Eitthvad út í buskann...

..::Rok og rigning::.. Ekki átti ég nú von á því að lenda í Íslensku haustveðri hérna á Kanaríeyjum en það er því miður staðreynd sem ég verð að sætta mig við. Hávaðarok og ausandi rigning er veðurlýsing sem passar þessum drottins degi, ekki hundi út sigandi þó veslings flækingshundarnir okkar þurfi að vera úti í þessu skítviðri. Þeir voru blautir og ræfilslegir verslingarnir þegar ég færði þeim afgangana í dag, hvolpræfilinn titraði og skalf eins og hrísla og það passar ágætlega að segja að greyið hafi verið hundblautur. Ekki fór rafalinn upp í dag en í kvöld var samt allt að verða klárt fyrir hífingu svo að vonandi fer hann upp á morgun og hinn niður. Við skruppum aðeins í bæinn í kvöld, kíktum aðeins heim til Reynis og litum á kisa og fórum svo út að borða á einhverjum Frönskum veitingastað, þar lá eitt stykki piparsteik og súkkulaðikaka á eftir. Við röltum svo aðeins um á eftir en það var hvergi neitt fólk, flestir hafa vit á að halda sig inni í svona skítviðri. Mynd dagsins er tek...

..::Allt í hund og kött:.. Dagurinn í gær var ekki merkilegur, það var allt á fullu í Rafalaviðgerðinni og okkar menn voru að vinna í málningu og öðru sem fellur til, ásamt því að trollgengið okkar er á fullu á netaverkstæðinu. Fram undir hádegi rigndi eins og sturtað væri úr fötu en svo stytti upp, ég lagði land undir fót og rölti yfir í slippinn og heimsótti Geysismenn, þetta var 20min labb hvora leið og ágætis heilsubótarganga. Þegar ég kom til baka heimsótti ég hundana í portinu og gaf þeim nokkrar gamla pylsur sem þeir hökkuðu í sig, annars eru greyin mjög kurteisir og góðir, sjálfsagt hefur lífið hjá þessum greyjum ekki alltaf verið auðvelt og ber einn þess merki að hafa þurft að berjast fyrir sínu, en hvolpurinn er algjör dúlla og stendur alveg upp úr. Konan hans Reynis hefur verið á fullu í að reyna að redda okkur kettling en það er þrautin þyngri og greinilegt að þetta gengur ekki fyrir sig eins og á Íslandi, kannski sem betur fer. En það fannst lausn á þessu og kisi er fundin...

..::Týpikal PornoDog::.. Komum til Las Palmas í nótt og vorum komnir upp að bryggju um ½ 2. Klukkan sjö í morgun var svo her manna mættur til að byrja á rafalaviðgerðinni og fór það verk af stað með trukki og dýfu. Eftir morgun matinn stautaði ég upp í brú og horfði yfir hafnarsvæðið sem var að vakna upp af nóttinni, á bryggjunni voru þrír hundar að snöfla,stærðarhlutföllin á þeim voru lítill minni minnstur. Ég fór niður í eldhús og safnaði saman einhverjum kjötafskurði úr rusladallinum og grýtti því svo upp á bryggju til hundanna, þeir voru alveg dillandi ánægðir með morgunmatinn og voru fljótir að gleypa þetta góðgæti í sig. Strákarnir á Geysi komu að heimsækja okkur og var margt að spá og spekúlera, það er alltaf af nógu að taka þegar menn hittast ;). Eftir hádegismatinn fékk ég mér bryggjurölt en það kennir ýmissa grasa í þessari höfn, allskyns fleytur af öllum stærðum og gerðum og gaman að rölta um og fylgjast með. Víða var verið að ditta að þessum pungum og greinilega misjafnt hv...

