Eitthvad út í buskann...

Ekki væsti um mann á gólfinu í nótt, þetta var bara eins og í útilegu ;). Það var þokkalegt veðrið í gærkvöldi svo að við stoppuðum og Jón lagaði einhvern olíuleka á höfuðmótornum og breytti einhverju í lögnunum að eimaranum, núna framleiðir eimarinn um fimm tonn á dag svo að það er besta mál. Það er ekki amalegt að vera með rafeindavirkja um borð, í gærkvöldi bilaði einn tölvuskjárinn í brúnni og Hannes var snöggur að kippa honum niður og gjörsamlega spaðaði græjuna í smáparta ;) á endanum fann hann bilunina og reddaði því með stæl. Eitthvað ber Rafvirkinn sig illa eftir byltuna og þurftu félagarnir að bera hann á kamarinn í morgun ;(. Í morgun byrjaði svo að hvessa og um hádegi var komin skítabræla eina ferðina enn, ég var í sambandi við Skúla Elíasar á Otto og vildi hann meina að við hlytum að fara verða búnir með brælukvótann, ég er honum sammála og verð að segja að þetta ferðalag er alveg með ólíkindum hjá okkur, við eru tvisvar sinnum búnir að fá þokkalegt veður dagsstund sí...

Kannski er maður bara að verða vanur þessum brælum, nema veðrið hafi verið aðeins skárra eftir hádegi í dag. Kyndingin er enn og aftur að stríða okkur og hefur ekki verið hiti á skútunni síðan í nótt ;). Það var bölvuð óþverrabræla í nótt og míglak vatnsausturinn í kojuna hjá mér svo að maður var hundblautur og druslulegur þegar maður aulaðist fram úr í morgun, that´s it og nú veður þetta loft rifið niður og reynt að komast fyrir vandann. Við fengum upplýsingar frá Ölfu sérfræðing um keyrslu höfuðmótorsins og kom þá í ljós að við vorum með óþarfa áhyggur af afgas og skollofts hita og nú er hægt að keyra aðeins meira. Í hádeginu datt svo rafvirkinn niður stigann á neðri ganginum og lá lengi emjandi í gólfinu, við vorum helst á því að hann væri rifbrotinn. Ég guðaði í hann einhverjum verkjalyfjum og hringdi svo í læknir. Eftir samtal við lækninn kom í ljós að lítið er hægt að gera annað en að gefa honum verkjalyf og sjá til, þeir drusluðu honum svo inn í klefa. Seinnipartinn þegar ég...

Við Jón vorum að brasa í mótorhúsinu fram til fögur í nótt, við rifum skolloftsblásarana og skoðum þá en þar var ekkert athugavert. Þar sem lekin yfir kojunni minni var horfinn þá flutti ég í fletið aftur og svaf eins og engill fram til ellefu í morgun. Það var náttúrulega komin suðvestan skítabræla í morgun og hefur það staðið í allan dag, en ef kortið gengur eftir þá verður kannski smá stund milli stríða á morgun. Loksins hafðist eimarinn af stað og er hann nú farin að framleiða vatn handa okkur, að vísu eru afköstin í minna lagi en það von um að afköstin aukist. Við heyrðum aðeins í Skúla á Otto í talstöðinni í dag og er þokkalegt veður og veiði á hattinum núna, en það er einhver Lægðarpussa sem er eitthvað að igla sig og gæti gert usla á laugardag. Hitamálin hafa verið í góðu lagi síðan í gær en núna um kvöldmatarleitið var eitthvað pat á því ;(. Það er verst að ekki skuli vera hægt að virkja þennan velting eitthvað, ef svo væri þá myndi ekki skorta kraftinn hjá okkur. Veiðar...

