunni minni og var svo komið í morgun að ég mátti fjarlægja dýnuna og alles svo að það færi ekki allt á floti ;( og svo verður maður bara að norpa á bekknum þangað til að tími vinst til viðgerða.
Ég veit ekki hvaða helvítis ófriður þetta er alltaf í þessu veðri en þetta var alls ekki það sem við höfðum gert ráð fyrir, og ef þetta lagast ekki þá verður Erla sjálfsagt vorskipi á Hattinum þetta árið, plotterinn er að tifa á 6-9dögum eftir á miðin ef ekkert breitist. Og ekki auðvelda þessi anskotans læti vélstjórunum lífið frekar en öðrum.
Maður þarf að bíta sig fastan með kjafti og klóm dag eftir dag arrg arrg.
Eimarinn er enn bilaður og er búið að rífa hann allan í spað í dag en engin niðurstaða komin í það enn þá en vonandi finna þeir út úr þessu.
Um kvöldmatarleitið fór svo brennarinn fyrir miðstöðina af stað ;) og var vandamálið bölvuð flotaolían, en það þurfti að hita upp olíuna svo að brennarinn næði að kveikja í henni, Jón var búin að rífa þetta mörgum sinnum í dag og hefði örugglega kosið að nota tíman i eitthvað annað, en svona er þetta bara.
Ég sé mér ekki fært að halda þessu áfram því að dollan veltur svo skelfilega í augnablikinu, %&$#(Ö/)(/%&.......................
Megi guð og gæfan fylgja ykkur.
<°((()>< Hörður ><()))°>

Ummæli

Skrifa ummæli

Vinsælar færslur af þessu bloggi

..::Sixty five::.. Það markverðasta við þennan drottins dag er að í dag er pabbi sextíu og fimm ára og óska ég honum hér með til lukku með daginn. En svo við snúum okkur nú að alvörunni þá held ég að ég geti staðfest að dagurinn í dag er ekki fiskidagurinn mikli, og verð ég að bregða fyrir mig færeyskunni til að lýsa ástandinu “eyngull í reif”. En veðrið er gott og við höfum nóg að bíta og brenna. Vélstjórunum berast sífellt fleiri og fleiri þrautir til úrlausnar og sýnist mér að það sé aðal hamingjuefni skútunnar ef hún getur haldið þeim kófsveittum og örvæntingarfullum ;), smekklegt innræti það, en við erum víst misjafnlega innréttuð. Sólin hefur bakað niður í allan dag og áhöfnin hefur þurft að hlaupa um í logninu til að ná nógu súrefni úr andrúmsloftinu, já þetta er þriðji góðviðrisdagurinn sem heiðrar okkur með nærveru sinni í röð. Nú er ég uppiskroppa með enskunámsefni svo að ég smelli inn nokkrum vögguvísum í staðinn ,).............. Fljóð er vissu komu karls kvað við...
Lesa meira
..::Spurning::.. Það hefur alvarlega verið að banka upp hjá mér undanfarið hvort ég ætti kannski að fara að blogga aftur, en með því að fresta því aftur og aftur og hugsa um eitthvað annað, þá hefur mér tekist þokkalega að bægja þessum hugsunum frá ;).
Lesa meira
Mynd
..::Pósturinn:::.. Þá er það pistilinn :). Undanfarna daga hefur verið þokkalegt rjátl svona heilt yfir held ég, oftar en ekki hefur flotinn verið eins og mý á mykjuskán. Það má alltaf sjá eitthvað gott út úr öllu ef vilji er til, þessi samþjöppun varð t.d til þess að póstflutningar hafa gengið með besta móti og erum við nánast orðnir uppiskroppa með póst, eigum bara einhverja bréfsnepla eftir í þrjú skip. Gunnsteinn á Ölphu kom og sótti þeirra póst og tók eitthvað fyrir aðra í leiðinni, það var hvalreki á fjörur okkar að fá Gunnstein, hann lék við hvurn sinn fingur og fór á kostum í frásögn og leiktilburðum. Svo mættu Geysismen og tóku sinn póst, þá var farið að gola aðeins svo við létum póstinn síga niður til þeirra og slepptum upphífingu, hefði verið gaman að fá þá í heimsókn en það verður ekki við öllu séð. Í fyrrakvöld fékk ég að heyra sögu sem hreinlega bjargaði deginum ef ekki bara vikunni, með skemmtilegri sögum sem ég hef heyrt lengi, hún tengdist heimahögunum að austan, nánar...
Lesa meira