..::Hvað er að!!!::.. Er ekki komið að því að fara út um víðan völl í villu og svima?. Byrjum á Hillary Clinton, ég styð framboð hennar heilshugar það væri sennilega eitt það besta sem gæti komið fyrir heimsbyggðina ef hún kæmist í stól Bandaríkjaforseta, ég held að það ætti ekki að vera mjög flókið fyrst vanvitinn Bush komst í þennan eftirsótta stól á sínum tíma. Miðað við þann skandal sem hann er búin að sýna í þessu embætti mæli ég eindregið með því að heimsbyggðin verðlauni hann með ferðalagi út í geiminn aðra leiðina, sé heldur enga ástæðu til að vera neitt að bíða með brottförina senda hann af stað á morgun.. Mér dettur alltaf í hug Api þegar ég sé myndir af Bush, einhvertímann sá ég grínmynd af þróun mannsins þar sem ferlið frá Apa til manns var gert úr mynd af Apa og Bush. Apinn smá ummyndaðist þangað til hann var orðin eins og Bush, þetta festist á mynniskubbnum í mér hehe og ég sé þetta alltaf fyrir mér þegar þessi morðóði drottnunargræðgis mannapi birtist í fréttum ;). Og þ...

..::Drauma þrifsveitin::.. Þessari eilífðarlöndun okkar lauk loksins í gærkvöldi, mikið agalega var ég fegin að losna úr þeirri endaleysu hehe. Og þegar við loksins vorum lausir var brunað á fullu gasi norður til Nouadhibou, við komum þangað um eittleitið í dag og þar settum við blámennina í land, þeir fá smá frí núna en við þurfum að skreppa aðeins norður á Kanarí og láta kíkja aðeins á rafmagnsframleiðslubúnaðinn :(, vonandi ekkert stórmál en þarf samt að vera í lagi. Í gærkvöldi bauð Gummi upp á tónleika, það var Máritaníufrumsýning á Sálinni hans Jóns míns og Gospelkórnum, ég hef aldrei þolað Stebba Hilmars en Gospelgengið var ágætt og hélt þessu upp að mínu mati. Megi Guð vera sálu minni náðugur vegna þessara neikvæðu hugsana í garð Stefáns sem eftir allt er sjálfsagt ágætisdrengur þótt ég hafi aldrei þolað hann hehe. Um þrjúleitið í dag var svo ekki lengur til setunnar boðið og við höluðum upp krókinn og héldum áfram ferðalagi okkar til Kanaríeyja. Dagurinn hefur svo að mestu lei...

..::Til hamingju með daginn::.. Eitthvað misfórst dagsskýrslan hjá mér í gær en ég hef fulla trú á að mér verði fyrirgefin yfirsjónin þar sem ég er svo góður drengur hehe. Við vorum að vinna við löndun í allan gærdaginn, fyrri dollan kláraðist rétt fyrir hádegi og sveif svo burt seglum þöndum (svona næstum því). Svo var haldið áfram með hina dolluna. Gummi trollari skrapp á tuðrunni yfir í Betuna og horfði á leik með strákunum þar, til gleði fyrir Gumma þá tapaði liðið hans. Í gærkvöld mætti svo bróðir Janus og múraði við okkur, hann þurfti að létta aðeins á sér olíu áður en hann fer í slippinn svo að við tökum einhver sopa úr honum. Strákarnir á Janusi komu svo í heimsókn og sátu þeir og spjölluðu langt fram eftir kvöldi, á meðan bunaði svarta gullið í mallakútinn á Síriusi. Í dag er svo litli pjakkurinn minn 14ára, já tíminn líður ótrúlega hratt. Ég talaði aðeins við hann í morgun en þá voru þeir vinirnir að fara á snjóbretti inn í Hlíðarfjall, ég get vel ímyndað mér að það verði gam...

..::Heimsreisa::.. Seint í gærkvöldi skriðum við inn á leguna utan við Nouakchott og múruðum við fyrri fraktarann sem ætlar að taka úr okkur aflann, þetta var ósköp venjuleg aðgerð og gekk vel fyrir sig, upp úr miðnætti byrjuðu svo drengirnir okkar að hífa fyrstu heysin á milli. Unnið var við löndun í alla nótt en um tíu í morgun mætti svo annar fraktari og tókum við hann á stb síðuna og græjuðum okkur til að landa einnig í hann. Nú vorum við eins og Önd sem tekur ungana sína undir vængina, en þessar fraktdollur eru frekar ræfilslegar utan á okkur, ekkert ósvipaðar litlum ungum ;).. Sjóli var mættur í dag færandi hendi eins og vanalega og í þetta skipti færði hann okkur nýjan eftirlitsmann og jólagjafirnar fá kompaníinu, alltaf gaman að fá pakka og ekki var annað að sjá en að allir ljómuðu yfir gjöfunum sínum þótt stund sé síðan jólin hurfu á vit gleymskunnar, allavega hér um borð. En þótt Jólin séu búin þá erum við samt alltaf tilbúnir fyrir síðbúnar jólagjafir og höfnum engu :). Dag...