Miðstöðin er búin að vera úti síðan í gærkvöldi en þá kvaddi hún með miklu búmmi og allt hvarf í sóti og drullu í vélarúminu. Þá var ákveðið að fresta frekari viðgerðum fram til morguns. Það var komið þokkalegt veður í morgun svo að veltingurinn var innan marka velsæmis, og gangurinn á dollunni var svona la la. Unnnið var við lamaða eimarann í allan dag og ekki er komin nein niðurstaða úr því. Kyndarinn hökti af stað seinnipartinn og fóru þá ofnarnir að volgna í Erlunni ;). Hvort það heldur einhvern tíma veit enginn, en við eigum von á varahlutum sem fara til Kanada á morgun, vonandi leggja þeir svo af stað á miðin á laugardag. Ekki hefur enn unnist tími til að fara í vatnslekan yfir kojunni minni svo að ég kúrði á bekknum í nótt og var það ekki góð vist. Ætli ég fari ekki í að rífa niður loftplöturnar yfir kojunni í kvöld og þá kemur sjálfsagt eitthvað skemmtilegt í ljós. Seinnipartinn var svo farið að blása úr vestsuðvestri en vonandi er ekki ein brælutussan enn að skella á ;(...

Ekki entist góða veðrið lengi og klukkan níu í morgun var komin suðvestan skítabræla með tilheyrandi velting og gangleysi. Ekki var það heldur til að auka ánægjuna að helv olíukyndingin fyrir hitan á skipinu bilaði svo að við höfum ekki haft hita né heitt vatn í dag, en vonandi rætist úr því. Um miðjan dag komst olíuskilvindan af stað svo að þar fór eitt atriðið út 7-9-13 knok knok ;). En þar sem að svo miklar bilanir og verkefni liggja fyrir hafa menn ekki komist í að athuga lekan yfir kojunni minni og var svo komið í morgun að ég mátti fjarlægja dýnuna og alles svo að það færi ekki allt á floti ;( og svo verður maður bara að norpa á bekknum þangað til að tími vinst til viðgerða. Ég veit ekki hvaða helvítis ófriður þetta er alltaf í þessu veðri en þetta var alls ekki það sem við höfðum gert ráð fyrir, og ef þetta lagast ekki þá verður Erla sjálfsagt vorskipi á Hattinum þetta árið, plotterinn er að tifa á 6-9dögum eftir á miðin ef ekkert breitist. Og ekki auðvelda þessi anskotans læ...

Nóttin hjá okkur var þyrnum stráð og valt dollan alveg ógurlega, er vægt til orða tekið að það hafi verið allt á rúi og stúi í Erlu í morgun. Í brúnni losnaði skjárinn fyrir standard-C og var flaggarinn víst fastur við hann í fjórar klukkustundir ;) hann þorði ekki að sleppa skjánum og skorti það sem þurfti til að leysa málið á annan hátt, gott að ekkert var á vegi okkar á meðan, einnig slitnaði stólinn fyrir ritvinnslutölvuna upp úr gólfinu en það voru full stuttar stuttar skrúfur sem festu hann. Það er allt á floti hjá kokknum og plammar hann á stígvélum í konungsríki sínu, en meinið er að það bullar eitthvað upp úr niðurfallinu á veltunni. Svo varð mengunarslys í einni af útstöðvum kokksins (þurrgeimslunni) en þar hafði tæknilókurinn laumast til að geima blekið fyrir stimpilpúðana og ekki vildi betur til en að hálfs líters búsi strauk úr hillunni og ólmaðist á gólfinu frelsinu fegin. Þar ólmaðist hann þangað til hann sprakk, og slettist gumsið úr honum út um allt í þurrgeymslu ko...

