..::LØrdag::..
Frekar lítið um þennan dag að segja, vöknuðum ekki fyrr en klukkan tíu.
Ég fór í Bjarmann en Guðný og Einar fóru í vöflukaffi hjá Brynju, hún var að prufukeyra nýtt vöflujárn og Bjarki varð að fá einhverja í morgunkaffi :), hún er að Bjarka sögn besti vöflubakari í heimi. En ég missti af þessu öllu svo að ég get ekki dæmt þetta.
Ég dvaldi dágóða stund í Bjarmanum og var ekki komin heim fyrr en um eitt, þá var allt á fullu við undirbúning á einhverri snyrtivörukynningu. Klukkan tvö átti sem sagt að vera kynning á snyrtivörum borðbúnaði pottum og einhverju fl, hverjir kannast ekki við kvenfólk og dollukynningarnar? Jæja þetta er eitthvað svipað hehe.
Sem sagt hér var múgur og margmenni í dag þar sem allar dömurnar gátu dáðst að þessu eða hinu kreminu eða meikinu í þessari eða hinni línunni frá (æi það kann ég ekki að nefna). Þetta er ekki svona mikið vesen hjá karlpungunum, raksápa rakvél og rakspíri that´s it :):).........
Meðan ég var að bíða eftir heilun í morgu...
Færslur
..::Idol hvað::..
Jæja þá er þetta blessaða Idol að baki og ég segi nú bara “Hvað er eiginlega í gangi!”.
Það þarf ekkert að skafa af því en karlpeningurinn í þessari keppni var alveg hööörmulegur, og rauðhaus hélt áfram, það hélt ég í vitleisu minni að gæti ekki gerst.
En það sem aldrei hefur komið fyrir áður getur alltaf komið fyrir aftur, og enginn veit fyrr en allt í einu eins og maðurinn orðaði það um árið.
Hvað sem því líður þá er þetta bara svona og maður fær litlu um það ráðið, og yfir og út frá idolinu.......
Það hefur verið fjölmennt hjá okkur í dag, þetta er stundum eins og maður búi á lestarstöð hehe, en það er gott að við skulum vera svona vinsæl.
Þetta er svona eins og tómatsósan “fyrst kemur ekkert og svo kemur allt!”.
Það er sjálfsagt hægt að hafa þessar öfgar í báðar áttir og ekki vildi ég vera á hinum endanum.
En nú eru allir farnir og þá tekur síminn við, og hefur hann ekki stoppað, það er varla búið að leggja á þegar síminn byrjar að gelta.
Það er alv...
..::Slabb::..
Það er búið að vera skítaveður á Dalvík í dag og varla hundi út sigandi fyrir slabbi og krapadrulli :(, meira að segja munaði engu að ég næði að festa bílinn í þessu þegar ég var að skutla Einari á körfuboltaæfingu í dag, en það var nú líka kannski meira mér að kenna því að ég var komin aðeins út úr slóðinni, maður verður nú að sjá hvað maður kemst á sumardekkjunum :).
Auðvitað viðraði ekki viðraði í hurðaruppsetninguna svo að það bíður betri tíma, en vonandi verður glerið til á mánudag.
Guðný var ekki í skólanum í dag svo að við vorum að stússast í morgun, skiptum á rúmunum og fl.
Við hefðum kannski betur sleppt þessum rúmfataskiptum því að það entist ekki lengi, litli frændi Guðnýjar fór til tannlæknis í morgun og kom svo í heimsókn til okkar á eftir. Eitthvað leið litla grislingnum illa þegar deyfingin var að fara úr, við settum mynd í DVD spilarann og leifðum honum að horfa á inni í rúminu okkar, þetta endaði með því að krílið sofnaði. En því miður þá lak aðe...
..::Hvar er glerið mitt?::..
Það er búið að vera vetrarveður hérna í dag, kannski ekki snjóað mikið en slydduhríð og slabb á götum. É er bara búin að hanga innandyra í mest allan dag.
Guðný ætlaði að sækja glerið í nýju hurðina í dag en því miður var það ekki tilbúið, og verður ekki fyrr en? Ég athuga það samt í fyrramálið hver veit nema að þeir hafi drifið það af í dag. Við ætlum svo að athuga með uppsetninguna á morgun ef veður og gler leyfir, nú annars verður það bara að bíða betra veðurs og tíma.