..::Grashopper::.. Hæhæ, veit ekki hvort ég nokkuð að vera að fjölyrða um þessa flensu sem lagði mig flatan ekki einu sinni heldur tvisvar :(, já mér sló þokkalega niður og er ég rétt að rísa upp úr öskustónni núna. Það hefur svo sem ekki mikið gerst hjá mér annað en að ég hef legið í kojunni og engst sundur og saman eins og ormur á krók þangað til seinnipartinn í gær en þá fór að rofa aðeins til í þessu veikindastússi mínu. Dagurinn í dag hefur svo verið þokkalegur, að vísu hafa verið aðeins magaverkir enda hef ég ekki getað étið neitt í einhverja daga, en það er víst ekki litið á það sem neitt vandamál á tímum offitu. T.d þykir bara fínt í dag að fá ælupest hehe. Mynd dagsins er af Grashoppara (Engisprettu) sem heimsótti okkur áðan. Já ég hef ekki miklu við þetta að bæta núna, bara rétt að láta vita af mér. Vona svo heitt og innilega að þið lendið ekki í þessari flensuholskeflu sem yfir mig gekk.

..::Á ég að speyta hanum?::.. Þar sem ég sveik ykkur á bloggi sökum sjúkleika í gær, þá reyni ég bara að gera betur í dag ;). Já dagurinn hjá mér byrjaði klukkan 0600 en þá var skipslæknirinn mættur með töfluskammtinn hitamælinn og þessa líka fínu sprautu. Fyrst tók ég töflurnar svo mældi karlinn mig, tek það fram að ég var ekki rassamældur :), en handakrikamæling leiddi í ljós að ég væri bara með 4kommur. Nú og svo sprautaði karl mig með einhverju vítamíni sem lífgað getur hest upp frá dauðum skildist mér. Ég kúrði svo langleiðina fram undir hádegi enda var ég alveg að sálast í höfðinu, einkennilegt hvað kemst mikið fyrir af verkjum í ekki stærri líkamsparti. Ég staulaðist svo upp í brú um hádegisbil og ætlaði að líta yfir stöðuna en sá að fyrst ég væri komin upp og gæti staðið í lappirnar þá gæti ég alveg eins staðið vaktina ;). Mig langar að deila með ykkur brandara sem Vægi vinur minn skipstjóri á Maí sagði mér í fyrradag, hann er auðvitað neðanbeltis eins og flestir þeir brandarar...

..::Inflúensa::.. Ég verð nú ekki oft veikur, en þegar ég lendi í því þá kemur það með trukki og dýfu. Aðfaranótt gærdagsins var ég frekar slappur og svaf lítið, en staulaðist samt á vaktina og var eitthvað að þráast við fram eftir degi, læknirinn var búin að gefa mér einhverjar pillur svo ég hélt að mér væru allir vegir færir, en þetta versnaði og versnaði þangað til ég gafst upp og fór í koju, ég hélt hreint út sagt að það myndi eitthvað springa í hausnum á mér í gærkvöldi og það slokknaði á perunni, en sem betur fer þá hélt ég þetta út en ég man ekki eftir að hafa liðið aðrar eins kvalir, ég var komin í síðbrók og búin eins og ég væri að fara á jökul en samt hríðskalf ég eins og hrísla undir sænginni. Ég svaf lítið í nótt en var samt skárri í morgun, samt enn með dúndrandi hausverk en hitalaus svo að þetta er vonandi að koma :). Mynd Bloggsins er tekin í fyrradag, þarna vorum við að mæta Betu Maí og einhverjum rússa. Jamm og jæ þetta er það helsta sem af mér er að frétta.

