..::Fer þessu ekki að ljúka??::..
Bíddu nú við er ekki árið 2006 ?? nei ég bara hélt að hengingar hefðu aflagst einhvertímann fyrr á öldinni, en ég hef greinilega haft rangt fyrir mér þar.
Já þeir hengdu Saddam síðastliðna nótt og þetta var sýnt í sjónvarpi út um allan heim, sem mér finnst frekar ógeðfellt.

Ekki skilja þetta svo að ég telji Saddam einhvern engil, langt frá því, en mér fannst hann samt sleppa vel frá þessu, það hefði frekar átt að láta hann kveljast í fangelsi þangað til hann dræpist úr elli.
Svo er það líka spurning hvort það hefði ekki átt að hengja einhverja fleiri fyrst það þurfti nú endilega að fara þessa leið, mér er nefnilega sagt að það sé mun meiri eymd í Írak núna en nokkru sinni fyrr, og einhverstaðar hef ég heyrt tölur um 5-600.000 óbreyttir borgarar í Írak séu fallnir í þessum stríðsleik fjölþjóðahersins.
Ég held að þetta séu tölur sem maður skilur ekki og nær engan vegin að átta sig á umfanginu, þetta er eins og það væri búið að slátra allri Íslensku þjóðinni tvisvar sinnum. Mín skoðun er sú að það hefði bara átt að láta þetta land eiga sig, ég get ekki séð að BNA hafi staði nein ógn af þessu fólki, það átti ekki neitt.
Enda er komið upp úr kafinu að megnið af þessum ásökunum voru upplognar til að hægt væri að senda herlið þarna inn.
Já ég held að fyrst byrjað var á þessu aftökum, þá hefði átt að hengja alla vitleysingjahjörðina sem stendur fyrir þessu stríðsbulli, nei ég segi bara svona ;).

En nóg um það, dagurinn hjá okkur hefur verið rólegur og lítið hefur reynt á áhöfnina líkamlega þennan sólarhringinn, en við eru að reyna eins og við getum og meir getum við víst ekki, en ég hef fulla trú á að þetta fari að bresta á :).

Jamms svona segjum við frá því í dag.
Bið Guð almáttugan og alla hans ráðgjafa að reyna að koma á friði á þessari hnattkúlu sem við búum á...............

Ummæli

Nafnlaus sagði…
Ég er þér innilega sammála, það á ekki að taka neinn af lífi þó það hafi verið Sadam H
Nafnlaus sagði…
p.s Og gleðilegt nýt ár og þakka fyrir allt það liðna
Nafnlaus sagði…
Sömuleiðis félagi ;), hafðu það sem best á nýja árinu. Og takk fyrir það liðna.
Nafnlaus sagði…
Já Saddam er allur.
Óska þér og félögum þínum gleðilegs árs og þakka fyrir það gamla. Vona að það nýja verði þér og þínum gott.
Dalvíkin er orðin hvít - loksins!!

Bestu kveðjur

Kristján A
Nafnlaus sagði…
Sæll elskan mín og innilegar óskir um gleðilegt ár,og þakkir fyrir öll þau liðnu,vildi þú gætir verið hérna hjá okkur í kvöld,en við verðum með hugann hjá þér,var að hlusta ´lagið jól á hafinu og hugsaði mikið til þín koss og knús og gleðilegt ár

Vinsælar færslur af þessu bloggi