Já þetta er svona að mestu það sem ég er búin að afreka í dag.
Spjallaði aðeins við Múttu í dag en hún er búin að vera ansi slæm af lungnabólgu og gengur illa að losna við hana, sjálfsagt gengur henni líka illa að fara eftir ráðum læknanna og halda sig í rúminu meðan þetta gengur yfir. En vonandi nær hún að rífa þessa óværu úr sér sem fyrst.
Og þá er komið að matseðli kvöldsins: Reykt folaldakjöt soðnar kartöflur uppstúf blandaðgrænmeti(salat) og rauðbeður, hvað er hægt að hafa það ...
..::Nýja hurðin komin::..
Allt gengið mitt hvarf í skóla fyrir átta í morgun og sat ég einn eftir, góndi á Ísland í bítið og ráfaði um kofann.....
Maggi Hafsteins kom svo með nýju útihurðina rétt fyrir hádegi og hjálpaði mér að bera hana inn í kjallara, hún lítur bara nokkuð vel út þótt ég segi sjálfur frá.
Eftir hádegið fórum við svo í að taka til í kjallaranum, eitthvað sem ég hef ætlað að gera lengi en ekki haft mig í, það var ýmislegt sem mátti fara á haugana og var súbbinn tvífylltur af rusli sem fór í gámana. Þar fauk gamall fataskápur sófi barnabílstóll og margt fl, sjálfsagt hefði mátt henda miklu meira en þetta var látið duga í þetta skiptið.
Annars er alveg með ólíkindum hvað maður heldur uppá mikið drasl, drasl sem engum er greiði gerður að geima, t.d voru þarna tvö ónýt vídeótæki og enn er eftir gamla Grundig sjónvarpið sem ég hefði átt að henda en gerði ekki, hvers vegna?
Á vissu tímabili dagsins fannst mér eins og ég væri búin að láta draga mig á asnaeyrunum full la...
..::Páskalokin::..
Jæja þá eru páskarnir flognir með öllu sínu súkkulaði og veisluhaldi og nú tekur alvaran við. Vöknuðum klukkan sjö í morgun en Guðný þurfti að mæta í skólann í dag.
Þegar Guðný var farin fór ég í tölvuna og vafraði eins og villtur sauður um óravíddir netsins. Hitti svo á Hönnu Dóru og mömmu á MSN og spjallaði smá við þær.
Þegar Einar vaknaði fór hann út í körfubolta og hefur varla sést heima í dag :(.
Hringdi inn í Börk og fékk staðfest að hurðin væri tilbúin og fékk þá til að senda hana af stað, nú verður að finna einhvern speking til að setja hana í :).
Dró fram reiðhjólið og hjólaði niður í mímisveg og náði í myndavélina sem ég gleymdi á sunnudeginum, kom við hjá Svölu í leiðinni heim og þáði kaffi og bita af páskaegginu hans Hilmars :)......
Guðný þurfti svo að bíða innfrá eftir Hjördísi sem var að koma úr útlegðinni í Hafnarfirði, þær mæðgur voru komnar heim um þrjú.
Drattaðist út og dreifði úr restinni af snjónum sem var norðan við húsið, vonandi hverfu...
..::Annar í páskum::..
Frúin vildi endilega drífa í að þrífa í dag svo að kofinn var skrúbbaður hátt og lagt, ég reyndi af fremsta megni að taka þátt í þessu með henni og lallaði um með ryksuguna.
Við fengum okkur svo rúnt eftir þrifin, garnirnar í Súbbanum voru farnar að gaula og ég ætlaði ekki að verða bensínlaus inni í bílskúr aftur svo að drifið var í því að fylla tankinn.
Fyrst maður var komin niður á bensínstöð þá notaði ég tækifærið og mældi loftið í dekkjunum (frúin var eitthvað að kvarta um að bíllinn væri þungur í stýri) jú það var nú frekar lítið í framdekkjunum en nokkuð jafnt, hvað sem því leið þá fór ég í leiðarvísi bifreiðarinnar og fann þar vísun á upplýsingamiða um kjörloftþrýsting, hann var staðsettur innan í hurðarkarminum bílstjóramegin.
Eftir þeirri töflu mátti bæta nokkru lofti í fram og afturhjólin og var það gert alveg eftir bókstafnum, nú ætti daman að vera ánægð :).