Sunnudagur. Ekki byrjaði þetta nú bærilega hjá okkur því að við vorum komnir á rek upp úr eitt í nótt, en maður átti von á að það yrði bras svo að ég hrökk ekki langt ;). Svo er líka skítaveður svo að ekkert liggur á, ég ætlaði að gefa Jóni tíma til að fara í skilvinduna, og leifa strákunum að gera togvírana klára átromlunum áður en við förum út úr faxaflóanum, aðalmarkmiðið var að komast út og sjá hvernig þetta plummaði sig svo verður þetta bara að koma með kaldavatninu ;). Við Jón fórum ekki í koju fyrr en kl sjö í morgun þá settum við á rek og ætlar Nonni að skoða skilvinduna og fá betri upplýs um gírinn. Ég vaknaði svo klukkan tíu og fór að skoða hvað hefði komið út úr skilvindumálinu en Júri ætlaði að rífa hana í morgun, það voru farnir í henni einhverjir kúplingaklossar og er möguleiki á að skítmixa það saman ;). Eftir hádegi settum við í gang og slökuðum út togvírunum og strekktum þá á tromlunum, svo tókum við trollið klárt. Það er bölvaður norðaustan vindsperringur og lík...

Laugardagur. Laugadagur til lukku, segir máltækið ;) vonandi gengur það eftir. Í morgun var verið að ljúga saman síðustu vinnslulínupörtunum og setja upp síðustu lagnirnar, svo var prufukeyrt. Auðvitað komu upp vandamál og var strax farið að vinna úr þeim. Kiddi fór í að pakka trollinu og hífa það um borð svo hengdu þeir hlerana á skutinn. Seinniparturinn fór í að taka til og hífa í land dót. Um fjögurleitið átti svo að prufa pottinn og þá virkaði ekkert, og varð að kalla til rafmagnssérfræðinga í verkið, voru þeir að fram til ellefu, og kl hálftólf var dollunni sleppt og við tussuðumst út úr höfninni. Það er að vísu einhver vandamál með skilvinduna en Jón hlýtur að redda því. Læt þetta nægja um laugardaginn. Bið Guð að passa ykkur.

Það er búið að vera brjálað að gera síðustu dag svo að bloggið mitt hefur legið niðri vegna tímaskorts, en ég er að reyna að bæta mig og vonandi verður þetta mjög götótt í framatíðinni. Í gærmorgun var dagur heilbrigðis en þá var mættur kvenkyns útsendari heiðbrigðiseftirlitsins frá Lettlandi til að taka út skipið, það gekk bara nokkuð vel og fá atriði sem þurfti að laga. Seinnipartin lenti það á mér að reyna að halda henni selskap og gera eitthvað fyrir hana, ubbs ég vissi ekkert hvernig ég átti að snúa mér í því svo að ég fór með hana í Perluna og rúntaði með hana um bæinn og sýndi henni það markverðasta, um kvöldið fór ég með hana á Tvo Fiska og kýldi í hana skötusel og skutlaði henni svo á hótelið, kíkti svo á Haddó og Gunna og þaðan um borð í bælið. Í morgun byrjaði svo allt kl átta og var allt á yfirsnúning kl tíu þegar ég fór að sækja heilbrigðisútsendarann og keyrði með hana í Blue Lagoon , það var ansi gaman að koma þangað og mæli ég með að þeir sem ekki hafa farið þangað far...

Sprengidagurinn leið án baunasúpu og saltkjöts um borð í fröken Erlu. Það var svínasniðsel í hádeginu og gúllas í kvöld ;). Þetta mjakast alltaf lengra og lengra og nú er farið að grilla í markið, menn eru farnir að tala um að líklega sé hann að koma Föstudagurinn sem svo oft er búið að nefna á undanförnum vikum. Það var nóg að gera hjá okkur í dag, um kaffileitið mætti vörubílstjórinn loksins með lengjurnar á trollið, hann ætlaði að vera fyrir hádegi. En það sakaði ekki því að við vorum eldsnöggir að smella þessu saman og korter yfir fjögur var trollið næstum komið á lengjuna. Seinnipartin í dag var lognið í Reykjavík á enda og byrjað að hvessa úr suðaustri, í kvöld var svo komin þónokkur strekkingur. Nonni er að verða betri og betri í fingrinum og ef allt væri eðlilegt ætti hann að verða vinnufær eftir ca viku, en hann hefur samt verið að vinna allan tíman og gerir lítið úr fingurmeininu. Það er allt orðið klárt hjá okkur í brúnni og ekkert til fyrirstöðu að hún fari, en það e...