..::Nammi namm!!::.. Nú verður að taka þetta með trukki og dýfu því ég nenni ekki að eyða miklum tíma í þetta blogg núna. Dagurinn hefur verið öðrum líkur nema að því leiti að það hefur verið mun meiri traffík í dag en undanfarið. Allt fullt af skipum í kring um okkur í morgun þegar ég stakk hausnum upp í brú, allar stærðir og gerðir af togskipum, sumir að draga tvö troll á bómum á meðan aðrir pungar bisuðust áfram á rólegri ferð. Við erum að draga á 5-6sml ferð og það hentar ekki alltaf að vera mikið innan um þessa smápunga sem ekkert komast áfram, en þeir eiga sinn tilverurétt eins og við svo það er ekki mikið við því að segja þótt þeir séu að reyna á sömu slóð og við, það hefur gengið blessunarlega að eiga samleið með þessum pungum hingað til, hvað sem svo framtíðin ber í skauti sér ;). Annars einkenndist dagurinn brasi, en það verður víst að taka þá daga líka og allt fer þetta í reynslubankann sem er nánast vaxtalaus eins og í bankakerfinu heima, þ.e.a.s innlögnin. En ég veit ekki ...

..::Ný hitakanna::.. Það er víst ekki hægt að mótmæla því að allir áhafnarmeðlimir sem létu sig hafa það að fara út í dag urðu rykaðir, þvílíkt sandryk og drulla sem legið hefur í loftinu í gær og dag, þó var þetta verra í gær en í dag. það hefur örrugglega verið strekkingur í eyðimörkinni í gær og fyrradag miðað við allt rykið sem berst á haf út.. Það sér ekki högg á vatni hjá veslings bátsmanninum okkar sem berst við sandhaugana eins og DonKi Kode barðist við vindmillurnar um árið sem hann missti hárið og vitið ;), þ.e.a.s Donki Kode, við vonum að Bátsmaðurinn haldi sönsum þótt það kyngi niður sandi eins og snjó í lognmollu. Annars var dagurinn ágætur, við fengum t.d þessar fínu hraðsuðukönnur með Sjóla, en það var orðin verulegur skortur á þessháttar munaði hérna um borð, ég var búin að hösla aðra könnuna úr matsalnum en hún lifði því miður ekki fyrstu vikuna í vistinni hjá mér. Eftir andlát hitakönnunnar nálgaðist ég heitt vatn til telögunar með hálfgerðri hundsmigu sem hægt er að...

..::Næstum orðlaus!!::.. Fussum svei, ég veit bara ekkert hvað ég á að bulla í dag, stend á gati eins og lappalausa konan orðaði það :):). Í nótt lauk ég við að lesa síðustu jólabókina mína, var hún ágætis afþreying og hreint ekki svo galin af Íslenskri bók að vera ;), ekki það að Íslenskar bækur séu neitt af verra tagi en aðrar bækur. En ég er sem sagt orðin uppiskroppa með lesefni, en það reddast nú væntanlega þar sem Gummi trollmaster var að koma um borð í gær og hann er yfirleitt fulllestaður af DVD myndum og tónlist, ekki amalegur kostur að róa með þannig manni. Við köllum það að fara á myndbandaleiguna þegar maður fer í heimsókn í klefann til Gumma ;). Nú að öðru leiti er svo sem ekki mikið að frétta af okkur, daglegt líf hérna um borð er að komast í réttar skorður eftir mannaskiptin en það tekur alltaf smá tíma að fá allt í gang eftir mannaskipti, einhverjir nýir koma og svo eru menn að koma úr löngu fríi og það þarf átök að rífa sig af stað eftir löng frí. Það er erfitt að kveð...