Svo fórum við eina bunu í sveitina í góða veðrinu, á bakaleiðinni stoppuðum við í hesth...
..::Fékk páskaegg no3::..
Það var allt hvítt í morgun enda snjóaði talsvert í gærkvöldi, en það hefur verið þíða í dag svo göturnar eru orðnar marauðar aftur.
Það var mikið fjör hjá Brynju í gærkvöldi og svo var skroppið aðeins á fjörfiskinn á eftir ;).
Dagurinn í dag byrjaði svo á páskaeggjaáti hehe, en einhverra hluta vegna gleymdi ég hvað stóð á málshættinum mínum og þegar ég ætlaði að lesa hann seinna fann ég hann ekki ;( kannski hef ég bara étið hann.
Við skruppum svo aðeins til Brynju og hjálpuðum til við að klára síðasta heita réttinn, ég lagðist svo afvelta fyrir framan sjónvarpið á eftir.
En ég var farin að hafa svo mikla bakþanka yfir öllu þessu áti að ég bauðst til að fara út með Lúlla(hundinn) fyrir Ninnu og sprangaði með hann upp í fjall í góða veðrinu.
Eftir göngutúrinn tók við morr og leti fyrir framan sjónvarpið.
Í kvöld var svo enn boðið til veislu og nú voru það grilluð læri ala Kalli, þetta var máltíð sem tókst alveg frábærlega og enn og aftur stóð maður á b...
..::Örstutt páskablogg::..
Frekar rólegur dagur í dag, fékk mér smá göngutúr eftir hádegið og vísiteraði bæinn.
Svo kíktum við aðeins til Brynju þar sem ég setti upp nokkrar hillur og buffaði nokkra stálnagla í veggina svo hægt væri að setja upp myndir og fl.
Það er víst innflutningspartý hjá Brynju í kvöld og allt verður að vera klappað og klárt ;).
Við aðeins við hjá Gunna og Dísu því Guðnýu vantaði uppskrift að einhverjum heitum rétti? En þetta innlit hjá þeim hjónum bjargaði aðveg magavöðvunum, langt síðan ég hef hlegið svona mikið ;)..
Í kvöldmatinn var flugvél(chicken) og borðaði Kalli Gumm hjá okkur enda var bara Svínalund heima hjá honum oj oj :(.
Á meðan ég útbjó sósuna á flugvélina útbjó Guðný tvo heita rétti í innflutningspartý fröken Brynju, ekki það að Brynja hefði beðið um aðstoð neeeei, Guðnýu fannst bara öruggara að hafa nóg á boðstólnum svo engin færi svangur heim.
Og eftir flugslysið plampaði hún yfir til systur sinnar hlaðin mat til að tryggja það að li...
..::Naumast vaðalinn á manni::..
Bíðið nú við, er þetta extra langur dagur í dag? flöskudagurinn langi eins og róninn orðaði það. Eftir hádegið hellti ég olíunni úr gamla djúpsteikingarpottinnum og skrúbbaði hann svo hátt og lágt áður en það fór á hann ný olía, svo skipti ég um kló á honum og prufaði að kynda hann upp. Allt verður að vera klárt fyrir fiskiveisluna miklu í kvöld :).
Þennan djúpsteikingarpott fengum við fyrir ??árum í jólagjöf frá mömmu og pabba, mig minnir fyrstu jólin okkar í kjallaranum í hátúni 24 á Eskifirði.
Þetta er orðið svo langt síðan að það hvílir hálfgerð austfjarðaþoka yfir þessari minningu hehe, samkvæmt því siglir þessi pottur fullum seglum inn á antikmarkaðinn ;).
Það hefur verið frekar kalt í dag en það var nú það sem ég var að vonast eftir, skýringin á því er að þá er hjarnið betra til að hjóla á því.
Ég sparkaði hjólinu í gang í dag og fékk mér rúnt út í höfða og eitthvað um lálendið, það var svo blautt og leiðinlegt að maður nenntir eiginleg...
..::Skírnarveislan::..
Skírnarveislan innfrá í gær stóð alveg undir væntingum, byrjaði athöfnin í kirkjunni.