Bolludagurinn, og ég slapp í gegn um hann óbollaður ;). Var komin á lappir um átta og þá var þetta allt að síga af stað hérna í Erlunni, fékk mann frá fjarskiptaeftirlitinu til að fara yfir talstöðvadótið og í framahaldi af því kom DNV pappír upp á heilbrigði þess búnaðar. Á vinnsludekkinu gekk bara nokkuð vel í dag og eru blikur á lofti um að það gæti orðið klárt á miðvikudag, eiginlega þarf það að verða orðið klárt þá því að heilbrigðiseftirlitið í Lettlandi ætlar að senda skoðunarmanneskju til að taka dolluna og vinnsludekkið út á miðvikudag, eins gott að maður verði búin að skrúbba klósettið í skipstjóraklefanum svo maður verði ekki tekin í Lettnenska landhelgi ;) fyrir sóða og subbuskap ;). Veðrið í Reykjavík var alveg frábært í dag, logn og glampandi sól, það er frekar óvenjulegt ef maður miðar við undanfarnar vikur. Siggi í Stálvídd mætti með rjómabollur á línuna í dag og var því vel fagnað, það má segja að ef hann hafi átt einhverjar syndir þá gleymdust þær allar á þeim tím...

Ekki tókum við hvíldardaginn heilagan um borð í Erlunni og var mannskapurinn byrjaður að brasa rétt upp úr átta í morgun. Allt saltið var tekið af bryggjunni og úr lestinni og sett í stíu á millidekkinu, þetta voru ca 200x20kg pokar svo að það tók dágóða stund að bisa öllu saltinu á sinn stað. Þegar því var lokið þá kláruðu þeir að saga niður plankana í flugbrautina og er það bara helvíti flott á eftir. Ég setti í þvottavél í morgun og það hafðist af nokkuð vandræðalaust en þegar kom svo að því að setja tuskurnar í þurkarann vandaðist málið og á endanum fékk ég kokkinn til að koma honum af stað fyrir mig ;). Ég fór svo með flaggaranum í að gera áhafnarlista það tók sinn tíma eins og allt annað. Klukkan fjögur sveik ég svo lit og skrapp á Skódanum upp í Kringlu og keypti mér sokka og naglaklippur, fékk mér svo kaffi á einhverjum kaffibar og gluggaði í blöðin, þá hringdi Maggi og vildi fá mig í að flytja með sér vinkla rör og ýmislegt járnadót sem hentað gæti hérna um borð. Þar ...

Þá er febrúar fokin og mars byrjaður, það eina sem alltaf er á fullu gasi er tíminn, hann æðir áfram eins og meinagemlingur. Þetta er búið að vera eins og á vitlausraspítala í allan dag hjá okkur og manni fannst eins og allt þyrfti að gerast á sama augnablikinu. Kallarnir voru að brasa við hitt og þetta og margt nýtt að skoða og spekúlera fyrir þá nýju, ég ætla ekki að gefa neitt comment á þessa nýju og reyni að byrja með þá á núlli, þá geta þeir ekkert annað en potast upp á við ;). Við Kiddi fórum í að taka gömlu vírana af togvindunum, ætluðum að byrja á því kl níu en það gekk ekki eftir og endaði með því að við rétt náðum þeim af fyrir hádegi. Svo var höfuðmótorinn stopp til hálfþrjú og þá gátum við byrjað að spila inn nýja vírinn það var búið upp úr fimm. Stálvídd var að vinna í vinnslulínunni margumræddu, ekki hélt það að þeir kláruðu í dag ;( og þegar ég spurði hvenær þeir reiknuðu með að klára þá sögðu þeir, “talaðu við okkur á þriðjudagskvöld”. Maggi sótti mig og fékk ég...

