..::Ekkert helv... væl!::..
Þetta er nú búin að vera meiri dagurinn, einn af þessum sem manni langar helst til að gleyma hehe, en það góða við hann er það að hann er að verða búin og kemur aldrei aftur, já þetta var ekki minn dagur, ég verða að segja eins og Jóhanna “minn dagur mun koma!”.

Já ég veit ekki alveg hvað skal segja um þessa úthlutun af degi, almættið hlýtur að hafa gert einhver mistök í þessari úthlutun, ég get ekki ímyndað mér annað en þessi dagur hafi verið ætlaður einhverjum misyndismanni eða einhverju þaðan af verra, hann hefur bara lent hjá mér fyrir mistök.
Annars veit ég ekki hvað maður er að væla, það eru sjálfsagt margir sem hafa átt mun verri dag en ég og eru ekki hágrenjandi yfir því hehe, maður þarf ekki annað en að fara hérna í land þar sem veslings fólkið hírist í einhverjum bárujárnsskriflum fullum af skít og drullu, ekki er það allt hágrenjandi.
Það virðast vera sátt og er ekkert að væla, brosir bara :).
Já það er ótrúlegt að sjá hvað mikið af þessu fólki virðist vera lífsglatt miðað við þær aðstæður sem sumt af því býr við.
Ég er nánast viss um að ég myndi mæta fleirum brosandi í einhverju af þessum bárujárns kommúnum en á Laugaveginum á góðum degi, svo einfalt ert það bara.

En það er nú einhvernvegin þannig að ef vel er að gáð þá leynast alltaf einhverjir ljósir punktar þótt manni finnist allt vera í myrkri og mannaskít, t.d komu þeir félagar af Janusi færandi hendi í dag, þeir komu með varahluti sem okkur vantaði og síðast en ekki síst tvö jólatré ásamt skrauti.
Tjah nokkrum dögum of seint en samt komið og gerir umhverfið jólalegra.
Ef einhver vilji væri fyrir hendi þá væri hægt að dansa í kring um tréð í kvöld, en ég held samt að við sleppum því og reynum frekar að haga okkur eins og fullorðnir menn, svona einu sinni! ;).

Meðan ég man þá henti inn nokkrum myndum í jólatúrsalbúmið!!!!

Já þetta er innlegg mitt í umræðu dagsins. Vona að þið hafið átt góðan dag.
Vona svo að morgundagurinn færi okkur öllum gleði hamingju og kærleika.