Þar fór lítil tveggja ára dama á kostum og minnti mig svolítið á það hvernig Hjördís var á þessum aldri. En þetta gekk allt eins og það átti að ganga og ég held að allir hafi verið ánægðir, stúlkurnar voru skírðar Þrúður Kristrún og Jónína Vigdís :).
Eftir athöfnina í kirkjunni var boðið til veislu, þar svignuðu borðin undan kræsingunum og allir fengu eins og þeir í sig gátu látið. Við vorum ekki komin heim fyrr en klukkan tíu í gærkvöldi og var þá lagst beint yfir imbakassan.
Ég tók náttúrulega myndavélina með eins og ég lofaði, og smellti inn nokkrum myndum inn................
..::Taka tvö::..
Eftir hádegið skrúfaði ég bílkústinn á garðslönguna og dreif í að þvo gluggana í kofanum, það var alveg hætt að sjást út fyrir drullu.
Svo fór ég í tölvuna og rakst þá á þessa fínu þýðingarsíðu þar sem maður getur þýtt stuttan texta, skjöl nú eða heimasíður.
Auðvitað byrjaði ég að slá um mig á spænsku, svona fyrir litlu systur ;) hehehe.
Um miðdaginn var boðið upp á franska súkkulaðiköku ala Guðný svona rétt til að seðja sárasta hungrið fyrir veisluna miklu, ekki viljum við nú vera eins og úlfar þar :Þ:P).
..::Engin heima::..
Það var einmannalegt í kotinu í morgun, Hjördís er suður í Hafnafirði og Einar Már gisti hjá Kalla frænda sínum í nótt.
Það var eiginlega ekkert að gera og allt svo tómlegt, verður þetta kannski svona þegar maður verður gamall? Við kúrðum bara uppí rúmi og horfðum á barnaefnið, vonandi vex maður aldrei upp úr því að njóta góðra teiknimynda.
Það var ekki nema 5°C hiti hérna í morgun og hellirigning en undir hádegið fór að rofa til og sólin fór að gægjast niður, það rætist kannski úr þessu.
Við erum svo boðin í skírnarveislu inn á Akureyri í dag hjá Nínu og Timma, í dag á að skíra tvíbbana. Það er aldrei að vita nema ég taki myndavélina með og taki einhverja myndir, ég ætla allavega að reina að muna eftir henni...því ef ég þekki þetta rétt þá verður eitthvað myndarlegt á ferðinn............
Spjallaði aðeins við Haddó á MSN í morgun, auma hjá henni að þurfa að mæta í skólann á skírdag :(, en þótt það sé sjálfsagt gaman úti á Spáni, þá held ég samt að hugur li...
..::Vorveður::..
Það er búið að vera alveg rosalega gott veður á okkur í dag, sól og bíða og sannkallað vorveður.
Ég lét verða af því að skipta yfir á sumardekkin á bílnum eftir hádegið, það verður víst einhvertímann að taka einhverja sénsa ;), en ég er búin að vera hugsa um að skipta í nokkrar vikur, en alltaf þegar ég hef ætlað að rjúka í þetta þá hefur byrjað að snjóa.
Þegar sumardekkin voru komin undir þá voru álfelgurnar svo skítugar að ég ákvað þrífa þær, og fyrst kústurinn var komin á loft þá lá beinast við þvo bílinn.
Í framhaldinu fór ég með Brynju í húsasmiðjuna til að hjálpa henni að kaupa stálnagla skrúfur steintappa skrúfjárn og skrúfbita, eða með öðrum orðum lámarksbúnað fyrir einstæðar mæður svo þær geti bjargað sér.
Nú þegar þetta var komið heim þá skrúfaði ég upp fyrir hana eina trérimlagardínu og setti saman nokkrar hillur sem hún ætlar svo að bæsa.
Nú og nýjustu fréttir af dollunni(Erlu) eru þar gengur allt þokkalega og krafsast ágætlega upp hjá þeim greyj...
..::Lasanja og grænfóðurssalat::..
Lasanja og grænfóðurssalat ala Blimma í kvöldmat alveg þrælmergjað, á eftir var svo boðið upp á nýuppáhelt kaffi og konfekt, hvað getur maður farið fram á meira í lífinu?
Eftir kvöldmatinn lagðist húsfrúin yfir lærdóminn en ég hringdi í pabba og spjallaði aðeins um þurrkaða þorskhausa hjalla og mótorhjól, en þegar kom að sjónvarpsþætti um Grænland á RUV felldum við samtalið niður og lögðumst yfir fróðleikinn :). Varð ég margfróðari um skíði og skíðabindingar eftir þennan þátt :).