Brjálaður dagur í Erlunni. Þetta fer að verða eins og rispuð plata með vinnslulínuna ;) en mér sýnist að þetta sé að koma núna og þetta helvíti flott á endanum. Við fengum togvírana í dag og stefnan er sett á að spóla gamla ruslinu upp á flottromluna á morgun og spila nýja vírinn inn á spilin. Leifi setti lokan við spilgírinn og svo kíktum við á tannhjólin í keðjukassanum fyrir vírastýrið, það var náttúrulega ekki eins og það átti að vera og var búið að strekkja keðjuna stb megin svo mikið að hún passaði ekki lengur í tannhjólið vegna slits, einnig var eitthvað skítmix á keðjunni bb megin svo að Leifi fór og keypti nýja keðju á bæði spilin sem við hendum í á morgun. Ég skrapp upp í Fiskafurðir og náði í skattkortið mitt í morgun, þar hitti ég Sigga R og á honum gat ég ekki heyrt annað en að það breyttist lítið andrúmsloftið Far east. Restin af köllunum kemur seint í kvöld svo að það verður hægt að byrja að jaska út úr þeim á morgun ;). Og það verða líklega ekki vandamál að finna ...

Einn dagurinn enn fokin út um gluggann ;) og hann kemur aldrei aftur, það verður bara til afrit af honum á harðadisknum í okkur, svona einhvern tíma. Lífið um borð í Erlunni lufsast áfram og alltaf virðist vera af nógu að taka, endalaust má laga og betrumbæta, en líklega verður þetta helvíti gott fyrir rest. Það hefur verið ótrúlegt ástand á þessu hérna, en menn eru sammála um að hún hafi ekki verið í svona góðu ásigkomulagi til margra ára “blessunin”. Vinnsludekkið skánar með hverjum deginum og það styttist óðfluga í að það verði klárt, það á víst að vinna í því á laugardaginn en þá ætla þeir sem smíðuðu línuna að klára, svo verður bara að sjá hvort það gengur eftir. Eftir hádegi í dag ætluðum við að spóla vírnum af togspilunum upp á flotvinduna en það varð töf á að koma höfuðmótornum í gang, fór hann ekki í gang fyrr en kl þrjú, þá virkaði ekki flottromlan því að Leifi var ekki búin að skipta um bilaða lokan sem setur inn G16 dælurnar, en þær knýja grandaraspilin og tromluna ;(...

Eitthvað fór nú lítið fyrir bloggi hjá mér í gær, en það var allt á fullu hjá okkur í allan gærdag og komst ég ekkert í að blogga ;) Ég var að brasa fram að miðnætti svo að ég sleppti bara degi úr ;). Vinnsludekkið þokast í rétta átt og segjast þeir verða búnir með það á föstudag, en líklega verður þá eftir einhver lagnavinna og fíniseringar svo að við gerum ekki ráð fyrir brottför fyrr en eftir helgi. Restin af mannskapnum kemur á föstudagskvöld frá Lettlandi. Við vonumst til með að geta gert troll og víra klárt um helgina. Jón vélstjóri hefur lítið getað verið við hérna út af fingurslysinu, en samkvæmt læknisskoðun í dag þá leit þetta ekki illa út og ef hann passar upp á puttann þá sleppur þetta vonandi, annars á hann að mæta aftur á föstudag og þá kemur þetta endanlega í ljós. Í dag hefur allt verið á fullu og vorum við að prufukeyra spilin og gekk það þokkalega fyrir utan smávægilegan glussaleka á gilsavindu og einum biluðum segulloka, en það þarf að lagað áður en við förum, a...

Síðastliðin nótt var fyrsta nóttin mín um borð í Erlu og fór ágætlega um mig. Ég var komin á fætur kl hálfátta í morgun og fljótlega fór liðið að tínast til vinnu. Var allt gengið mætt og nú verður að taka á því ef þetta á að nást saman í vikunni, það var svipur á sumum þegar ég sagði að þetta yrði að verða klárt á föstudagskvöld, ég veit ekki hvort menn telja að þetta hafi átt að verða að æfistarfi þeirra að smíða og setja upp þessa vinnslulínu, urr urr. Hvað um það allt hefur sinn gang, radarinn fór af stað í dag og er bara nokkuð góð mynd á honum, autotrollið á eftir að fá lokaprófun og frágang en það eltir allt hvað annað og nú er verið að skipta um einhverja termoloka fyrir sjókælinn á aðalvélinni svo að það er ekki hægt að keyra vél í augnablikinu. Það má segja að Jón vélstjóri hafi verið ljónheppin að missa ekki fingur í dag, en hann sneiddi framan af vísifingri á vinstri hönd, flibbinn var saumaður á uppi á slysó og var Jón mættur í vinnu aftur eftir hádegi. Ég spurði kalli...

