Nóttin hjá okkur var þyrnum stráð og valt dollan alveg ógurlega, er vægt til orða tekið að það hafi verið allt á rúi og stúi í Erlu í morgun.
Í brúnni losnaði skjárinn fyrir standard-C og var flaggarinn víst fastur við hann í fjórar klukkustundir ;) hann þorði ekki að sleppa skjánum og skorti það sem þurfti til að leysa málið á annan hátt, gott að ekkert var á vegi okkar á meðan, einnig slitnaði stólinn fyrir ritvinnslutölvuna upp úr gólfinu en það voru full stuttar stuttar skrúfur sem festu hann.
Það er allt á floti hjá kokknum og plammar hann á stígvélum í konungsríki sínu, en meinið er að það bullar eitthvað upp úr niðurfallinu á veltunni. Svo varð mengunarslys í einni af útstöðvum kokksins (þurrgeimslunni) en þar hafði tæknilókurinn laumast til að geima blekið fyrir stimpilpúðana og ekki vildi betur til en að hálfs líters búsi strauk úr hillunni og ólmaðist á gólfinu frelsinu fegin. Þar ólmaðist hann þangað til hann sprakk, og slettist gumsið úr honum út um allt í þurrgeymslu kokksins. Núna hefur geymslan bláflekkóttan lit og er ekki að sjá á stígvélaða kokknum að hann sé parhrifin með nýja litinn ;).
Langi suðumaðurinn sauð saman rör sem spenna mátti með pakkningu yfir niðurfallið svo að lekavandamálið leystist, og núna er eldhús stígvélaða kokksins eins og súlustaður (stangveiðiklúbbur) vantar ekkert nema stripp dömuna á stöngina ;).
Ég vaknaði upp við að það lak eitthvað í andlitið á mér og var þá einhver lagnasúpa farin að leka í loftinu yfir kojunni hjá mér, líklega er það vegna látanna í krananum fyrir léttbátinn sem reyndi hvað sem hann gat að slíta sig lausan og var slitið í snúningnum svo mikið að ég víbraði í kojunni þegar hann slóst til. Þeir félagar voru ófærir um að strekkja vírinn svo að ég varð að staulast upp á nærhaldinu og strekkja á vírnum með handsnúna spilinu svo að slátturinn hætti ;).
Svo var einhver þarfaleki á eimaranum sem Lettneski vélstjórinn hafði áhyggju af, en langi altmulig suðumaðurinn sauð í gatið, “hvar værum við staddir ef við hefðum ekki Langintes?” samt eru einhver vandræði með eimarann líklega er hann fullur af skít og þarfnast hreinsunar ;).
Einhverjir o-hringir gáfust upp í gasolíuskilvindunni og svo fór í henni driftannhjólið en surprice! Það var til nýtt.
Dagurinn leið svo með vaggi og veltu en seinnipartinn var orðið vindlítið og akvegurinn ekki eins ójafn og í nótt, veðurspáin segir að það verði bongó blíða á morgun, það verður kærkomið eftir allan hristinginn.
Troll-dekk gengið er búið að vera á fullu í að splæsa grandara í allan dag, þeir láta það ekki mikið á sig fá þótt dollan iði aðeins undur þeim.
Megi svo Guð almáttugur vaka yfir ykkur.
<°((()>< Hörður ><()))°>
Í brúnni losnaði skjárinn fyrir standard-C og var flaggarinn víst fastur við hann í fjórar klukkustundir ;) hann þorði ekki að sleppa skjánum og skorti það sem þurfti til að leysa málið á annan hátt, gott að ekkert var á vegi okkar á meðan, einnig slitnaði stólinn fyrir ritvinnslutölvuna upp úr gólfinu en það voru full stuttar stuttar skrúfur sem festu hann.
Það er allt á floti hjá kokknum og plammar hann á stígvélum í konungsríki sínu, en meinið er að það bullar eitthvað upp úr niðurfallinu á veltunni. Svo varð mengunarslys í einni af útstöðvum kokksins (þurrgeimslunni) en þar hafði tæknilókurinn laumast til að geima blekið fyrir stimpilpúðana og ekki vildi betur til en að hálfs líters búsi strauk úr hillunni og ólmaðist á gólfinu frelsinu fegin. Þar ólmaðist hann þangað til hann sprakk, og slettist gumsið úr honum út um allt í þurrgeymslu kokksins. Núna hefur geymslan bláflekkóttan lit og er ekki að sjá á stígvélaða kokknum að hann sé parhrifin með nýja litinn ;).
Langi suðumaðurinn sauð saman rör sem spenna mátti með pakkningu yfir niðurfallið svo að lekavandamálið leystist, og núna er eldhús stígvélaða kokksins eins og súlustaður (stangveiðiklúbbur) vantar ekkert nema stripp dömuna á stöngina ;).
Ég vaknaði upp við að það lak eitthvað í andlitið á mér og var þá einhver lagnasúpa farin að leka í loftinu yfir kojunni hjá mér, líklega er það vegna látanna í krananum fyrir léttbátinn sem reyndi hvað sem hann gat að slíta sig lausan og var slitið í snúningnum svo mikið að ég víbraði í kojunni þegar hann slóst til. Þeir félagar voru ófærir um að strekkja vírinn svo að ég varð að staulast upp á nærhaldinu og strekkja á vírnum með handsnúna spilinu svo að slátturinn hætti ;).
Svo var einhver þarfaleki á eimaranum sem Lettneski vélstjórinn hafði áhyggju af, en langi altmulig suðumaðurinn sauð í gatið, “hvar værum við staddir ef við hefðum ekki Langintes?” samt eru einhver vandræði með eimarann líklega er hann fullur af skít og þarfnast hreinsunar ;).
Einhverjir o-hringir gáfust upp í gasolíuskilvindunni og svo fór í henni driftannhjólið en surprice! Það var til nýtt.
Dagurinn leið svo með vaggi og veltu en seinnipartinn var orðið vindlítið og akvegurinn ekki eins ójafn og í nótt, veðurspáin segir að það verði bongó blíða á morgun, það verður kærkomið eftir allan hristinginn.
Troll-dekk gengið er búið að vera á fullu í að splæsa grandara í allan dag, þeir láta það ekki mikið á sig fá þótt dollan iði aðeins undur þeim.
Megi svo Guð almáttugur vaka yfir ykkur.
<°((()>< Hörður ><()))°>
Ummæli