..::Norður yfir heiðar::..
Það var gott að kúra heima hjá mömmu og pabba í nótt, ég náði að hemja mig og skríða ekki uppí eins og í gamla daga enda var Guðný með hehe.
Við vöknuðum og fengum okkur smá kaffisopa þegar pabbi fór í vinnuna en lögðum okkur svo aftur, klukkan var svo orðin rúmlega tíu þegar við fórum fram úr, mamma var náttúrulega á fullu í að útbúa morgunmat og var ekki annað að sjá á Guðnýu en hún kynni vel að meta morgunmatinn.
Við skelltum okkur svo í steypibað áður en haldið var af stað til R.víkur, en áður en við komumst þangað þurftum við að stoppa aðeins í Smáralindinni og kaupa vettlinga fyrir Einar Má, í Smáralindinni hittum við Hjördísi og Ingunni, við borðuðum svo saman á Friday´s fyrst við vorum öll komin saman.
Eftir ágætis máltíð var svo enn og aftur sett á ferð og nú var kippt yfir í sundahöfn þar sem Kalli tengdó er að vinna, við stoppuðum stutt hjá honum.
Nú var kúrsinn settur í holtin og ekki slegið af fyrr en uppí Stangarholti, þar tóku glaðir feðgar á móti okkur með kaffi og tertum.
Litli frændi hefur stækkað þvílíkt og er algjör dúlla, það er stutt í brosið og hláturinn hjá honum og gaman að spjalla og leika við hann, svo er hann líka algjör grallari ;). Við stoppuðum hjá Haddó Gunna og Hauk í stangarholtinu þangað til við þurftum út á völl í flug.