Og þá var komið að því sem drengurinn er búin að vera suða um undanfarna daga, þ.e.a.s saga út úr spónaplötu rafmagnsgítara og bassa (eftirlíkingu) þeir félagar voru búnir að teikna þetta upp svo að það var létt verk og löðurmannslegt að skera þetta út með stingsöginni, í staðin varð ég vinsælasti pabbinn í hverfinu um stundarsakir hehe.
Það er búið að ræða mikið um bassa og hljómsveitir undanfarið og eru þeir félagarnir helteknir af þeirri hugmynd að stofna hljómsve...
..::Ræfilsdómur::..
Ég verð líklega að játa á mig að þetta blogg mitt hefur ekki verið merkilegt undanfarið :).
En hverjum er ekki hollt að sleppa sér í leti og ómennsku svona öðru hverju :).
Síðbúin ferðasaga......
Ég var víst búin að lofa einhverri ferðasögu af Rvíkurferðinni í síðustu viku, en þar sem langt er um liðið og heilabúið í mér ekki mikið fyrir að geima lítilsverðar upplýsingar þá er þetta svolítið sundurlaust í minningunni, ég ætla samt að reina að pára einhverja línur niður. Ég flaug suður á þriðjudeginum í hádeginu og byrjaði á því að fara um borð í dolluna, þar var fundað fram og aftur með eigendunum. Aðallega var verið að spá og spekúlera í hvað þyrfti að gera. Það hafa verið óprúttnir náungar á ferð í dollunni meðan hún lá ónotuð og var búið að stela hinum og þessum tækjum úr brúnni.
Ég verð nú að segja að þessir vesalingar hafa ekki vaðið í vitinu því sumt af þeim búnaði sem fjarlægður var er einskinsnýtur fyrir krimmana, sá búnaður er séruppsettur fyrir hv...
..::Ekkert að gerast::..
Frekar rólegur dagur hjá mér og ég hef ekki farið út úr húsi í dag, það hefur verið frekar kalt í dag miðað við undanfarna daga.
Við vorum svo með heimagerða pitsu í kvöld og Brynja og Bjarki voru í mat.
Ég hef eiginlega ekkert að segja svo ég læt þetta duga í dag.
Bið Guðs engla að líta til með ykkur.
..::Helgarsportið::..
Laugardagurinn.
Byrjaði á að fara í heilun í bjarmann.
Eftir Bjarmann fór ég í að skipta um aftara driftannhjólið í hjólinu, setti ég 48tanna tannhjól í stað 42tanna sem var undir.
Þegar ég var búin að skrúfa gamla tannhjólið af og það nýja á hófst samsetningin, það gekk eins og smurt en nú var keðjan orðin of stutt :(.
Nú varð að leita á náðir næsta hjólamanns, og viti menn hann átti nýja ohringjakeðju, ég fékk hana lánaða gegn því að skila honum nýrri.
Nú var ekkert að vanbúnaði og var drifið í að setja saman, en nýja keðjan var of löng svo að það þurfti að stytta hana aðeins svo þetta fittaði saman.
Ég fékk mér smá rúnt og allt virkaði eins og lög gerðu ráð fyrir.
Og nú var komið að bílnum! Dreif þvottakútstinn út og byrjaði að þvo af bílnum drulluna, en þegar mesti óþverrinn var farin sat eftir tjörufjandinn.
Nú varð að úða drossíuna alla í tjöruhreinsi og byrja meðferðina aftur, náttúrulega mætti allt flutningsliðið akkúrat meðan ég var á kafi ...
..::Komin heim aftur::..
En ferðasagan verður að bíða betri tíma.
Er búin að vera á fullu upp fyrir haus hjá Brynju, en hún er að flytja í nýja íbúð og keypti í tilefni þess haug af húsgögnum sem átti eftir að setja saman.
Það var rétt að hafast að skrúfa restina saman.
Á morgun á svo að flytja góssið úr kjallaranum hjá okkur í nýju íbúðina.
Er alveg flatur eftir daginn og læt þetta því nægja í dag.
Bið Guð almáttugan og alla hans engla að vaka yfir ykkur.