..::Með Stefnuljós!!!!::..
Heilladísirnar ákváðu að sturta úr hamingjupokanum yfir okkur í dag, og gekk dagurinn vonum framar, rúsínan í pylsuendanum var svo ágætishol sem við náðum að slíta upp í kvöld og kom okkur öllum í opna skjöldu þar sem við áttum ekki von á því, ég varð þvílíkt glaði með þetta, og ef það hefði rignt þá hefði það lent ofan í nefið á mér og ég sjálsagt druknað í framhaldinu, en sem betur fer fyrir mig og mína þá ringdi ekki, það rignir mjög sjaldan hérna nánast aldrei ;).

Þetta var bara eins og þegar ég fékk fyrsta reiðhjólið, það var sko ekkert slor, með stefnuljósum og allan pakkann, Pabbi hafði fundið það á öskuhaugunum og séð í því framtíð, hann málaði það setti á það ný dekk og smíðaði nýtt sæti, svo setti hann fram og afturljós dínamódrifin þau lýstu rosalega, og flottu stefnuljósin sem gengu fyrir batteríum voru toppurinn á þessu öllu.
Ég man enn hvað ég var montinn með hjólið, og strákarnir slefuðu alveg yfir stefnuljósunum ;). En það eru breyttir tímar og þetta þætti varla flott í dag, engir gírar demparar eða hvað þetta nú allt heitir sem prýðir hjólhesta nútímans, en ég var lige glad með þetta og það var fyrir öllu :).

Já annars er ekki mikið að frétta héðan annað en að við erum komnir suður í rassgat aftur, en hérna er betra veður og mun minni vindsperringur en norðurfrá, svo að hér er ágætt að vera, samt hefur ekki verið neitt sérstaklega heitt undanfarið, ég meira að segja kríaði út nýja sæng í staðin fyrir vattteppið sem ég var með, það var þvílíki munurinn að hafa eitthvað til að kúra sig almennilega í ;).

Mynd dagsins er svo af mér á umræddu reiðhjóli :):):):).

That´s it for to day, vona að Heilladísirnar líti við hjá okkur aftur á morgun, já og vonandi hjá ykkur líka..................