Konudagurinn ;). Óska öllum dömunum sem lesa þetta til hamingju með daginn. Ekki verður hægt að segja að maður sé mjög rómantískur því að ég færði minni ekta kvinnu ekki blóm á konudaginn, og ekki morgunkaffi í rúmið ;) en ég fór frammúr fyrstur og hellti uppá kaffi ;) en það er varla hægt að stæla sig af því ;(. Ég verð að skammast mín og lofa mér því að standa mig betur á næsta ári ;). Fór svo í að skófla ruslinu mínu saman í ferðakoffortið og gera mig kláran í flugið suður. Kvaddi svo allt gengið “eina ferðina enn” og Guðný keyrði mig svo inn á völl. Ég fór svo í loftið á réttum tíma og hristumst við suður á fimmtíu mínútum, það var ekki tekin séns á að bjóða upp á kaffi í vélinni vegna flugskilyrða en þetta var samt ekki svo slæmt, og svo væri það ekki rétt að vera með kvart og kvein því að þetta var svo ódýrt flug ;). Ég fór beint um borð með draslið þegar ég kom og tróð belginn hjá Lettnenska kokknum ;). Hringdi svo í Einar Gústa og mælti mér mót við hann í bænum, við löptu...

Eyddi deginum í rólegheitum heima. Skrapp og reyndi að redda Guðmundi Óla með jeppann en hann varð olíulaus á leiðinni með Álfgrím í pössun til okkar, við náðum í olíu á bílinn en það hafði lent loft inn á kerfið svo að við urðum að skilja bílinn eftir, eftir ítrekaðar tilraunir til gangsetningar. Ég fór svo í að koma hjólinu saman og setti það aðeins í gang en það er svo mikil hálka að ég gat ekkert prufað það. Ég var svo latur að nennti ekki einu sinni á snjósleðamótið sem var haldið í bænum í dag. Seinnipartinn tókum við Guðný svo til í herberginu hans Einars Má og var það tveggja manna tak, þegar ég hugsa til baka þá minnist ég þess ekki að það hafi verið svona mikið rusl í herberginu mínu þegar ég var lítill, en maður man líklega bara það sem maður vill muna ;). Nenni ekki að skrifa meira í dag. Guð veri með ykkur.

Það munaði engu að Skódan snjóaði í kaf í nótt :-) en hann rauk í gang í fyrsta starti og malaði eins og hamingjusamur köttur á meðan ég hreinsaði af honum snjóinn. Það var allt í svipuðum gír hjá okkur í dag, unnið á millidekkinu, autotrollinu, radarnum, ásamt því að strákarnir frá F.A.J komu stýris og GPS málunum í lag. Einar Gústa heimsótti mig í morgun og Krummi kíkti við, hann ætlar að hafa það af að komast á stað á undan mér bölvaður refurinn, líklega fer hann af stað frá Akureyri á Mánudag þriðjudag. Við byrjuðum svo að prufukeyra spilin í dag en það voru einhver vandamál með bremsuna á öðru spilinu ásamt því að það vantaði á kerfið og svona smá vandræði eins og vanalega þegar eitthvað er búið að standa eitthvað :-( en þetta er bara svona og ekkert annað að gera en að bretta upp ermar og svífa í að koma þessu í lag. Það var skítaveður í allan dag fyrir sunnan og var ég nánast viss um að flugið mitt færi í einhverja vitleysu, ég var svo að vinna um borð fram á síðasta séns en...