..::Mestir og bestir!!::.. Merkilegt hvernig fréttaflutningur getur stundum verið, t.d finnst mér athyglisvert hvernig fréttirnar af aflaverðmæti Engeyjar hafa verið matreiddar ofan í mörlandann undanfarið og sá samanburður sem er í fréttum um hvað skipið hafi verið að gera gott á síðasta ári. Það dettur samt engum fréttamiðli í hug að minnast á það að skipið var meira og minna með fleiri skip í vinnu til fiska fyrir sig á meðan önnur skip sem höfð eru til samanburðar þurftu flest að hafa fyrir öllum veiðunum sjálf. Ég held að það sé ekki mikil kúnst að setja einhver aflaverðmætismet ef maður getur bara legið á krók undir Garðskaga og beðið eftir að önnur skip fyrirtækisins komi og dæli aflanum um borð svo hægt sé að halda uppi fullri vinnslu, en einhverra hluta vegna er þessu slegið upp í fréttamiðlum þannig að engin hafi tekið þátt í þessu nema viðkomandi skip. Hákon var númer tvö í þessari aflaverðmætiskeppni og var hann með 1170milj/fob en títt umrædd Engey var með 1451milj/fob, e...

..::Taxinn::.. Það var rólegt hjá okkur í nótt veiðilega séð, fullt rör frá miðnætti til tíu í morgun en þá tókum við tvær stuttar prufusköfur áður en við fórum í Sjóla. Sjóli var mættur til Nouadhibou og beið eftir okkur við hengdum okkur saman um kvöldmatarleitið í kvöld, og síðan hefur allt verið á fullu í uppskipun. Matti Sigursteins er skippari á Sjólanum en hann leysti mig af á Erlunni forðum daga, við höfum þekkst lengi og alltaf gaman að hitta gamla kunningja, hann rétt náði að líta upp úr fraktstressinu og kíkja á mig í nokkrar mínútur núna rétt fyrir miðnættið. Hann var hífður á milli í búri sem við köllum Taxann, en það er sá háttur sem hafður er á hérna þegar koma þarf mannskap á milli skipanna, þetta er ekki ósvipað fuglabúri og svínvirkar í þetta verkefni. Það var frekar kalt hérna seinnipartinn þegar við komum, ekki nema 20°C og ég sá ástæðu til þess að fara í peisu, en hitinn var 29°C suður við Nouakchott þar sem við vorum í gær, en svo leit ég á hitann á Akureyri og sá...

..::Málfræði!!::.. Byrjaði daginn á því að taka stöðuna í brúnni en svo fór ég rölt á trolldekkið í góða veðrinu og spjallaði aðeins við mína menn, fékk líka aðeins að taka í nál. Hefði maður ekki viljað skipta á hitanum og blíðviðrinu hérna og brælunum og frostinu heima hérna áður fyrr, kannski var bara betra að maður kynntist þessar sjómennsku ekki fyrr því það hefði ekki gert manni gott að hafa samanburðinn. Oft var maður búin að bölva bévítans veltingnum og kuldanum þegar maður húkti krókloppin eins og girðingarlykkja yfir gauðrifnum trolldruslum, og svo ultu þessir koppar eins og tvinnakefli til að auka enn á hamingjuna ;). En mannskepnan er einhvern vegin forrituð þannig að hún er fljót að laga sig að aðstæðum og sjálfsagt gæti maður endað aftur í frostinu og brælunum hver veit, það er erfitt að segja til um framtíðina, ég á alveg nóg með nútíðina ;). Hádegisumræðan snérist svo um Íslenska málfræði, eignarfall, þollfall, þágufall,niðurfall og yfirfall og hvað þetta nú allt heitir...

..::Teflt við Pá....::.. Í dag var ég að gramsa í einni skúffunni í brúnni og fann þetta líka fína taflborðið ásamt taflmönnum, þetta tafl var greinilega með mikla reynslu því að sumir taflmennirnir voru heimatilbúnir úr gúmmípjötlu og pappír en voru fínir staðgenglar fyrir þá sem horfið hafa úr upprunalega liðinu. Þessi Hvalreki á fjörur mínar var til þess að ég dreif mig í að leita uppi kunnáttumenn í þessum mæta leik, ekki þurfti að leita lengi og áhuginn var greinilega til staðar, Reynir var meira að segja með taflklukku með sér. Læknirinn var nú sjanghæjaður í hraðskák við Reyni og var ekki annað að sjá en að þeir væru á svipuðu róli í taflmennskunni. Það var gaman að fylgjast með þeim félögum og rifjaðist upp í huga mér sú mikla elja og vinna sem minn gamli skólastjóri lagði í taflmennsku og að troða þessu í hausinn á okkur, ekki vorum við nú alltaf sáttir við hvorn annan en ég lét mig nú samt hafa það að tefla eitthvað þegar ég var krakki, ég bjó að þeirri reynslu í dag þegar ég...

