..::Í þættinum í kvöld er þetta helst::..
Frekar lítið um þennan dag að segja, og rólegt á brautarstöðinni.
Ella Hauks leit aðeins við og svo hrærði húsfreyjan í vöflur lagaði kakó og hafði þennan líka fína sunnudagskaffitíma, það vantaði ekkert nema frú Petrellu(úr Emil) til að þetta yrði eins og fínu kaffiboðin í Kattholti.

Og þessi dama kom og stillti fyrir okkur kassagítarinn, að hennar sögn var hann alveg hrikalega falskur fyrir stillingu, en nú ku hann vera eins og hann á að vera. En hvernig mátti annað vera þar sem eigin í þessari fjölskyldu hefur spilað á svona strengjahljóðfæri ;)...

Eitthvað voru þeir að spreyta sig á snjósleðunum niður við höfn, en þar er búið að setja upp svakafínan ramp til að stökkva á og þar sýndu þeir listir sínar, ekki gat ég séð annað en að þetta nyti mikillar athygli því margir voru komnir til að fylgjast með.
Það er alveg frábært að þessir guttar fái svona aðstöðu til að æfa sig á og fái frið til þess, en því miður virðist víða vera lagður steinn í götu mótorsports oftar en ekki vegna þröngsýni og vanþekkingar, en við höfum ekki þurft að líða fyrir það hérna á Dallas hingað til 6-11-14 bank bank.

Í kvöld voru svo kjúklingabitar ala Guðný, alveg hrikalega gott.....
Eftir kjúllan skuppum við aðeins út á bílnum, hérna rétt fyrir ofan húsið voru þá tvær Rjúpur að kroppa í snjóinn, það hefði sjálfsagt kitlað skottaugarnar í einhverjum veiðimanninum að sjá þessi grey svona nálægt. Það er víst búið að vera mikið af Rjúpu í bænum eftir áramótin, kannski fer þetta bara að verða eins og í Hrísey?.

Speki dagsins er eftir Konfusíus:
Krefjast skaltu mikils af
sjálfum þér.
Vænstu lítils af öðrum.
Færra mun þá valda þér ama.

Og þetta verða lokaorðin í dag.
Gangið á Guðs vegum.......................................................

Ummæli

Skrifa ummæli

Vinsælar færslur af þessu bloggi

..::Sixty five::.. Það markverðasta við þennan drottins dag er að í dag er pabbi sextíu og fimm ára og óska ég honum hér með til lukku með daginn. En svo við snúum okkur nú að alvörunni þá held ég að ég geti staðfest að dagurinn í dag er ekki fiskidagurinn mikli, og verð ég að bregða fyrir mig færeyskunni til að lýsa ástandinu “eyngull í reif”. En veðrið er gott og við höfum nóg að bíta og brenna. Vélstjórunum berast sífellt fleiri og fleiri þrautir til úrlausnar og sýnist mér að það sé aðal hamingjuefni skútunnar ef hún getur haldið þeim kófsveittum og örvæntingarfullum ;), smekklegt innræti það, en við erum víst misjafnlega innréttuð. Sólin hefur bakað niður í allan dag og áhöfnin hefur þurft að hlaupa um í logninu til að ná nógu súrefni úr andrúmsloftinu, já þetta er þriðji góðviðrisdagurinn sem heiðrar okkur með nærveru sinni í röð. Nú er ég uppiskroppa með enskunámsefni svo að ég smelli inn nokkrum vögguvísum í staðinn ,).............. Fljóð er vissu komu karls kvað við...
Lesa meira
..::Spurning::.. Það hefur alvarlega verið að banka upp hjá mér undanfarið hvort ég ætti kannski að fara að blogga aftur, en með því að fresta því aftur og aftur og hugsa um eitthvað annað, þá hefur mér tekist þokkalega að bægja þessum hugsunum frá ;).
Lesa meira
Mynd
..::Pósturinn:::.. Þá er það pistilinn :). Undanfarna daga hefur verið þokkalegt rjátl svona heilt yfir held ég, oftar en ekki hefur flotinn verið eins og mý á mykjuskán. Það má alltaf sjá eitthvað gott út úr öllu ef vilji er til, þessi samþjöppun varð t.d til þess að póstflutningar hafa gengið með besta móti og erum við nánast orðnir uppiskroppa með póst, eigum bara einhverja bréfsnepla eftir í þrjú skip. Gunnsteinn á Ölphu kom og sótti þeirra póst og tók eitthvað fyrir aðra í leiðinni, það var hvalreki á fjörur okkar að fá Gunnstein, hann lék við hvurn sinn fingur og fór á kostum í frásögn og leiktilburðum. Svo mættu Geysismen og tóku sinn póst, þá var farið að gola aðeins svo við létum póstinn síga niður til þeirra og slepptum upphífingu, hefði verið gaman að fá þá í heimsókn en það verður ekki við öllu séð. Í fyrrakvöld fékk ég að heyra sögu sem hreinlega bjargaði deginum ef ekki bara vikunni, með skemmtilegri sögum sem ég hef heyrt lengi, hún tengdist heimahögunum að austan, nánar...
Lesa meira