..::Slakaðu á maður!!::.. Ætli ég verði ekki að byrja á að skrifta, biðjast afsökunar á bloggi gærdagsins ;), auðvitað átti ég ekki að segja kerlingar því þetta á ekki bara við kerlingar heldur allt kvenfólk, hefði kannski betur sagt “best að spræna eins og dama!” en ég vona nú að engin hafi móðgast mikið yfir þessu hehe. Dagurinn í dag var ekki ólíkur öðrum dögum hjá okkur hérna á slóðum frumbyggjanna þótt náttúrulega engin dagur sé eins ef farið er út í þá sálma. En við erum að reina að pjakka í þessu og er ég aðallega í því þessa dagana að skapa trollmeisturunum vinnu, en ég hef verið ansi duglegur við að skemma veiðarfærin í gær og dag. Stórmerkilegt hvað þessir fisktittir virðast hafa ánægju af því að troða sér ofan í einhverjar gjótur nú eða liggja utan í einhverjum tindum, óþverrabotn eins og við köllum það á sjómannamáli. Ég hélt að það væri alltaf talað um að gullfiskar hefðu 7sek minni, en það hlýtur að vera tóm þvæla því ég sé ekki annað en að flestir fiskar hafi vit á að t...

..::Mígum eins og kerlingar!::.. Þá er komið að kvöldsögunni ;), þessi dagur var ekki mjög líkur gærdeginum, slapp samt fyrir horn, en það var basl á okkur allan seinnipartinn. Það var vindsperra á okkur í morgun en lygndi svo upp úr hádegi og síðan hefur verið bongó, það er allt undirlagt ofandekks í sandi og bátsmaðurinn hefur nóg að gera í að reyna að halda skipinu hreinu, en hann er seigur karlinn og gefur sandsköflunum langt nef ;), háþrýstidæla, endalaus elja og þolinmæði gerir það að verkum að þetta er alltaf nokkuð hreint hjá karlinum. Eftir hádegisfréttirnar í dag snérist umræðan um baðherbergi. Vildi einn af okkur meina að það væri ekki nóg að vera með klósett á baðherbergjum, þar þyrfti líka að vera hlandskál. Þessu til rökfærslu sagði hann: Það míga allir karlmenn útfyrir!, venjuleg klósett eru bara fyrir litla stráka að míga standandi í, þetta er bara allt of lágt fyrir fullvaxna karlmenn! Hver kannast ekki við það að standa framan við klósettið og ætla að míga en sökum þe...

..::Með Stefnuljós!!!!::.. Heilladísirnar ákváðu að sturta úr hamingjupokanum yfir okkur í dag, og gekk dagurinn vonum framar, rúsínan í pylsuendanum var svo ágætishol sem við náðum að slíta upp í kvöld og kom okkur öllum í opna skjöldu þar sem við áttum ekki von á því, ég varð þvílíkt glaði með þetta, og ef það hefði rignt þá hefði það lent ofan í nefið á mér og ég sjálsagt druknað í framhaldinu, en sem betur fer fyrir mig og mína þá ringdi ekki, það rignir mjög sjaldan hérna nánast aldrei ;). Þetta var bara eins og þegar ég fékk fyrsta reiðhjólið, það var sko ekkert slor, með stefnuljósum og allan pakkann, Pabbi hafði fundið það á öskuhaugunum og séð í því framtíð, hann málaði það setti á það ný dekk og smíðaði nýtt sæti, svo setti hann fram og afturljós dínamódrifin þau lýstu rosalega, og flottu stefnuljósin sem gengu fyrir batteríum voru toppurinn á þessu öllu. Ég man enn hvað ég var montinn með hjólið, og strákarnir slefuðu alveg yfir stefnuljósunum ;). En það eru breyttir tímar o...